Chiyambo 26:3 - Tonga Bible 1986

³ Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Chiyambo 26:3 Referans Kwoze

Chiyambo 28:15

Ehe, nde pamoza nawe ndipo ndikakusunganga kweniko kose ukayanga, ndipo ndikakuwezgiyanga ku charu chenichi; pakuti ndikusiyenge cha mpaka penipo ndachita cho ndakamba nawe.”

Sumu 105:9

Phanganu lo wangupangana ndi Abrahamu, ndi rapu lake kwaku Yisaki,

Chiyambo 20:1

Kuturiya pa Abrahamu wangwenda ulendo kurata ku charu cha ŵaNegebu, ndipo wanguja pakati pa Kadeshe ndi Shuru; ndipo wanguyingayinga mu Gerara.

Chiyambo 17:8

Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”

Chiyambo 15:18

Mu zuŵa leniliya Ambuya anguchita phanganu ndi Abramu lakuti, “Ku mphapu yako ndipaska charu ichi, kwamba pa msinji wa Egipiti kufika ku msinji ukuru zina lake Efrate,

Chiyambo 13:17

Soka wendemo mu utali ndi usani wa charu cho pakuti ndikachipaskanga kwaku iwe.”

Chiyambo 13:15

pakuti charu chose cho uwona ndikakupaskanga iwe ndi mphapu zako muyaya.

Chiyambo 12:7

Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.

ŴaHebere 11:9

Ndi chivwanu wangutandara ku charu cho cha phanganu, ulaka nchilendo, wakuja mu mahema, pamoza ndi Yisaki ndi Yakobe, ŵakuhariya pamoza nayo phanganu lenilo;

ŴaFilipi 4:9

Vyo navyo mungusambira ndi munguronde ndi munguvwa vyo munguwona mwaku ine, chitani vyenivyo; ndipo Chiuta yo wa chimangu wakaŵanga namwe.

Yesaya 43:5

Mungopanga cha, pakuti nde namwe pamoza; ndikakuziyaninga ndi mphapu yinu kutuwa ku vuma, ndipo kutuwa ku zambwe ndikamuwunjikaninga.

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

Sumu 32:8

Ndikurunguchizgenge ndi kukusambizga nthowa yo utenere kwendamo; ndikupangenge fundu, jisu langu liŵengepaku iwe.

Chiyambo 39:21

Kweni Ambuya ŵenga ndi Yosefe angumurongo chifundu, ndipo angumupaska wezi mu maso gha msungi wa nyumba ya ukaidi.

Chiyambo 39:2

Ambuya ŵenga ndi Yosefe ndipo wanguŵa munthu wakusakata; ndipo wenga mu nyumba ya mbuya wake mu Egipiti yo,

Chiyambo 26:14

Wenga ndi viŵeto ndi ŵaliska, ndi mpingu ukuru wa ŵamu nyumba viyo kuti ŵaFilisti ŵenga nayo ndi bina.

Chiyambo 26:12

Ndipo Yisaki wangumija mu charu chiya, ndi wanguvuna mu chirimika chenicho machumi pe chumi ghakuwerezgapo. Ambuya angumutumbika,

ŴaHebere 6:17

Nako viyo chiuta, pakukhumba kurongole limu ku ŵakulihara phanganu uwura masinthika wa chipangu chake, wangudumulizgamo ndi rapu:

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Sumu 39:12

“Ambuya, vyani rombu langu, ndipo tegherezgani ku nkhuta yangu; pa masozi ghangu rekani kuja chisisi! Pakuti nde mlendo winu wakurutiliya, mwenda-nthowa, nge mba da wose.

Chiyambo 25:11

Pavuli pa nyifwa yaku Abrahamu, Chiuta wangutumbika Yisaki mwana wake, ndipo Yisaki wajanga mu Bere-lahai-roi.

