Chiyambo 28:15 - Tonga Bible 1986

¹⁵ Ehe, nde pamoza nawe ndipo ndikakusunganga kweniko kose ukayanga, ndipo ndikakuwezgiyanga ku charu chenichi; pakuti ndikusiyenge cha mpaka penipo ndachita cho ndakamba nawe.”

Chiyambo 28:15 Referans Kwoze

Yoswa 1:5

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Yeremiya 1:19

Ŵakarwananga nawe kweni kuti ŵakakupundanga cha pakuti ine nde nawe pamoza kukupozomoska,” atiti Ambuya.

Marangu 31:6

Muŵe ngwa ndi ŵachiganga cheneko, mungawopanga cha pamwenga kuŵa ŵakofyerwa chifukwa chawo, pakuti Ambuya Chiuta winu waruta namwe pamoza. Kuti wakatondekanga cha, chingana nkhumurekani mwija.”

Chiyambo 26:24

Ndipo Ambuya angumuwoneke usiku weniwo ndi anguti, “Ndine Chiuta waku Abrahamu ausu; ungopanga cha, pakuti nde nawe ndi ndikakutumbikanga ndi kwandaniska mphapu yako chifukwa cha muŵanda wangu Abrahamu.”

Chiyambo 31:3

Sono Ambuya anguti kwaku Yakobe, “Uwere ku charu cha ausu ndi ku ŵabali ŵako ndipo ine ndikaŵanga nawe.”

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Mateyu 24:35

Kuchanya ndi pasi virutenge, kweni mazu ghangu kuti gharutenge cha.

Mateyu 18:20

Chifukwa po pe ŵaŵi pamwenga ŵatatu ŵakuwungirana pamoza mu zina langu, penipo ine nde pamoza nawo, mukati mwawo.”

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

1 ŴaKaronga 8:57

Ambuya Chiuta widu waŵe nafwe, nge ndimo wanguŵiya ndi auskefwe, wareke kutijowo chingana nkhutilekerezga,

Sumu 46:7

Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Chiyambo 48:21

Sono Yisraele wanguti kwaku Yosefe, “Ehe, nde pafupi kufwa, kweni Chiuta wakaŵanga nawe, ndipo wakakuwezgiyanga so ku charu cha auskemwe.

Yesaya 8:10

Khomani fuzi pamoza, kweni yichitenge kanthu cha, kambani mazu, kweni kuti ghakamanga cha, pakuti Chiuta we nafwe pamoza.

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Ŵeruzgi 6:16

Ambuya anguti “Ine ndikaŵanga pamoza nawe, ukakosonga ŵaMidiyani ulaka ukoso munthu yumoza.”

Yuda 1:1

Kalata wakutuwa kwaku Yuda mteŵeti waku Yesu Kristu, ndi mhurwa waku Yakobe, ku ŵakudanika wo ŵakwanjiwa mwaku Chiuta Dada, ndi ŵakusungikiya mwaku Yesu Kristu:

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Chiyambo 39:21

Kweni Ambuya ŵenga ndi Yosefe angumurongo chifundu, ndipo angumupaska wezi mu maso gha msungi wa nyumba ya ukaidi.

Chiyambo 39:2

Ambuya ŵenga ndi Yosefe ndipo wanguŵa munthu wakusakata; ndipo wenga mu nyumba ya mbuya wake mu Egipiti yo,

Chituwa 3:12

Iyo wanguti, “Kweni ndikaŵanga pamoza nawe; ndipo ichi chikaŵanga chisimikizgu kwaku iwe, kurongo kuti ndine ndakutuma: utakuti watuzga ŵaYisraele mu Egipiti wazamutataliya Chiuta pa phiri lenili.”

Chiyambo 48:16

mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

Chiyambo 32:9

Ndipo Yakobe wanguti, “Mwa Chiuta wa ada Abrahamu ndi Chiuta wa ada Yisaki, Ambuya, mwaŵenimwe mungukamba nane kuti, ‘Uwere ku charu chako, ndiku ŵabali ŵako, ndipo nkhakuchitiyanga umampha,’

Chiyambo 46:4

Ndikarutanga nawe ku Egipiti, ndipo so ndazamukukuwezge so kuno; ndipo janja laku Yosefe lamujara maso ghako.”

Chiyambo 21:20

Ndipo Chiuta wenga ndi mwana yo, ndipo wangukuwa; wajanga mu bozwa, ndipo wanguziŵa ukongwa kupong'a muvwi.

Chiyambo 31:5

ndipo wanguti kwaku wo, “Ndiwona kuti auskemwe kuti ŵatindiphwere uli ndi kali cha. Kweni Chiuta wa ada waŵa nane pamoza.

Chiyambo 31:13

Ndine Chiuta wa Betele, penipa ungutukutizga chiguŵa ndi mafuta ndi unguchita rapu kwangu. Sono usoke, urutenge utuwemo mu charu ichi; ndipo uwere ku charu cha kawi kako.’ ”

Chiyambo 35:3

po ndipo tisokenge tirutenge ku Betele, kuti nkhachite kwenikuwa jochero lakusopiyapo Chiuta mweniyo wangundamuka mu zuŵa la suzgu yangu ndipo waŵa nane kweniko kosendinguya.”

Chituwa 13:11

“Ndipo penipo Ambuya akutoliyani mu charu cha ŵaKanani uli ndimo angurapiya kwaku imwe ndi ku auskemwe, ndipo akachipaskanga kwaku imwe,

Maŵerengedu 6:24

Ambuya akutumbikeni ndi akusungeni:

Marangu 7:9

Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).

Marangu 30:3

penipo Ambuya Chiuta winu wakamuwezgiyaninga mwaŵi winu, wakamufwiyaninga lisungu, ndipo wakamuwunjikaninga so pamoza kutuwa ku ŵanthu wose kweniko Ambuya Chiuta winu wakuparghang'iyani.

Marangu 31:8

Ambuya atikudanjiriyani, akaŵanga pamoza namwe, kuti akatondekanga cha Chingana nkhumurekani mwija: mungopanga cha chingana nkhudonda cha.”

Chiyambo 30:25

Penipo Rakelo wanguti wapapa Yosefe, Yakobe wanguti kwaku Labani, “Nditumeni ndirutenge ndiwere kwidu ndi ku charu changu.

ŴaLevi 26:42

sono po ndipo nkhakumbukanga phanganu langu ndi Yakobe ndi phanganu langu ndi Yisaki ndi phanganu langu ndi Abrahamu, nkhakumbukanga charu cho.

ŴaLevi 26:45

kweni pa chifukwa chawo nkhakumbukanga phanganu lo ndingupangana ndi auskeu wo ndingutuzga mu charu cha Egipiti mu maso gha mitundu kuti ine ndiŵenge Chiuta wawo Ndine Ambuya.”

Sumu 91:11

Chiuta wakalanguliyanga ŵangelo ŵake paku iwe, kukusunga munthowa zako zose.

Yeremiya 16:15

kweni ‘Nge ndimo aliri amoyo Ambuya ŵeniwo ŵangtuzga ŵaYisraele mu charu cha kunkhonde ndi mu vyaru vyose mwenimo anguŵadikiskiya.’ Chifukwa ndikaŵawezgiyanga ku charu chawo chenicho ndingupaska ku auskeu.