Chiyambo 3:20 - Tonga Bible 1986

²⁰ Munthu yo wangudana zina la muwoli wake Eva, chifukwa wenga nyina wa ŵamoyo wose.

Chiyambo 3:20 Referans Kwoze

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Chiyambo 2:23

Sono munthu yo wanguti, “Uyu sono nchiwanga cha viwanga vyangu ndi nyama ya nyama yangu; wakadanikanga Munthukazi, chifukwa wangutoleka kutuwa mu Munthurumi.”

Chiyambo 5:29

ndi wangudana zina lake Nowa, ndi wanguti, “Kutuwa mu nyata yeniyo Ambuya akutemba, uyu wakatitoliyanga ifwe chisangarusku ku nchitu zidu ndi kukutakataka kwa manja ghidu”.

Chiyambo 2:20

Munthu yo wangupaska mazina ku chakuŵeta chose, ndi ku viyuni vya mude, ndi nyama yose yamu dondo; kweni ku munthu yo kwengavi kusanirika wakumovya wakulingana nayo.

Machitidu gha Ŵakutumika 17:26

ndipo wangwata ku ndopa zimoza mtundu wose wa ŵanthu kwachija pa chisku chose cha charu, wati wateme nyengo zakulangulika, ndi mphaka za ujazi wawo;

Mateyu 1:21

Ndipo wapapenge mwana munthurumi; ndiudanenge zina lake Yesu: chifukwa ndiyo wataskenge khamu lake ku vilakwa vyawo.”

1 Samuele 1:20

ndipo mu nyengo yakufiskika Hana wanguŵa ndi nthumbo ndipo wangupapa mwana munthurumi, wangumudana zina lake Samuele, pakuti watinge, “Ndamupempha ku Ambuya.”

Chituwa 2:10

Ndipo mwana wangukuwa. Sono wanguza nayo ku mwana waku Farao ndipo wanguŵa mwana wake. Wangumudana Mosese pakuti wanguti, “Chifukwa ndingumuzuwuwa mu maji.”

Chiyambo 35:18

Ndipo penipo mzimu wake warutanga (pakuti wangufwa) wangudana zina lake Benono; kweni wiske wangumudana Benjamini.

Chiyambo 16:11

Ndipo mungelo wa Ambuya wanguti kwaku iyo, “Iwe wendi nthumbo, ndipo ukapapanga mwana munthurumi, umudanenge zina lake Yishumaele; chifukwa Ambuya awona suzgu yako.

2 ŴaKorinte 11:3

Kweni nditopa vinu uli ndimo njoka yo yingumunyenge Eva mu uchenjezi wake, vinjeru vinu vinganangika kulekana ndi uneneska ndi ukhovu wa mwaku Kristu.

1 Timote 2:13

Chifukwa Adamu wanguumbika danga, Eva pavuli;

Chiyambo 3:21

Ndipo Ambuya Chiuta wanguchitiya Adamu ndi muwoli wake vivwalo vya vikumba, ndi wanguŵavwalika.