Chiyambo 26:24

Ndipo Ambuya angumuwoneke usiku weniwo ndi anguti, “Ndine Chiuta waku Abrahamu ausu; ungopanga cha, pakuti nde nawe ndi ndikakutumbikanga ndi kwandaniska mphapu yako chifukwa cha muŵanda wangu Abrahamu.”

Chiyambo 28:13

Ndipo ehe, Ambuya anguma pachanya pake ndi anguti, “Ndine Ambuya, Chiuta waku Abrahamu ausu ndi Chiuta waku Yisaki; charu chenicho wagonapo ndikachipaskanga kwako ndi ku mphapu yako;

Chiyambo 31:3

Sono Ambuya anguti kwaku Yakobe, “Uwere ku charu cha ausu ndi ku ŵabali ŵako ndipo ine ndikaŵanga nawe.”

Chiyambo 35:12

Charu chenicho ndingupaska Abrahamu ndi Yisaki ndikapaskanga iwe, ndipo ndikapaskanga charu cho ku mphapu yako pavuli pako.”

Chiyambo 48:21

Sono Yisraele wanguti kwaku Yosefe, “Ehe, nde pafupi kufwa, kweni Chiuta wakaŵanga nawe, ndipo wakakuwezgiyanga so ku charu cha auskemwe.

Chiyambo 50:24

Ndipo Yosefe wanguti ku ŵana ŵanyake, “Ine nde pafupi kufwa; kweni Chiuta wakachezganga namwe, ndipo wakakutuzganinga mu charu ichi kuya ku charu chenicho wangurapiya kwaku Abrahamu kwaku Yisaki, ndi kwaku Yakobe.”

Chituwa 6:4

Ndinguchita so phanganu langu ndi iwo, kuŵapaska charu cha Kanani, charu cho ŵangujamo nge mbayinga.

Chituwa 6:8

Ndipo ndikutoliyeninge mu charu cho ndingurapa kuchipaska kwaku imwe kuŵa chihara. Ndine Ambuya.’ ”

Marangu 1:8

Wonani ndaŵika charu pa maso pinu; sereni, janimo, chiŵe chinu charu cho Chiuta wangupangana ndi auskemwe Abrahamu, Yisaki, ndi Yakobe kuŵapaska iwo ndi mphapu yawo pavuli pawo.’

Marangu 34:4

Ndipo Ambuya anguti kwaku iyo, “Ichi ndicho charu ndingurapiya Abrahamu, Yisaki, ndi Yakobe, kuti, ‘Ndikachipaskanga ku mphapu zinu.’ Ndakuzomerezga kuchiwona ndi maso ghako, Kweni Kuti ukayangako kuwa cha.”

1 Mikoka 16:16

Phanganu lenilo wangupangana ndi Abrahamu ndi phanganu lake lo wangurapa kwaku Yisraele,

Chiyambo 17:19

Chiuta wanguti, “Viyo cha; kweni Sara muwoli wako wakakupapiyanga mwana munthurumi, ndipo undanenge zina lake Yisaki. Ndikakhozganga phanganu langu ndi iyo nge ndi phanganu la muyaya ku mphapu zake za pavuli pake.

Chituwa 2:24

Ndipo Chiuta wanguvwa mutamanthu wawo, ndipo Chiuta wangukumbuka phanganu lake ndi Abrahamu, Yisaki, ndi Yakobe.

Chituwa 3:12

Iyo wanguti, “Kweni ndikaŵanga pamoza nawe; ndipo ichi chikaŵanga chisimikizgu kwaku iwe, kurongo kuti ndine ndakutuma: utakuti watuzga ŵaYisraele mu Egipiti wazamutataliya Chiuta pa phiri lenili.”

Chituwa 6:7

ndipo ndikakuchitaninga kuŵa mtundu wakundamweni, ndipo ndikaŵanga Chiuta winu, ndipo mukaziŵanga kuti ndine Ambuya Chiuta winu, mweniyo wakutuzgani kusi ku mphingu za ŵa Egipiti.

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Sumu 105:8

Wakasunganga dangu lake muyaya, mapanganu ghake ku migonezi chikwi (1,000).