Chiyambo 3:21 - Tonga Bible 1986

²¹ Ndipo Ambuya Chiuta wanguchitiya Adamu ndi muwoli wake vivwalo vya vikumba, ndi wanguŵavwalika.

Chiyambo 3:21 Referans Kwoze

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

Chiyambo 3:7

Sono maso ghaku wo ŵaŵi ghangujurika, ndipo ŵanguziŵa kuti mbankhuli; ndipo ŵangusonerezgana mani gha mkuyu ndi ŵangujichitiya matheŵera.

ŴaRoma 3:22

urunji nawo wakuchiuta wamu chivwanu mwaku Yesu Kristu, wa kwaku wose ŵakuvwana; pakuti mpambanu palive;

Chiyambo 3:20

Munthu yo wangudana zina la muwoli wake Eva, chifukwa wenga nyina wa ŵamoyo wose.

Chiyambo 3:22

Sono Ambuya Chiuta wanguti, “Awona, munthu yo waŵa nge njumoza nafwe, kuziŵa umampha ndi uheni; ndipo sono, vinu wangatambaluwa janja lake ndi kutoko so vya muti wa umoyo ndi kurgha ndi kuja wamoyo muyaya.”

1 ŴaKorinte 12:23

ndipo vya liŵavu vyo titivipima ulaka vya kupere rumbu, pakuvyenivyo tirundapo rumbu linandiko; ndipo vizira kunozga vidu vye nawo unozgi unandiko,