Chiyambo 23:19 - Tonga Bible 1986

¹⁹ Pavuli paku ivi, Abrahamu wanguŵika Sara muwoli wake mu mphanji ya munda wo wa Makipela, ku vuma kwa Mamre (yo ndi Hebroni) mu charu cha Kanani.

Chiyambo 23:19 Referans Kwoze

Wakutaula 12:7

fuvu liwere ku dongo nge ndimo linguŵiya, ndipo mzimu uwere kwaku Chiuta yo wanguwupaska.

Wakutaula 12:5

ŵatopa so cho nchapachanya, ndipo vyakofya vye mu nthowa; muti wa zobala uchita maluŵa, phanana waruta kwakuzendazenda ndipo linweka limara; chifukwa munthu waruta ku muzi wake wa muyaya, ndipo wakutenje watendatenda ŵaka mu ŵagurwi.

Wakutaula 6:3

Asani munthu wabala ŵana machumi pe chumi, ndi kuŵa ndi umoyo wa virimika vinandi, ndi kuti mazuŵa ghavirimika vyake nganandi, kweni umoyo wake kuti ukondwere mu vinthu vyamampha cha, ndipo so muwunda nawo walivi, ndikamba kuti wakupapika kwambura kufikapo pa nyengo yake ngwamampha ukongwa kuruska iyo.

Jobu 30:23

Inya ndiziŵa kuti mukanditoriyanga ku nyifwa, ndi ku nyumba yakumikikiya ŵamoyo wose.

Chiyambo 50:25

Sono Yosefe wanguchita rapu lapa ŵana ŵaku Yisraele, wanguti, “Chiuta wakachezganga namwe, ndipo mukapinganga viwanga vyangu kutuwa muno.”

Chiyambo 50:13

pakuti ŵana ŵake ŵangu munyamuliya ku charu cha Kanani ndipo ŵangumuŵika mu mphanji yamu munda pa Makipela, kuvuma kwa Mamre, yo wangugula Abrahamu pamoza ndi muunda kwaku Efroni muHiti kuŵa chihara cha masano.

Chiyambo 47:30

kweni ukandilarike pamoza ndi ada; undinyamuwe kundituzgamu mu Egipiti ukandiŵike mu masano ghawo.” Wangwamuka, “Ndikachitanga uli ndimo mwakambiya.”

Chiyambo 3:19

Ukarghanga chiŵande, mu dukutira la chisku chako mpaka penipo uweriyenge ku nyata. Pakuti ungutoleka mwenimo; ndiwe fuvu, ndipo ukaweriyanga ku fuvu.”

Chiyambo 23:18

unguza kwaku Abrahamu kuŵa chihara pa maso gha ŵaHiti, paurongo paku wose ŵeniwo ŵangusere pa likomo la msumba wake.

Chiyambo 23:20

Munda ndi mphanji yo ye mukati mwake vingupaskika kwaku Abrahamu nge nchihara cha masanu ndi ŵaHiti.

Chiyambo 37:14

Viyo wanguti kwaku iyo, “Rutanga sono, ukawone vinu ŵe umampha ŵana ŵanyako ndi viŵetu viyo.” Viyo wangumutumiya pa dambo la Hebroni, ndipo wanguza ku Shekemu.