Chiyambo 27:38 - Tonga Bible 1986

³⁸ Esau wanguti ku awiske, “Kumbi mwendi chitumbiko chimoza pe chakujako ada? Nditumbikeni, ine so ada mwe!” Ndipo wangubangura mazu ghake ndi wanguliya.

Chiyambo 27:38 Referans Kwoze

ŴaHebere 12:17

Chifukwa muziŵa kuti penipo pavuli wakhumbanga kuhara chitumbiku, wangukanizgika chifukwa wengavi kusaniya pakupe, chingana wanguchipenjeska ndi masozi.

Chiyambo 27:34

Penipo Esau wanguvwa mazu gha awiske wanguliya kwakuŵaŵa mtima, ndi wanguti ku awiske, “Nditumbikeni nani mbwenu, ada mwe!”

Yesaya 65:14

ehe, ŵateŵeti ŵangu ŵakambanga mu chimwemwe cha mtima kweni imwe mukaliyanga chifukwa cha kuŵaŵa kwa mtima, ndipo mukatenjenga chifukwa cha suzgu ya mzimu.

Chiyambo 49:28

Wose yaŵa ndiwo mitundu chumi ndi yiŵi yaku Yisraele; ndipo ichi ndicho wangukamba uskeu kwaku wo wachiŵatumbika wachitumbika yumoza ndi yumoza ndi chitumbiku chakumwenere.

Chiyambo 27:36

Esau wanguti, “Asi zina lake leneko ndi Yakobe? Pakuti wanditaniya nyengo izi ziŵi. Wanguto ura wakawi kangu; ndipo sono wato chitumbiku changu”. Wanguti so, “Kuti mwandiŵikiyako cha chitumbiku ine?”

1 Samuele 11:4

Mathenga ghanguti ghafika ku Gibea kwaku Sauli, ndi kukamba makani yagha mumakutu gha ŵanthu; ŵanthu wose ŵanguliya ukongwa.