Chiyambo 25:6 - Tonga Bible 1986

⁶ Kweni ku ŵana ŵavidandanu vyake wangupaska vya ulera, ndipo wachalipo wamoyo wanguŵatuzgako ku mwana wake Yisaki, wanguŵatuma kuchiri ku vuma ku charu cha kuvuma.

Chiyambo 25:6 Referans Kwoze

Chiyambo 21:14

Viyo Abrahamu wangusoka ndi mlenjilenji wanguto chiŵande ndi thumba la chikumba cha maji, wanguvipaska kwaku Hagra, wanguŵika pa phewa lake, pamoza ndimwana, ndi wangumutuma kuti warutenge. Ndipo wanguruta, ndi wanguyingayinga mu bozwa la Beresheba.

Ŵeruzgi 6:3

Pakuti penipo pose ŵaYisraele ŵangupanda mbutu ŵaMidiyani, ndi Amaleke ndi ŵanthu ŵa kuvuma ŵazanga kuŵapweteka;

Machitidu gha Ŵakutumika 14:17

Ndikweni kuti wajireka ŵaka cha wambura chisimisimi, mwakuti wanguchita umampha, pakupaska imwe kutuwa kuchanya vuwa ndi nyengo zakupasiya, ndi pakugutiska mitima yinu ndi vyakurgha ndi likondwa.”

Mateyu 5:45

alinga kuti muŵenge ŵana ŵa Auskemwe ŵakuchanya: pakuti atuzgiya dazi lawo pa ŵaheni ndi ŵamampha, ndipo ang'iskiya vuwa pa ŵarunji ndipa ŵaziraurunji.

Jobu 1:3

Wenga ndi mberere, vikwi vinkhonde ndi viŵi (7,000) ŵagamila vikwi vitatu (3,000) magori gha ng'ombe machumi pe chumi ghankhonde (500), ndi mbunda zinthukazi, machumi pe chumi ghankhonde (500) ndi ŵateŵeti ŵanandi ukongwa, viyo munthu uyu wenga wakuzirwa ukongwa kuruska ŵanthu wose kuvuma.

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Ŵeruzgi 19:4

Ndipo musibweni wake, wiske wa munthukazi, wangumujarika pasi, ndipo wanguja nayo mazuŵa ghatatu, viyo wangurgha ndi kumwa ndi kugona penipa.

Chiyambo 35:22

Penipo Yisraele wajanga mu charu chiya Rubene wanguruta ndi wangula ndi Biliha mbiligha ya awiske; ndipo Yisraele wanguvwa ichi. Sono ŵana ŵanthurumi ŵaku Yisraele ŵenga chumi ndi ŵaŵi (12).

Chiyambo 32:22

Mu usiku wenuwuwa wanguyuka ndi wanguto ŵawoli ŵake ŵaŵi, ŵateŵeti ŵanthukazi ŵake ŵaŵi, ndi ŵana ŵake chumi pachanya yumoza ndi wangwambuka pa dowoko la Yaboko.

Chiyambo 25:1

Abrahamu wanguto munthukazi munyake yo zina lake lenga Ketura.

Chiyambo 16:3

Viyo, pavuli Abramu wati wajamo virimika chumi mu charu cha Kanani, Sarai, muwoli waku Abramu, wanguto Hagara muEgipiti yo, muŵanda munthukazi wake, ndi wangumupaska kwaku Abramu murumi wake kuŵa muwoli wake.

Chiyambo 30:9

Penipo Leya wanguwona kuti wangureka kupapa ŵana, wanguto mwali wake Zilpa ndi wangumupaska kwaku Yakobe nge ndi muwoli.

Chiyambo 30:4

Viyo wangumupaska mwali wake Biliha nge ndi muwoli; ndipo Yakobe wanguseremo mwaku yo.

2 Mikoka 11:21

Rehoboamu wangwanja Maka mwana waku Absolomu kwakuruska ŵawoli ŵake wose ndi mbirigha (wenga ndi ŵawoli chumi pachanya ŵankhonde ndi ŵatatu (18) ndi mbirigha machumi ghankhonde ndi limoza (60) ndipo wenga ndi ŵana ŵanthurumi machumi ghaŵi pachanya ŵankhonde ndi ŵatatu (28) ndi ŵana ŵanthukazi machumi ghankhonde ndi limoza (60)).

Chiyambo 29:1

Sono Yakobe wangurutiriya pa ulendo wake, ndipo wanguza ku charu cha ŵanthu ŵaku vuma.