Chiyambo 27:41 - Tonga Bible 1986

⁴¹ Sono Esau wangutinkha Yakobe chifukwa cha chitumbiku chenicho awiske wangumutumbika nacho, ndipo Esau wanguti kwaku yija, “Mazuwa ghakufwiya ada ghaŵandika; pavuli ndazamubaya mhurwa wangu Yakobe.”

Chiyambo 27:41 Referans Kwoze

Chiyambo 37:4

Kweni penipo ŵana ŵanyake wanguwona kuti uskeu wangumwanja iyo kwakuruska ŵana ŵanyake wose, ŵangumutinkha ndipo kuti ŵakambanga nayo mu chimangu cha.

Wakutaula 7:9

Reka kukaripa ruŵi, pakuti kukaripa kugona mu chifuŵa cha ŵakupusa.

Nthanthi 6:14

Ndi mtima wakulandizga wapanga uheni, kwakukuyakiya wamija ndeu;

Chiyambo 37:8

Ŵana ŵanyake ŵanguti kwaku iyo, “Kumbi mbuneneska kuti ukatiusanga iwe? Pamwenga mbuneneska kuti ukatitufuliyanga iwe?” Chifukwa cho ŵangurutizga so ukongwa kumutinkha chifukwa cha maloto ghake ndi mazu ghake.

Chiyambo 32:6

Ndipo mathenga ghanguwere kwaku Yakobe, ghanguti, “Tingufika ku muku wako Esau, ndipo watuza kuzachikumana nawe, ndi ŵanthu machumi pe chumi ghanayi pamoza nayo.”

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

Ezekiele 35:5

Chifukwa unguŵa ndi kutinkha kwa muyaya, ungupereka ŵaYisraele ku nthazi ya uyi wa lipanga mu nyengo ya soka lawo, pa nyengo ya kulangika kwawo kwakumariya;

Nthanthi 1:16

pakuti marundi ghawo ghachimbiriya ku uheni, ndipo ŵatinthimikiya kwachidira ndopa.

Sumu 142:3

Po mzimu wangu wagongowa, imwe muziŵa nthowa yangu. Munthowa mo nditenda ŵandibisiyamo chiŵana.

Sumu 37:16

Tumanavi to wenato murunji nthwamampha kwakuruska vya uzari vya ŵaheni ŵanandi.

Sumu 35:14

Ulaka nge ndingutenjere mbali wangu pamwenga mwana munyangu; ndingwenda nge njumoza wakuliriya anyina, ndawakukotama pasi uku nditenje.

2 Mikoka 35:24

Ndipo ŵanthu ŵake ŵangumutuzgamo mu gareta ŵangumuŵika mu gareta lake lachiŵi ŵanguza nayo ku Yerusalemu. Ndipo wangufwa, ŵangumuŵika mu muunda ya ambuyake, Yuda yose ndi Yerusalemu wangumtenjere Josiya.

Marangu 34:8

Ndipo ŵaYisraele ŵangumutenje Mosese mu madambo ghaku Moabu mazuŵa machumi ghatatu (30), ndipo mazuŵa ghakumutenjere ghangumara.

Chiyambo 35:29

Ndipo Yisaki wangututa kwakumariya; ndi wangufwa ndi wangutoreke ku ŵanthu ŵake, wakukota ndi wa mazuŵa ghanandi; ndipo ŵana ŵake Esau ndi Yakobe ŵangumuŵika.

Chiyambo 32:11

Ndipo zomsokeni, nditukupemphani, ku janja la muku wangu, ku janja laku Esau, pakuti nditumopa vinu wangaza ndi kutibaya tose ŵanyinawo ŵa ŵana ndi ŵana.

Chiyambo 27:42

Kweni mazu ghaku Esau mwana wake mura ghanguvwika kwaku Rebeka; viyo wangutuma ndi wangudana Yakobe mwana wake mumana, ndi wanguti kwaku iyo, “Sono, muku waku Esau watijisangaruska ndi fingu lakukubaya.

Chiyambo 32:3

Ndipo Yakobe wangutuma mathenga ku urongo kwake kuya kwaku Esau muku wake mu charu cha Seiri, charu cha Edimu,

Chiyambo 50:2

Ndipo Yosefe wangulanguliya ŵateŵeti ŵake ŵasing'anga kuti ŵapake awiske ndi mafuta gha chema ghakukanizga thupi kuvunda. Viyo ŵasing'anga ŵangupaka Yisraele;

Chiyambo 37:18

Wangumuwone patali, ndipo wenga wandazi kufupi kwawo ŵangupangana kumikana nayo kuti wamubaye.

Chiyambo 50:15

Penipo ŵana ŵanyake ŵaku Yosefe ŵanguwona kuti uskeu wafwa, ŵanguti, “Akhumba Yosefe wakatitinkhanga ndi wakatitayiyanga thayu pa viheni vyose vyenivyo tingumuchitiya.”

Nthanthi 18:19

Mwana munyako yo waovyeka weuli ndi msumba wakukho, kweni kubayana kwe uli ndi mphandu za linga.