Chiyambo 27:28 - Tonga Bible 1986

²⁸ Chiuta wakupaske dungwi la kuchanya, ndi lakututuŵa kwa charu chapasi, ndi kurgha kunandi ndi vinyo Munandi.

Chiyambo 27:28 Referans Kwoze

Marangu 33:28

Viyo Yisraele wanguja mu chimangu, chisima chaku Yakobe yija, mu charu cha chakurgha ndi vinyo, inya, machanya ghake ghanthona dungwi.

Marangu 33:13

Ndipo ghaku Yosefe wanguti, “Ambuya atumbike charu chake ndi vyawezi vyakusankhika vya kuchanya, ndi vya ndimba vyo vikula pasi,

Sumu 133:3

Kwe nge ndi dungwi laku Hermoni, lakuwiya pa mapiri ghaku Zioni. Chifukwa kwenikuwa ndiko Ambuya akupangana chitumbiku chawo, umoyo wambura kumara.

2 Samuele 1:21

“Imwe mapiri ghaku Gilboa, pareke kuŵa dungwi pamwengavuwa paku imwe, nanga ndi minda yakutoko mipasku! Chifukwa kwenikuwa yingukazuzgikiya nguru ya chinkhara, nguru yaku Sauli yambura kupakika mafuta.

Marangu 32:2

Mphanyi kusambizga kwangu kungunthona uli ndi vuwa, fundu yangu mphanyi yingusongonoka uli ndi dungwi; uli ndi vuwa ya wenguwengu pa uteka wakutefwatefwa, ndipo uli nkumeme pa vyakume.

Marangu 7:13

Wakwanjeninge ndi kumutumbikani ndi kukwandaniskani. Ndiso watumbikenge ŵana ŵinu, vipasi vya mu minda yinu, trigu winu, vinyo winu, ndi mafuta ghinu, kwandana kwa ng'ombe zinu, ndi ŵana ŵa mberere zinu, mu charu cho wangurapa ku auskemwe kukupaskani.

Zekariya 8:12

Pakuti kuŵenge kumija kwa chimangu; mphereska yipasenge vipasi vyake, ndipo nyata yiperekenge kwandana kwake, machanya nagho ghakaperekanga dungwi lake; ndipo nkhachitanga kuti ŵakujako ŵa ŵanthu yaŵa, ŵaŵe ndi vyose ivi.

Yoele 2:19

Ambuya angwamuka, ku ŵanthu ŵawo, kuti, “Wonani ndimtumiyeninge trigu, ndi vinyo, ndi mafuta, ndipo mugutenge; ndipo kuti nkhamulengeskaninga so cha mukati mu mitundu.

Yesaya 45:8

“Yoyoskani, mwa machanya mwe kutuliya kuchanya, ndipo mudengwendi mung'iye pasi urunji; charu chapasi chijurike, kuti utaski ubuke, ndipo chimezge so urunji; ine Ambuya ndine ndikuchilenga.

Sumu 104:15

Wapanga vinyo kuti wakondweskenge mtima wake, mafuta kuŵaliska chisku chake, ndi kurgha kwakumupaska nthazi.

Sumu 36:8

Ŵaguta ndi vyauzari vya nyumba yinu, ndipo mutiŵamweska mu msinji wa vyakukondweska vinu.

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

Maŵerengedu 18:12

Mafuta ghose ghamampha kwakuruska, vinyo yose wamampha kwakuruska, ndi trigu, vipasi vyakudanga vyo ŵapareka ku Ambuya, ndakupaska iwe.

ŴaHebere 11:20

Ndi chivwanu Yisaki wangutumbika Yakobe ndi Esau, kuchiri ku vyakukhasa kuŵapo navyo.

Zekariya 9:17

Ehe, ngukuru umampha wake, ndi kutowa kwake nkhwakuruska limu! Vyakurgha vikondweskenge ŵanyamata ndi vinyo mufya ŵamwali.

Mika 5:7

Viyo wakujako waku Yakobe wakaŵanga mukati mu ŵanthu ŵanandi nge ndi dungwi lakutuwa kwa Ambuya, nge ndi vuwa pa uteka, kuti yiziulikiya munthu cha, pamwenga kulindizga ŵana ŵa ŵanthu.

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

2 Mikoka 2:10

Ndipaskenge ŵateŵeti ŵinu ŵakutema miti, myeso vikwi machumi ghaŵi (20,000) vya trigu wakuchoko, ndi vikwi machumi ghaŵi (20,000) vya Barile, ndi vikwi machumi ghaŵi (20,000) vya vinyo, ndi vikwi machumi ghaŵi (20,000) vya mafuta.”

1 ŴaKaronga 5:11

penipo Solomoni wangupaska Hiramu myeso vikwi machumi ghaŵi (20,000) gha trigu nge nchakurgha cha ŵa munyumba yake, ndi myeso vikwi machumi ghaŵi (20,000) gha mafuta ghakuponda. Solomoni wangupaska ivi kwaku. Hiramu chirimika ndi chirimika.

Yoswa 5:6

Pakuti ŵangwenda virimika machumi ghanayi (40) mu bozwa, mpaka penipo mtundu wose, ŵanthurumi ŵankhondo wo ŵangutuwa mu Egipiti, ŵangumara chifukwa ŵengavi kuvwiya mazu gha Ambuya; Ambuya angurapa kwaku wo kuti akaŵazomerezganga cha kuwona charu cho Ambuya angurapiya ku auskeu kutipaska, charu chakutaŵara mukaka ndi uchi.

Chiyambo 49:20

“Kurgha kwaku Ashere kukazaranga, ndipo wakavunanga kurgha kwa mafumu.

Chiyambo 45:18

ndipo mukato uskemwe ndi ŵamu nyumba zinu, ndi mukazi kwangu, ndipo ndazakumupaskani charu chamampha kwakuruska mu Egipiti, ndipo mwazamukurgha vya mafuta vya charu ichi.’

ŴaRoma 11:17

Kweni asani mphanda zinyake zafyolekako, ndipo iwe, pakuŵa olive lakudimba,

Maŵerengedu 13:20

muwone minda manyi nja nyata yamampha pamwenga nchipalamba, kumbi miti yiriko pamwenga kulivi. Muŵe ŵakukhwima mtima, mukaweko ndi vipasi vya charu cho”. Iyi yenga nyengo yakwambiya kufya vipasi.

Chiyambo 27:39

Sono Yisaki awiske wangumŵamuka: “Ehe, ukajanga kutali ndi vyamampha vyamu charu chapasi, ndipo kutali ndi dungwi la kuchanya.

Chiyambo 27:37

Yisaki wangwamuka Esau, “Nadi ndamuchita iyo kuŵa mbuya wako, ndipo ŵana ŵanyake wose ndamupaska kuŵa ŵaŵanda ndipo ndi chakurgha ndi vinyo ndamukhozga. Na nchine cho ndingakuchitiya iwe, wa mwana wangu?”

Chiyambo 49:25

mwaku Chiuta wa ausu mweniyo wakakovyanga, mwaku Chiuta Wanthazi zose mweniyo wakakutumbikanga ndi vitumbiku vya kuchanya, vitumbiku vya ndimba vyenivyo vija pasi, vitumbiku vyamu chifuŵa ndi vya chibali.

Nthanthi 3:20

ndi chinjeru chawo ndimba zinguwoneka, ndipo mitambo yingunthonezga dungwi pasi.

Nthanthi 19:12

Ukari wa karonga we uli nkhukoroma kwakamanakamana kwa nkharamu, kweni lisungu lake le uli ndi dungwi pa uteka.