Chiyambo 30:15 - Tonga Bible 1986

¹⁵ Kweni iyo wanguti, “Kumbi nkhanthu kamanavi po ukundipoka mrumi wangu? Ukhumba so kupoka munkhwala wamwana wangu?” Rakelo wanguti, “Wakale nawe usiku wale chifukwa cha munkhwala wa mwana wako.”

Chiyambo 30:15 Referans Kwoze

Maŵerengedu 16:13

Kumbi nkhanthu kamanavi kuti iwe ukutituzga mu charu chakutaŵara mkaka ndi uchi, ndi kuzachitibaya mu bozwa, ndi kuti uzijisanduske wija kuŵa fumu yidu?

1 ŴaKorinte 4:3

Kweni kwaku ine nkhamanavi limu kuti nderuzgike ndi imwe, pamwenga ndi cheruzgu cha munthu; ndikweni kuti nditijeruzga chingana ndine ndamweni cha.

Ezekiele 16:47

Kweni kuti ungukhorwa cha kwenda mu nthowa zawo, pamwenga kuchita kwakuyana ndi maunyakazi ghawo; ndipo mu kanyengo kamanavi waka iwe unguvunda ukongwa kwakuruska iwo mu nthowa zako zose.

Yesaya 7:13

Ndipo wanguti, “Avwani iku, mwa nyumba yaku Davidi! Kumbi nkhanthu kamanavi kwaku imwe kuvuska ŵanthu, ndi kuti muvuska so Chiuta wangu?

Chiyambo 30:14

Mu mazuŵa gha chivuna cha trigu Rubene wanguruta ndi wangusaniya munkhwala wakularika tulo mu munda ndi wanguza nawo ku anyina Leya. Sono Rakelo wanguti kwaku Leya. “Undipaskeko chondi, munkhwala wa mwana wako.”

Chiyambo 30:16

Penipo Yakobe wangutuwa ku munda, ndi mazulo Leya wanguruta kwachikumana nayo, ndipo wanguti, “Ukasere kwangu, pakuti ndakugula ndi munkhwala wa mwana wangu.” Viyo wangula nayo usiku wuwa.