Chiyambo 3:14 - Tonga Bible 1986

¹⁴ Ambuya Chiuta wanguti ku njoka: “Chifukwa wachita ichi, ndiwe wakutembeka kuruska vyakuŵeta vyose, ndi nyama zose zamu dondo; pamoyo pako ndipo wendiyenge, ndipo ukarghanga fuvu mazuŵa ghose gha umoyo wako.

Chiyambo 3:14 Referans Kwoze

Mika 7:17

ŵakanyanganga fuvu nge ndi njoka, ndi nge ndi vinthu vyakukwaŵa vyamu charu; ŵakatuwanga ndi chitenthe mu malinga ghawo, ŵakawerenga ndi mantha ku Ambuya Chiuta widu, ndipo ŵakawopanga chifukwa chaku imwe.

Yesaya 65:25

Mphumphi ndi mwana wa mberere vikarghiyanga pamoza, nkharamu yikarghanga uteka nge ndi ng'ombe; fuvu likaŵanga kurgha kwa njoka. Kuti vikapwetekanga pamwenga kwananga cha, mu phiri langu lose lakupaturika, atiti Ambuya.”

Sumu 72:9

Ŵanthu ŵamu bozwa ŵangwadenge paurongo pake; ŵarwani ŵake ŵagonenge mu fuvu.

Yesaya 29:4

Viyo mukarongoronga, kutuliya pasi pa charu pasi pa fuvu pakatuliyanga mazu ghinu; mazu ghinu ghakatuwanga pasi pa dongo uli ndi mazu gha mzimu, ndipo vyakukamba vinu vikatokotezganga kutuliya mufuvu.

ŴaLevi 20:25

Chifukwa cho mukapatuwanga pakati pa nyama yakuphotoka ndi yambura kuphotoka, ndi pakati pa chiyuni cha kuphotoka ndi chambura kuphotoka; mungajikazuzganganga cha ndi nyama pamwenga chiyuni pamwenga che chose cho charu chimezga, cho ndakupatuliyani kuchipima kuŵa chakunguzgika.

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

Chiyambo 3:1

Sono njoka yenga yakuchenje kwakuruska chamoyo chose chamu dondo cho Ambuya Chiuta wanguchita. Yinguti ku munthukazi, “Kumbi Chiuta wanguti, ‘Mungarghangapo cha vipasi vya muti we wose wamu munda wo’?”

Chiyambo 4:11

Ndipo sono we wakutembeka ku nyata, yo yajura mlomo wake kuronde ndopa za mhurwa wako kuturiya ku janja lako.