Chiyambo 24:14 - Tonga Bible 1986

¹⁴ Sono mwali mweniyo ndikambenge kwake, ‘Ndipempha siska musuku wako kuti ndimwe,’ ndipo mweniyo wanenenge, ‘Imwa, ndipo ndikamweskanga ŵagamila ŵako’ mweniyo ndiyo waŵe mweniyo imwe mwasankhiya muŵanda winu Yisaki. Viyo ndikaziŵanga kuti mwarongo chanju cha wezi ku mbuya wangu.”

Chiyambo 24:14 Referans Kwoze

Ŵeruzgi 6:37

ehe, ine ndikatandikanga weya wa mberere pa mbuli pasi, asani pakaŵanga dungwi pa weya wa mberere pe, ndipo pakaŵanga payumu pasi pose panyake, po ndipo ndikaziŵanga kuti mukapozomoskanga Yisraele ndi janja langu, uli ndimo mwakambiya.”

Ŵeruzgi 6:17

Ndipo wanguti kwaku iyo, “Asani nadi ndasaniya wezi mwinu, iku ndirongoni chiziŵisku chakurongo kuti ndimwe murongoro ghane.

Chiyambo 15:8

Kweni iyo wanguti, “Ambuya Chiuta, ndikaziŵanga uli ine kuti ndikachiharanga?”

Yesaya 7:11

“Pempha chisimikizgu cha Ambuya Chiuta wako; chiŵe cha ndimba nge ndi muunda pamwenga chitali nge nkhuchanya.”

Nthanthi 19:14

Nyumba ndi uromba nchihara chakutuwa kwa uskeu, kweni muwoli mukongorekwa waturiya ku Ambuya.

2 Samuele 5:24

Ndipo asani utuvwa kayowozi wa mchapu muchanya mu miti ya balasama, mbwenu nawe sokiyanga muchanya; chifukwa ndikukuti Ambuya adanjiya paurongo pako kukoso nkhondo ya ŵaFilisti.”

Ŵeruzgi 18:5

Ndipo iwo ŵangunena nayo, “Fumba kwaku Chiuta titukupempha, kuti tiziŵe vinu ulendo uwu tasoka ukaŵanga wakusakata.”

ŴaRoma 1:10

ndawakuninizika nyengo zose kuti vinu sono viyo ndirongozgekenge mu khumbu laku Chiuta kuzachifika kwinu.

2 Samuele 20:9

Yoabu wangunena ndi Amasa, “Kumbi kwe umampha ndi iwe, wa mbali wangu?” Ndipo Yoabu wanguko mwembe waku Amasa ndi janja lake la marghe ku mufyofyontha.

1 Samuele 20:7

Asani ŵatiti, nchamampha! Kundiŵiyenge umampha ndamteŵeti wako; kweni asani ŵakaripa, ipo ziŵa kuti ŵangusimikizga kuchita uheni.

Chiyambo 24:44

ndipo mweniyo wakatinge kwangu, “Imwa, ndipo ndikaneghiyanga ŵagamila ŵako nawo,” mweniyo ndiyo waŵe munthukazi yo Ambuya atondole mwana wa mbuya wangu.’

Chiyambo 24:13

Awonani ndama pafupi ndi chisima cha maji, ndipo ŵana ŵanthukazi ŵa ŵanthu ŵa msumba uwu ŵatuza kuzachinegha maji.

Chiyambo 24:15

Wenga wandamari kukamba, wanguwona Rebeka mweniyo wangupapika kwaku Betuele mwana munthurumi waku Milka, muwoli waku Nahoro, mwana munyake Abrahamu, wangutuwiya kubwalo ndi musuku wake wa maji pa phewa lake.

Chiyambo 24:18

Munthukazi wanguti, “Imwa, mbuya wangu”; ndipo ruŵi wangusiskiya musuku pa janja lake, ndipo wangumupaska maji kumwa.

Chiyambo 24:19

Penipo wanguti wamara kumupaska maji, wanguti, “Ndamuneghe ŵagamila ŵinu nawo, mpaka penipo ŵakwana kumwa.”

Chiyambo 24:43

awonani, ndama pafupi ndi chisima cha maji; chitani kuti mwali yo wakazanga kuzachinegha kwaku yo ndikakambanga, “Ndipempha undipaske maji ghamanavi ndimwe,”