Chiyambo 25:8 - Tonga Bible 1986

⁸ Abrahamu wangututa kwakumariya ndi wangufwa pa ukhongwe wakufikapo, wenga khongwe ndi wa virimika vinandi, ndipo wangusazgika ku ŵanthu ŵake.

Chiyambo 25:8 Referans Kwoze

Chiyambo 49:33

Penipo Yakobe wangumara kuchinyiya ŵana ŵake wanguŵika marundi ghake pa chita, ndipo wangututa kwa umari, ndipo wanguunjikika ku mtundu wake.

1 Mikoka 29:28

Ndipo wangufwa pa unkhongwe wakufikapo, wa mazuŵa ghanandi, msambasi ndi wakutumbikika. Solomoni mwana wake wanguwusa mu malo ghake.

Chiyambo 15:15

Kweni iwe, ukarutanga ku ausu mu chimangu; ukafwanga pa ukhongwe weneko.

Jobu 42:17

Ndipo Jobu wangufwa pa ura ukongwa ndi wa mazuŵa ghanandi.

Chiyambo 25:17

(Ivi ndi virimika vya umoyo waku Yishumaele, machumi pe chumi pachanya machumi ghatatu ndi vinkhonde ndi viŵi (137); wangufwa ndipo wangusazgika ku ŵabali ŵake.)

Machitidu gha Ŵakutumika 13:36

Chifukwa nadi Davidi wati watataliya mu mgonezi wake khumbu lo laku Chiuta, wangura, ndipo wanguŵikika pamoza ndi ŵambuyake, ndipo wanguwona chivuzi;

Nthanthi 20:29

Unkhankhu wa ŵanyamata ndi nthazi yawo, kweni kutowa kwa ŵanthu ŵakukota ndi nyivu zawo.

Jobu 5:26

Ukazanga ku muunda wako pa wemu unkhongwe wako wakufikapo, nge ndimo mtolo wa trigu mu nyengo yake utuziya ku mphe.

Ŵeruzgi 8:32

Ndipo Gideoni mwana waku Joashi wangufwa mu ukhongwe wamampha, ndipo wanguŵikika mu muunda waku Joashi awiske, pa Ofra wa ŵina Abiezere.

Chiyambo 25:7

Yagha ndi mazuŵa gha virimika vya umoyo waku Abrahamu, virimika machumi pe chumi pachanya machumi ghankhonde ndi ghaŵi ndi vinkhonde (175).

Machitidu gha Ŵakutumika 5:10

Ndipo sosonukweni wanguwa pasi pa marundi ghake, ndipo wanguziririka: ndipo pakuseremo ŵahurwa wo ŵangumsaniya wafwa; ndipo ŵangumtembeze kubwaro, ndi kumuŵika kumoza ndi mrumi wake.

Chiyambo 49:29

Sono wanguŵachinyiya, ndi wanguti kwaku wo, “Ndikaunjikanga ku mtundu wangu, mukandiŵike pamoza ndi ada mu mphanji yeniyo yemu munda waku Efroni muHiti,

Machitidu gha Ŵakutumika 12:23

Kweni sosonukweni mungelo wa Mbuya wangumkoso, chifukwa kuti wagupaska unkhankhu kwaku Chiuta cha; ndipo pakunyakata ndi fusi, wanguziririka.

Machitidu gha Ŵakutumika 5:5

Ndipo Hananiya pakuvwa mazu yagha, wanguwa pasi ndipo wanguziririka: ndipo chopu chikuru chinguwiya wose wo ŵavwanga.

Yeremiya 6:11

Chifukwa cho ndazazika ndi ukari wa Ambuya; ndavuka kuja nawo chisisi. “Upunguliyeni pa ŵana mu museu, ndi pa maungano gha ŵanyamata; murumi ndi muwoli wose ŵaŵi ŵakatolekanga, madoda ndi khongwe ilo.

Ŵeruzgi 2:10

Ndipo mgonezi wose wuwa unguwunjikika ku auskeu; ndipo kunguyuka mgonezi unyake pavuli pawo, wo wengavi kuziŵa Ambuya pamwenga nchitu yo anguchitiya Yisraele.

Maŵerengedu 27:13

Ndipo utakuti wachiwona, iwe nawe ukatolekiyanga ku ŵanthu ŵako, nge ndimo mbali wako Aroni wakufwiya,

Maŵerengedu 20:24

“Aroni wakatorekiyanga ku ŵanthu ŵake; chifukwa pa maji ghaku Meriba, mungumikana ndi langulu langu, ndipo kuti wamusere mu charu cho ndikupaska ŵaYisraele cha.

Chiyambo 35:18

Ndipo penipo mzimu wake warutanga (pakuti wangufwa) wangudana zina lake Benono; kweni wiske wangumudana Benjamini.

Chiyambo 37:35

Ŵana ŵake ŵanthurumi wose ndi ŵana ŵake ŵanthukazi wose ŵanguruta kwachimusangaruska, kweni wangukana kusangaruskika, ndi wanguti, “Awa, ine ndikayanga ku muunda ku mwana wangu ndi kutenje.” Viyo ndimu ŵangumutenjere awiske.

Marangu 32:50

Ukafwiyanga pa phiri lo ukakweranga, uwunjikikenge ku ŵanthu ŵako, uli ndimo Aroni mwana munyako wangufwiya mu phiri Hori ndi wanguwunjikika ku ŵanthu ŵake;

Chiyambo 50:13

pakuti ŵana ŵake ŵangu munyamuliya ku charu cha Kanani ndipo ŵangumuŵika mu mphanji yamu munda pa Makipela, kuvuma kwa Mamre, yo wangugula Abrahamu pamoza ndi muunda kwaku Efroni muHiti kuŵa chihara cha masano.

1 Mikoka 23:1

Penipo mazuŵa ghaku Davidi ghanguŵa ghanandi ndi wangukota, wangumika Solomoni mwana wake kuŵa karonga waku Yisraele.

2 Mikoka 24:15

Kweni Yehoyada wangukota, wakuŵa ndi mazuŵa ghanandi, ndi wangufwa; wenga ndi virimika machumi pe chumi pachanya machumi ghatatu (130) mu ura wachifwa.

Jobu 41:32

Kusi kwake wasiyako nthowa yakutowa, munthu wangati ndimba yendi nyivu.