Chiyambo 24:52 - Tonga Bible 1986

⁵² Penipo muŵanda waku Abrahamu wanguvwa mazu ghawo wangukotamiya pasi paurongo pa Ambuya.

Chiyambo 24:52 Referans Kwoze

Chiyambo 24:48

Sono ndingukotamiska mutu wangu ndi ndingusopa Ambuya ndi ndingutumbika Ambuya, Chiuta wa mbuya wangu Abrahamu, mweniyo wangundirongozga mu nthowa yamampha kuzachito mwana munthukazi wa mbali wa mbuya wangu kutole mwana wake.

Chiyambo 24:26

Munthu yo wangukotama mutu wake ndi wangusopa Ambuya,

Sumu 95:6

Zaninga, tikotame ndi kumusopa iyo; tiyeni tigwade paurongo pa Ambuya, Mlengi widu!

2 Mikoka 20:18

Ndipo Yehosafati wangusindama mutu wake kulazga chisku pasi, ndipo ŵaYuda wose ndi ŵamu Yerusalemu ŵanguwa pasi kulambiya Ambuya Chiuta.

1 Mikoka 29:20

Viyo Davidi wanguti ku wumba wose, “Atumbikeni sono Ambuya Chiuta winu,” ndipo wumba wose wunguŵatumbika Ambuya, Chiuta wa auskeu, ndi ŵangukotama pasi mitu yawo, ndi ŵanguŵalambiya Ambuya, ndi kujikamiya pasi karonga.

Mateyu 2:11

Wangusere mu nyumba, ndipo ŵanguwona mwana ndi Mariya anyina; ndipo ŵakuwa pasi ŵangumlambiya. Ndipo ŵati ŵabanuwa mbiku zawo; ŵangupaska mipasku, golide, libane, ndi muro.

Chiyambo 24:51

Awona, Rebeka we paurongo pako, umuto ndi murutenge, ndipo iyo wakaŵe muwoli wa mwana wa mbuyako, uli ndimo akambiya Ambuya.”

1 Samuele 1:28

Chifukwa ichi ndamupereka uyu ku Ambuya, mo wajariyenge ndi umoyo, ngwakuperekeka ku Ambuya.” Ndipo ŵangusopa Ambuya penipa.