Chiyambo 27:29 - Tonga Bible 1986

²⁹ Mitundu ya ŵanthu yikutataliye, ndi mutundu yilambiye iwe. Uŵe wakutufuliya ŵana ŵanyako ndipo ŵana ŵanyako ŵalambiye iwe. Watembeke we yose yo watikutemba, ndi watumbikike we yose yo watikutumbika.”

Chiyambo 27:29 Referans Kwoze

Maŵerengedu 24:9

Wangula pasi, wangugona nge ndi nkharamu, ndipo nge ndi nkharamu yinthukazi; yo wakamuyuskanga njani? Watumbikike yose yo watumbika iwe, ndipo watembeke yose yo watemba iwe.”

Chiyambo 12:3

Ndikatumbikanga wo ŵatukutumbika, ndipo yo wakutemba iwe ndikamutembanga; ndipo mwaku iwe mbumba zose zamu charu zikatumbikikanga.”

Yesaya 49:23

Ŵakaronga ŵakaŵanga ausu ŵakukovya, mafumukazi ghawo ghakaŵanga anyoko ŵakukulera. Ŵakajikamiyanga iwe, visku vyawo nkholi pasi ndi kunyanga fuvu la marundi ghako. Sono ndipo ukaziŵanga kuti ndine Ambuya; wo wose ŵalindizga ine kuti ŵakalengeskekanga cha.”

ŴaRoma 9:12

kungumneneke, “Mura yo wamteŵetiyenge mumana.”

Yesaya 45:14

Viyo atiti Ambuya: “Uromba wa Egipiti ndi maronda gha Etiopia ndi ŵaSabiyani, ŵanthu ŵatali, ŵakazanga kwako ndipo ŵakaŵanga vyako, vikakurondonga; vikazanga mu maunyolo ndi kukujikamiya. Ŵazamuŵeyere kwako, ŵachinena kuti, ‘Chiuta wendi iwe pe, ndipo kulivi so munyake, pade paku iyo palivi Chiuta munyake.’ ”

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Sumu 72:8

Wausenge kutuliya ku nyanja; mpaka ku nyanja; kutuwa ku msinji Efrate mpaka ku vigoti vya charu.

1 ŴaKaronga 22:47

Mwengavi karonga mu Edomu, kweni wakukoreziyapo ŵaka ndiyu wenga karonga.

Maŵerengedu 23:8

Ndingamutamba uli mweniyo Chiuta walivi kumutemba? Ndingamunyoza uli mweniyo Ambuya alivi kumunyoza?

Chiyambo 37:7

Tamanganga nchinda mu munda, ndipo ehe, nchinda yangu yinguma phorokotu, ndipo awonani, nchinda zinu zinguyizingirizga ndi zingulambiya nchinda yangu.”

Chiyambo 27:37

Yisaki wangwamuka Esau, “Nadi ndamuchita iyo kuŵa mbuya wako, ndipo ŵana ŵanyake wose ndamupaska kuŵa ŵaŵanda ndipo ndi chakurgha ndi vinyo ndamukhozga. Na nchine cho ndingakuchitiya iwe, wa mwana wangu?”

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.

Mateyu 25:45

Sono waŵamukenge, wakuti, ‘Ndikuneneskiyani, mwakuti mwengavi kuchitiya yumoza waku wo ŵamanako kwakuruska, kuti munguchitiya ine cha.’

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

1 Mikoka 5:2

nanga Yuda wanguŵa pachanya pa ŵabali ŵake ndi kuti mwaku iyo ndimu mungutuwa karonga mura, kweni ndipuuli ura wenga waku Yosefe).

1 ŴaKaronga 4:21

Solomoni wanguwusa pa maufumu ghose kwamba ku Efrate kwachifika ku charu cha ku ŵaFilisti ndi ku mphaka ya Egipiti, ŵanguza ndi mithulu, ŵangutataliya Solomoni mazuŵa ghose gha umoyo wake.

Chiyambo 25:33

Yakobe wanguti, “Udange chandirapiya danga.” Viyo wangumurapiya ndi wanguguliska ura wake kwaku Yakobe.

Chiyambo 9:27

Chiuta watandazge Yafete, ndipo waje mu mahema ghaku Shemu; ndipo Kanani waŵe muŵanda wake.”

Chiyambo 27:30

Po Yisaki wanguti ŵaka phu kutumbika, Yakobe wachiti tuweko kwaku Yisaki, Esau mwana munyake wangusere kutuwa kukupenja nyama.

Chiyambo 27:40

Ukaŵanga ŵankhondo, ndipo ukatataliyanga mwana munyako; kweni asani wafwanthamuka Ukafyonga chipingu chake ku khosi lako.”

Chiyambo 37:10

Kweni penipo wangukamba loto lo ku awiske ndi ku ŵana ŵanyake, awiske wangumukaripiya ndipo ŵanguti kwaku iyo, “Ndi loto uli ili lenilo walota, kumbi mbuneneska kuti ine ndi anyoko ndi ŵana ŵanyako tikazanga kuzachiŵerama pasi paurongo pako?”

Maŵerengedu 24:18

Edomu wakapokekanga, Seiri nayo, ŵakupindikana ŵake, ŵakapokanga, penipo Yisraele wakachitanga ndi nthazi.

Yesaya 60:12

Pakuti mtundu ndi ufumu wo urekenge kumutataliyani ukamaranga; mitundu yaviyo yikachitikanga mapopa kumariya limu.

Yesaya 60:14

Ŵana ŵaku wo ŵangukuyuzgani wakazanga ndi kukotama pasi, kwaku imwe, wose wo ŵangukutonyorani, ŵakakotamanga pa marundi ghinu; ŵakakudananinga Muzi wa Ambuya, Zioni wa Mtuŵa Yumoza waku Yisraele.