Chiyambo 28:14 - Tonga Bible 1986

¹⁴ ndipo mphapu yako yikawanga uli ndi fuvu lapa charu, ndipo mukasapatiyanga kutali ku zambwe ndi ku vuma ndi ku nkhonde ndi ku mwera; ndipo mwaku iwe ndi mphapu yako mitundu yose ya pano pasi yitumbikikenge.

Chiyambo 28:14 Referans Kwoze

Chiyambo 12:3

Ndikatumbikanga wo ŵatukutumbika, ndipo yo wakutemba iwe ndikamutembanga; ndipo mwaku iwe mbumba zose zamu charu zikatumbikikanga.”

Chiyambo 26:4

Ndikandaniskanga mphapu yako uli ndi nyenyezi za kuchanya, ndipo ndiapaskanga ku mphapu yako uli ndi nyenyezi za kuchanya, ndipo ndikapaskanga ku mphapu yako ivi vyaru vyose; ndipo mu mphapu yako mitundu yose ya charu chapasi yitumbikikenge.

Machitidu gha Ŵakutumika 3:25

Imwe mwe ŵana ŵa ŵamchimi wo, ndi ŵa chipanganu cho wangupangana Chiuta ndi auskemwe, wachikamba ndi Abrahamu, ‘Mu mbeu yako ndimo zamtumbikikiya mbumba zose za panupasi.’

Chiyambo 22:18

Ndipo mu mphapu yako mitundu yose ya charu chapasi yitumbikikenge chifukwe wavwiya mazu ghangu.”

Chiyambo 18:18

pakuti Abrahamu wakaŵanga mtundu ukuru ndi wanthazi, ndipo mitundu yose ya pano pasi yikatumbikikiyanga mwaku iyo?

Chiyambo 13:16

Mphapu zako ndikazichitanga uli ndi fuvu la charu; viyo asani wangaŵapo munthu yo wangaziŵa kuŵerenga fuvu la charu, iku mphapu yako nayo yikaŵerengekanga.

Chiyambo 13:14

Pavuli Ambuya anguti kwaku Abramu, wati wajipatuwako Lote, “Ulereske kuturiya pa malo ghenigho ulipo, ku nkhonde, ku malaŵi, ku zambwe, ndi ku vuma;

ŴaGalatia 3:16

Kweni kwaku Abrahamu ghanguneneke mapanganu gho, ndi ku mbeu yake, walive kukamba, “Ndi ku zimbeu,” nge mpha zinandi; kweni nge mpha yimoza “Ndi ku mbeu yako,” yo ndi Kristu.

ŴaGalatia 3:8

Ndipo lembo lo, pakuwone limu kuti Chiuta kutuwa ku chivwanu warunjiskenge ŵaMitundu, lingutauliya limu evangeli kwaku Abrahamu, lakuti, “Mwaku iwe yikatumbikikanga mitundu yose.”

Chivumbuzi 7:9

Pavuli paku ivi ndingulereska, ndipo, onani, mzinda ukuru, weniwo pengavi munthu wanguziŵa kuŵerenga ŵakutuwa, mu mtundu we wose, ndi mu mafuku, ndi makamu, ndi marongoroledu, ŵamanga paurongo pa chitengu chaufumu cho, ndi paurongo pa Mwana-mberere yo, ŵakuvwara makhanju ghatuŵa, ndi ŵakukoreze ŵakanchindu mu manja ghawo,

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

Mateyu 8:11

Ndipo ndinena namwe, kuti ŵanandi kutuwa ku vuma ndi ku zambwe ŵazenge, ndipo ŵajenge pasi pamoza ndi Abrahamu ndi Yisaki ndi Yakobe mu ufumu wakuchanya,

Sumu 72:17

Zina lake lijaririye muyaya, mbiri yake yirutiliyenge mo liliri lumwi. Yimurumbenge mitundu yose, ŵanthu wose ŵapemphe Chiuta kuti waŵatumbike, nge ndimo watumbikiya karonga.

Marangu 12:20

“Penipo Ambuya Chiuta winu wamukuzga charu chinu nge ndimo wangupanganirana namwe, ndipo mukatinge, ‘Nkharghanga nyama,’ chifukwa mwakhumba kurgha nyama, mungargha nadi nyama yose yo munganweka kurgha.

Maŵerengedu 23:10

Njani wangaŵerenga fuvu laku Yakobe, chingana nkhuŵerenga chigaŵa cha chinayi chaku Yisraele? Rekani ndifwe nyifwa ya murunji, ndipo umari wangu ukozgane ndi wake!”

Chiyambo 32:12

Kweni imwe mungukamba, ‘Ndikakuchitiyanga umampha, ndi kuchita mphapu yako kuŵa nge ndi mchenga wapa nyanja, wo kuti ungaŵerengeka cha chifukwa cha unandi.’ ”

Chivumbuzi 7:4

Ndipo ndinguvwa unandi waku wo ŵanguzighirika, ŵenga vikwi machumi pechumi pachanya machumi ghanayi ndi vinayi, ŵakuzighirika mu fuku lose la ŵana ŵaku Yisraele:

Chiyambo 13:15

pakuti charu chose cho uwona ndikakupaskanga iwe ndi mphapu zako muyaya.

Chiyambo 22:17

kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.

Chiyambo 48:16

mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

Chiyambo 48:19

Kweni awiske ŵangukana, ndi ŵanguti, “Ndiziŵa wa mwana wangu, ndiziŵa, iyo nayo wakaŵanga mtundu, ndipo nayo so wakaŵanga mukuru; ndipuuli mhurwa wake wakaŵanga kwakuruska iyo, ndipo mphapu yake yikaŵanga mitundu yinandi.”

Marangu 13:17

Paŵevi kanthu kakutembeka ko mukasunge, kuti Ambuya aweko ku ukari wawo wakofya, ndi kukulongoni lisungu ndi kuŵa ndi chifundu paku imwe, ndi kukwandaniskani nge ndimo angurapiya ku auskemwe,

2 Mikoka 1:9

Ambuya Chiuta, sono lifiskike phanganu linu kwaku Davidi, pakuti mwandimika kuŵa karonga wa ŵanthu wo ŵenge ndi fuvu la charu mu unandi wawo.

Yesaya 54:3

Pakuti ukatambalukiyanga kose ku marghe ndi ku maze, ndipo mphapu yako yikaharanga mitundu ndipo ŵakaŵikangamo ŵanthu mu mizi ya uyiku.

Chituwa 32:13

Kumbukani Abrahamu, Yisaki, ndi Yakobe ŵaŵanda ŵinu, kwaku wo mungurapiya paku mwaŵeni, ndipo munguti kwaku wo, ‘Ndikandaniskanga mphapu zinu nge ndi nyenyezi za kuchanya, ndipo charu chose ichi cho ndapangana kuti ndichipaskenge ku mphapu zinu, iwo ŵakachiharanga muyaya.’ ”