Chiyambo 23:16 - Tonga Bible 1986

¹⁶ Abrahamu wanguzomerezgana ndi Efroni; ndipo Abrahamu wangumupimiya Efroni siliva mweniyo wanguzumbuwa mu makutu gha ŵaHiti, ndrama za siliva machumi pe chumi ghanayi (400) kwakulingana ndi myeso ya nyengo yo mu ŵamalonda.

Chiyambo 23:16 Referans Kwoze

Zekariya 11:12

Ndipo ndinguti kwaku iwo, “Asani nchamampha mu maso ghinu ndipaskeni mphoto yangu; kweni asani cha rekani.” Viyo ŵangupima uzitu wa mphoto yangu; ndrama za siliva machumi ghatatu (30).

Yeremiya 32:9

“Ndipo ndingugula munda wo pa Anatoti kwaku Hanamele msiŵani wangu, ndingumupimiya ndrama, ma Shekele chumi ndi ghankhonde ndi ghaŵi gha siliva.

1 ŴaTesalonika 4:6

paŵevi yumoza wakunyumba ndi wakuŵiniwa mbali wake mu kanthu: chifukwa kuti Ambuya ndi mweruzgi mwaku vyenivyo vyose, nge ndimo tingumkambiyani limu ndi kusimikizga.

ŴaFilipi 4:8

Pakumariya, mwa ŵabali, vyo vyose vyakuneneska, vyo vyose vyavitumbiku, vyo vyose vyakurunjika, vyo vyose vikhovu, vyo vyose vyamanjika, vyo vyose vyamarumbika; asani kwe umampha, wakuti, ndipo asani kwe thamu lakuti, pimani ndi vyenivyo.

ŴaRoma 13:8

Mungateuwako kanthu ku yumoza cha, kweni kwanjana pe ndiko: chifukwa wakwanja munyake wafiska dangu.

Mateyu 7:12

Viyo vyose vyo mungakhumba kuti ŵanthu ŵachitiye imwe, namwe so muchitiye iwo kwakulingana: chifukwa chenichi nchilangulu cho ndi ŵamchimiwo.

Ezekiele 45:12

Shekelo limoza likaŵanga la uzitu wa magera machumi ghaŵi, mashekelo ghankhonde ghakaŵanga mashekelo ghankhonde, mashekelo chumi ghakaŵanga mashekelo chumi, ndipo mashekelo machumi ghankhonde ghakaŵanga mina wino.

Jobu 28:15

Kuti ziziŵa kugurika ndi golide cha, ndipo kuti zingaziŵa kupimika nge ndi mtengo wake cha.

Chituwa 30:13

We yose mweniyo waŵerengeka mu chiŵerengeru wakapaskanga ichi ndrama za nusu za mu malo ghakupaturika ndrama ndi magera machumi ghaŵi kuŵa mpasku ku Ambuya.

Chiyambo 43:21

ndipo tinguti tafika pa nyumba yakugonamo ŵalendo, tingujura mathumba ghidu ndipo tingusaniya kuti ndrama za munthu we yose zenga mwenimuwa mu mlomo wa thumba lake, ndrama zidu zakufikapo pa uzitu wake; viyo tawe nazo so,

Chiyambo 23:15

“Mbuyangu unditegherezge. Kachigaŵa ka charu kakwenere mtengo wa ndrama za siliva machumi pe chumi ghanayi (400), nkhane izi pakati pako ndi ine? Wika wakufwa wako.”

Machitidu gha Ŵakutumika 7:16

ndipo ŵangwambukiya ku Shekemu, ndi wanguŵikika mu muunda wo Abrahamu wangugula ndi siliva linandi ku ŵana ŵaku Hamore mu Shekemu.

Chiyambo 49:29

Sono wanguŵachinyiya, ndi wanguti kwaku wo, “Ndikaunjikanga ku mtundu wangu, mukandiŵike pamoza ndi ada mu mphanji yeniyo yemu munda waku Efroni muHiti,

Chiyambo 50:13

pakuti ŵana ŵake ŵangu munyamuliya ku charu cha Kanani ndipo ŵangumuŵika mu mphanji yamu munda pa Makipela, kuvuma kwa Mamre, yo wangugula Abrahamu pamoza ndi muunda kwaku Efroni muHiti kuŵa chihara cha masano.

2 Samuele 14:26

Ndipo asani wasenga sisi lake (pakuti pa umari wa chirimika che chose wasenganga; asani la muzitiska, wasenganga), wangupima sisi lake mashekelo machumi pe chumi ghaŵi (200) kwakuyana ndi mweso wa karonga.

Yeremiya 32:10

Ndingulemba zina langu pa kalata wa phanganu, ndi kudikizgapo chakuzighiriya, tinguŵa ndi ŵakaboni, ndipo tingupima ndrama zo pa mweso.

2 Samuele 24:24

Kweni karonga wanguti kwaku Arauna, “Awa ndigurenge kwako pa mtengo wake; kuti ndiperekenge cha mipasku ya kocha ku Ambuya Chiuta wangu po ndareka kutayiyapo kanthu.” Viyo Davidi wangugula mbuli ndi ng'ombe pa mtengo wa mashekelo gha siliva machumi ghankhonde (50).