Chiyambo 28:16 - Tonga Bible 1986

¹⁶ Sono Yakobe wanguyuka mu tulo twake ndi wanguti, “Kwakuneneska Ambuya ŵemu malo yagha; ndipo ndengavi kuziŵa ichi.”

Chiyambo 28:16 Referans Kwoze

Yoswa 5:15

Ŵakulamula wa ŵankhondo wa Ambuya wanguti kwaku Yoswe, “Tuzgako viyato vyako ku marundi ghako; pakuti malo gho wamapo ngakupaturika.” Ndipo Yoswa wanguchita viyo.

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Chituwa 3:5

Sono wanguti, “Ungazanga pafupi; zuwa skapato zako ku marundi ghako, pakuti malo gho wamapo ndi malo ghakupaturika.”

Jobu 33:14

Pakuti Chiuta wakamba kamoza, pamwenga kaŵi, nanga munthu kuti watumuvwa cha.

Jobu 9:11

Wonani wadumuwa paku ine kweni kuti ndimuwona cha. Wajumpha kweni ine ndilive kumziŵa.

Yesaya 8:13

Kweni Ambuya ŵa maŵanja, iyo ndiyo mutenere kuziŵa kuti ngwakupaturika, iyo ndiyo mopenge, iyo ndiyo mutenthemenge.

Sumu 68:35

Nkhofya uli kwaku Chiuta mu malo ghake ghakupaturika, Chiuta waku Yisraele! Wapaska nthazi ndi mazaza ku khamu lake. Tumbikani Chiuta!

Chituwa 3:4

Penipo Ambuya anguwona kuti wapatukiyako kwachichiwona, Chiuta wangudanirizga kwaku iyo kutuliya mu chivwati, “Mosese, Mosese!” Ndipo iyo wanguti, “Ndine nde pano.”

Yoswa 5:13

Penipo Yoswa wenga pafupi pa Yeriko, wangusoska maso ghake wangulereska, wanguwona, munthu wanguma paurongo pake, ndi lipanga lakuwewepuwa mu janja lake; ndipo Yoswa wanguruta kwaku iyo wangunena nayo, “Kumbi iwe wendi ifwe, pamwenga weku ŵakupindikana ŵidu?”

1 ŴaKaronga 3:15

Ndipo Solomoni wanguyuka, kweni ehe, ili lenga loto. Pavuli wanguza ku Yerusalemu, ndipo wanguma paurongo pa bokosi la phanganu la Ambuya, wangupereka sembe zakocha ndi sembe za chimangu, ndipo wanguchitiya dghera ŵaŵanda ŵake wose.

Sumu 139:7

Ndingaya pani kuti ndithaŵe mzimu winu? Ndingathaŵiya pani, kutuwako ku maso ghinu?

Yeremiya 31:26

Penipo ndinguyuka ndingulereska, ndipo tulo twangu twenga twakunozga.

Maŵerengedu 12:6

Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.