Chiyambo 26:12 - Tonga Bible 1986

¹² Ndipo Yisaki wangumija mu charu chiya, ndi wanguvuna mu chirimika chenicho machumi pe chumi ghakuwerezgapo. Ambuya angumutumbika,

Chiyambo 26:12 Referans Kwoze

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Marko 4:8

Ndipo yinyake yinguwa mu nyata yeneko, yingume ndi yingukuwa; ndipo yingupasa vya machumi ghatatu, ndi vya machumi ghakhonde ndi limoza, ndi vyamachumi pe chumi.”

Wakutaula 11:6

Umije mbeu yako ndi mlenjilenji, ndipo ndi mazulo ureke kuko janja lako; pakuti kuti uziŵa cha zo zandanenge, izi pamwenga ziya pamwenga vinu zose ziŵi zikaŵanga zamampha kwakukozgana.

Sumu 67:6

Charu chapasi chapaska mwandanu wake; Chiuta, Chiuta widu, watitumbika.

Chiyambo 24:35

Ambuya atumbika ukongwa mbuya wangu, ndipo waŵa mkuru; amupaska viŵeto ndi ŵaliska, siliva ndi golide, ndrama zinandi, waŵanda ŵanthurumi ndi ŵaŵanda ŵanthukazi, ŵagamila ndi zimbunda.

Chiyambo 24:1

Sono Abrahamu wangukota, wenga ndi virimika vinandi; ndipo Ambuya angutumbika Abrahamu vinthu vyose.

1 ŴaKorinte 3:6

Ine ndingupanda, Apolo wangudiriya maji; kweni Chiuta ndiyo wangumezga.

Zekariya 8:12

Pakuti kuŵenge kumija kwa chimangu; mphereska yipasenge vipasi vyake, ndipo nyata yiperekenge kwandana kwake, machanya nagho ghakaperekanga dungwi lake; ndipo nkhachitanga kuti ŵakujako ŵa ŵanthu yaŵa, ŵaŵe ndi vyose ivi.

Jobu 42:12

Ambuya angutumbika mazuŵa ghakumariya ghaku Jobu kuruska mazuŵa ghake ghakwamba. Wenga ndi mberere vikwi chumi pachanya vinaye (14,000) ndi ŵagamila vikwi vinkhonde ndi chimoza (6,000) ndi ng'ombe za magoŵa chikwi chimoza (1,000) ndi mbunda zinthukazi chikwi chimoza (1,000).

Chiyambo 30:30

Pakuti wenga ndi zimanavi ndenga ndindaze ine, ndipo zandana kwakuzala; ndipo Ambuya akutumbika kweniko kose ndinguruta. Kweni sono ndi zuŵanji po ndisakatiskenge ŵa nyumba yakundamwene?”

Mateyu 13:8

Kweni zinyake zinguwa pa nyata yamampha, ndipo zingupasa vipasi, zinyake machumi pe chumi, zinyake machumi ghankhonde ndi limoza, ndi zinyake machumi ghatatu.

Sumu 72:16

Mu charu muŵe kurgha kwakuzara; mithunthu yiburumutizgike ndi vipasi, vyandane nge ndimo viliri ku Lebanoni; misumba nayo yizaze ndi ŵanthu, nge ndimo uteka uliri mu dondo.

Mateyu 13:23

Kweni yo yingumijika pa nyata yamampha, uyu ndi mweniyo ngwakuvwa mazu ndi wakuwamo; mweniyo ndiyu wapasa, ndi wachita, uyu vya machumi pe chumi, uyu vya machumi ghankhonde ndi limoza, uyu vya machumi ghatatu.”

Chiyambo 26:29

kuti imwe mukatichitiyanga uheni cha, uli ndimo ifwe tilivi kumukoni ndipo tilivi kumuchitiyani kanthu kweni umampha ndiwo, ndipo takutuzganipo mu chimangu. Sono imwe mwe wakutumbikika wa Ambuya.”

Nthanthi 10:22

Chitumbiku cha Ambuya chisakatiska, ndipo kuti asazgiyako chitima cha kwaku cho.

Chiyambo 25:11

Pavuli pa nyifwa yaku Abrahamu, Chiuta wangutumbika Yisaki mwana wake, ndipo Yisaki wajanga mu Bere-lahai-roi.