Chiyambo 27:2 - Tonga Bible 1986

² Iyo wanguti, “Awona, nde khongwe kuti nditiliziŵa cha zuŵa la nyifwa yangu.

Chiyambo 27:2 Referans Kwoze

Yakobe 4:14

penipo napo mulive kuchiziŵiska chamawa cha. Pakuti we uli umoyo winu? Mwe nyankhuŵinda, na, yo wawoneka kanyengo kamanavi, ndipo pavuli wazirimitiya.

Marko 13:35

Khazgani viyo: chifukwa kuti muziŵa cha po mweni-nyumba wakaziyanga, manyi nkhu mazuro, manyi ndi usiku pakati, pamwe pa tambala kokoŵereka, pamwe ku mlenji,

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

Nthanthi 27:1

Reka kujikuzgiya la mawa, pakuti uziŵa cha mwenimo likaŵiyanga.

Yesaya 38:3

wanguti, “Kumbukani sono Ambuya, nditukuŵeyereni, mwenimo ine ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu.” Hezekiya wanguliya kwakuŵaŵa.

Yesaya 38:1

Mu mazuŵa ghenigha Hezekiya wangutama ndipo wenga pafupi kufwa. Ndipo Yesaya mchimi mwana waku Amozi wanguza kwaku iyo, wanguti, “Viyo atiti Ambuya: Nozga umampha nyumba yako; pakuti ukafwanga, kuti ukachiranga cha.”

1 Samuele 20:3

Davidi wangwamuka wanguti, “Ausu ŵaziŵa umamphavi kuti, wareke Jonafani kuchiziŵa ichi, vinu wangaŵa ndi chitima! Kweni kwakuneneska, ndarapa Ambuya amoyo! Ndarapa umoyo wako, paja nthangara yimoza pe, pakati paku ine ndi nyifwa.”

Chiyambo 48:21

Sono Yisraele wanguti kwaku Yosefe, “Ehe, nde pafupi kufwa, kweni Chiuta wakaŵanga nawe, ndipo wakakuwezgiyanga so ku charu cha auskemwe.

Chiyambo 47:29

Ndipo penipo yinguŵandika nyengo yakufwiya Yisraele wangudana mwana wake Yosefe ndipo wanguti kwaku iyo, “Asani sono ndasaniya wezi mu maso ghako, uŵike janja lako kusi ku chigha changu, ndi upangane kundichitiya kwa ulemu ndi kwauneneska. Ungandiŵika ine mu Egipiti cha,

Chiyambo 27:3

Viyo sono, to vidya vyako, uta wako, ndi muvwi wako, ndipo ruta ku dondo ukandipenje nyama,