Chiyambo 28:20 - Tonga Bible 1986

²⁰ Sono Yakobe wangurapa rapu wanguti, “Asani Chiuta wakaŵanga nane, ndipo wakandisunganga mu nthowa iyi yeniyo ndikamo; ndipo wakandipaskanga chiŵande kuti ndirghenge, ndi saru kuvwara,

Chiyambo 28:20 Referans Kwoze

1 Timote 6:8

kweni pakuŵa ndi kurgha ndi vyakuvwara, tikhorwenge navyo.

2 Samuele 15:8

Pakuti ndamteŵeti wino ndingurapa rapu po ndenga ndeche kuja pa Geshuru mu Aramu, ndinguti, ‘Asani nadi Ambuya andiwezgiyenge so ku Yerusalemu, iku nkhaperekanga chisopo ku Ambuya.’ ”

Yohane 1:16

Pakuti wapaska wezi kwaku ifwe tose rutaruta kutuwa ku uzari wake.

Sumu 66:13

Ndizenge ku nyumba yinu ndi mipasku yakocha; ndikaperekanga kwaku imwe cho ndingupangana.

Chiyambo 31:13

Ndine Chiuta wa Betele, penipa ungutukutizga chiguŵa ndi mafuta ndi unguchita rapu kwangu. Sono usoke, urutenge utuwemo mu charu ichi; ndipo uwere ku charu cha kawi kako.’ ”

Machitidu gha Ŵakutumika 18:18

Ndipo Paulo, wati waswapo so mazuŵa ghanandi, wangurayirana ndi ŵabali wo, ndipo wangulowoke ku Siriya; ndi pamoza nayo Priskila ndi Akula; wanguti wameta sisi mu Kenkirea, chifukwa waŵanga ndi rapu.

Sumu 132:2

Kumbukani, Ambuya, cho wangupangana, rapu lo wangurapiya ku wanthazi zose waku Yakobe,

Sumu 119:106

Ndarapa rapu ndipo ndalikhozga, kuvwiya virunguchizgu vinu virunji.

Sumu 116:18

Marapu ghangu ku Ambuya ndifiskenge inya paurongo pa khamu lawo lose,

Sumu 116:14

Marapu ghangu ku Ambuya ndifiskenge, pa maso pa khamu lawo lose.

Sumu 76:11

Paskani Ambuya Chiuta winu cho mungupangana nayo; mose mwa mitundu yapafupi, paskani vya wanangwa kwaku iyo, kwakumweniyo ngwakwenere kopeka;

Sumu 61:8

Viyo ndikoŵeriyenge marumbu ku zina linu, po ndipereka marapu ghangu zuŵa ndi zuŵa.

Sumu 61:5

Chifukwa imwe, A Chiuta mwavwa marapu ghangu, mwanditore mu chihara cha ŵakopa zina linu.

Sumu 56:12

Marapu ghangu kwaku imwe nditenere kufiska, A Chiuta; ndiperekenge kwaku imwe mipasku yakuwonga.

Yesaya 19:21

Ndipo Ambuya akajiziŵiskanga ku ŵaEgipiti, ndipo ŵaEgipiti ŵakaziwanga Ambuya mu zuŵa liya ndi kusopa pamoza ndi mipasku yakocha, ndipo ŵakarapanga ku Ambuya ndi kufiska marapu gho.

Sumu 22:25

Rumbu langu mu unganu ukuru lituliya kwaku imwe; marapu ghangu ndifiskenge paurongo pa ŵakumopa.

1 Samuele 14:24

ŴaYisraele ŵangusuzgika zuŵa liya; pakuti Sauli wangurapa rapu pa ŵanthu lakuti, “Watembeke munthu yo warghenge kurgha mpaka mazulo, mwakuti ndidange ndawezge nduza ŵarwani ŵangu.” Ndipo viyo pengavi munthu yo wangweska kurgha.

1 Samuele 1:28

Chifukwa ichi ndamupereka uyu ku Ambuya, mo wajariyenge ndi umoyo, ngwakuperekeka ku Ambuya.” Ndipo ŵangusopa Ambuya penipa.

1 Samuele 1:11

Wangurapa rapu wanguti, “Ambuya wa maŵanja nadi muwonenge pa suzgu ya muŵanda munthukazi winu, ndi kundikumbuka, kuruwa ndamuŵanda munthukazi winu cha, kuti mundipaske ndamuŵanda-munthukazi winu mwana munthurumi, ine ndimuperekenge ku Ambuya, mu umoyo wake wose, lwembe kuti likakwaskanga ku mutu wake cha.”

Chiyambo 28:15

Ehe, nde pamoza nawe ndipo ndikakusunganga kweniko kose ukayanga, ndipo ndikakuwezgiyanga ku charu chenichi; pakuti ndikusiyenge cha mpaka penipo ndachita cho ndakamba nawe.”

Chiyambo 35:3

po ndipo tisokenge tirutenge ku Betele, kuti nkhachite kwenikuwa jochero lakusopiyapo Chiuta mweniyo wangundamuka mu zuŵa la suzgu yangu ndipo waŵa nane kweniko kosendinguya.”

1 Mikoka 4:10

Ndipo Yabezi wadananga kwaku Chiuta waku Yisraele kuti, “Munditumbike ndi kukuzga charu changu, ndi kuti janja linu liŵenge nani, mundisunge ku uheni, mwakuti ureke kundipweteka,” ndipo Chiuta wangumupaska cho wanguromba.