Chiyambo 3:13 - Tonga Bible 1986

¹³ Sono Ambuya Chiuta wanguti ku munthukazi, “Nchine ichi cho wachita?” Munthukazi wanguti, “Njoka yo yingundinyenga ndipo ndingurgha.”

Chiyambo 3:13 Referans Kwoze

2 ŴaKorinte 11:3

Kweni nditopa vinu uli ndimo njoka yo yingumunyenge Eva mu uchenjezi wake, vinjeru vinu vinganangika kulekana ndi uneneska ndi ukhovu wa mwaku Kristu.

1 Timote 2:14

ndipo kuti Adamu wangufuvyika cha, kweni munthukazi yo pakufuvyika wanguwiya mu ujumphi:

Yohane 18:35

Wangamuka Pilato, “Kumbi nde muYuda ine? Mtundu wako ndi ŵazukuru ŵara ndiwo ŵakupereka kwaku ine: na iwe wachitanji?”

2 Samuele 3:24

Sono Yoabu wanguruta ku karonga, wanguti, “Mwachitanji? Awonani, Abnere wanguza kwinu, chifukwa nchine mwamureka kuti warutenge ndipo waruta.

Chiyambo 44:15

Yosefe wanguti kwaku wo, “Cho mwachita nchinthu uli? Kumbi kuti muziŵa cha kuti munthu wakuŵa nge ndine wangaziŵa kombeza?”

1 Samuele 13:11

Samuele wangumufumba, “Wachitanji?” Sauli wanguti, “Po ndiguwona kuti ŵanthu ŵathaŵa, ndipo kuti imwe mwengavi kufika mu mazuŵa gho ghangutemeka, ndi pakuziŵa so kuti ŵaFilisti ŵangungana pa Mikimasa,

ŴaRoma 7:11

Chifukwa ulakwi wo, pakutendeke mu langulu lo, ungundifuvya, ndipo mwaku lo ungundibaya.

1 Samuele 15:15

Sauli wanguti, “Ŵavipinga kutuwa ku Amaleke, pakuti ŵanthu ŵangusunga mberere ndi ng'ombe, zakunozga kupereka sembe ku Ambuya Chiuta winu, vinyake vyose tapasuwa.”

Chiyambo 12:18

Viyo Farao wangudana Abramu, ndi wanguti, “Nchine ichi cho wachita iwe kwangu? Chifukwa chine wengavi kundinene kuti ndi muwoli wako?

ŴaLevi 12:5

Kweni asani wapapa mwana munthukazi, wakaŵanga wambura kutozgeka ŵasabata ŵaŵi uli mpha nyengo yake ya masambi; ndipo wakakuyakiyanga mu luji la kutozgeka kwake mazuŵa machumi ghankhonde ndi limoza pachanya ghankhonde ndi limoza (66).

1 ŴaKaronga 13:18

Ndipo wanguti kwaku iyo, “Ine nane ndine mchimi nge ndiwe, ndipo mungelo wangurongoro nane ndi mazu gha Ambuya, wanguti, ‘Kamuwezge uzi nayo pamoza mu nyumba yako kuti wazirghe chiŵande ndi kumwa maji.’ ” Kweni wangumunene utesi.

Yona 1:10

Viyo ŵanthu yaŵa ŵangopa weniukongwa ndipo ŵanguti kwaku iyo, “Nchine cho wachita?” Chifukwa ŵanthu ŵanguziŵa kuti wathaŵa paurongo pa Ambuya, chifukwa wanguŵanene.