Chiyambo 24:53 - Tonga Bible 1986

⁵³ Ndipo muŵanda yo wangutuzga vigwenjere vya siliva ndi golide ndi vyakuvwala, ndi wanguvipaska kwaku Rebeka: wangupaska so ku mzichi wake ndi ku anyina vyakuzganga vya mitengo yikuru.

Chiyambo 24:53 Referans Kwoze

Chiyambo 24:22

Po ŵagamila ŵangumara kumwa, munthu yo wanguto mphete ya golide yo uzitu wake wenga nusu wa uzitu wa shekelo, ndi makoza ghaŵi gha pa manja ghake, uzitu wake wa ndrama chumi za golide;

Chiyambo 24:10

Sono muŵanda yo wanguto ŵagamila chumi ŵa mbuyake ndipo wanguruta, wangupinga vyaulera vyakusankhika vya mitundu yose vyakutuwa ku mbuyake; ndipo wangusoka, ndi wanguruta ku Mesopotamiya, ku msumba waku Nahoro.

Chituwa 12:35

ŴaYisraele ŵanguchita so uli ndimo Mosese wanguŵanene, pakuti ŵangupempha ku ŵaEgipiti vijewere vya siliva ndi golide, ndi vyakuvwara;

Chituwa 11:2

Sono kamba ku ŵanthu, kuti ŵapemphane munthurumi we yose ndi mzengezgani wake, munthukazi we yose ndi mzengezgani wake, vijewere vya siliva ndi vya golide”.

Chituwa 3:22

kweni munthukazi we yose, wakapemphanga mzengezgani wake, ndi mweniyo ngwakutandara mu nyumba yake, vyuma vya siliva ndi vya golide, ndi vyakuvwara, ndipo mukavivwarikanga ŵana ŵinu ŵanthurumi ndi ŵana ŵinu ŵanthukazi; viyo ndimo muŵaskowiyenge ŵaEgipiti.”

Yesaya 39:2

Ndipo Hezekiya wanguŵalonde; ndipo wanguŵarongao nyumba ya usambasi wake, siliva, golide, vyachema, mafuta ghakuzirwa, vidya vyake vyose vya nkhondo, vyose vyo vingusanirika mu nyumba yake yakusungiyamo. Pengavi kamoza mu nyumba yake pamwenga mu ufumu wake wose ko Hezekiya wengavi kuŵarongo.

Sumu ya Zisumu 4:13

Mbeu yako ndi munda wa ŵazobala ndi vipasi vyose vyakusankhika,

Ezra 1:6

Ŵazengezgani ŵawo wose ŵanguŵawovya pakuŵapaska viyaŵi vya siliva, ndi golide, ndi vyuma ndi vyakuŵeta, ndi vinthu vya mtengo, pade paku vyose vyo vinguperekeka kwawanangwa.

2 Mikoka 21:3

Uskeu wanguŵapaska vyawezi vikuru vya siliva ndi golide, ndi vyuma vya mtengo wapatali, ndi mizi ya malinga mwaku Yuda, kweni ufumu wangupaska Yehoramu chifukwa wenga waumwali.

Sumu ya Zisumu 1:10

Matakama ghako ngakutowa ndi vitowelo, khosi lako ndi mapheska gha vyakugadima.