Chiyambo 22:23 - Tonga Bible 1986

²³ Betuele wangupapa Rebeka. Yaŵa ŵankhonde ndi ŵatatu Milka wangupapa kwaku Nahoro, mwana munyake waku Abrahamu.

Chiyambo 22:23 Referans Kwoze

Chiyambo 24:15

Wenga wandamari kukamba, wanguwona Rebeka mweniyo wangupapika kwaku Betuele mwana munthurumi waku Milka, muwoli waku Nahoro, mwana munyake Abrahamu, wangutuwiya kubwalo ndi musuku wake wa maji pa phewa lake.

ŴaRoma 9:10

Ndipo viyo pe cha; kweni Rabeka nayo, wati wazuwuka ndi yumoza, ndiyo auskefwe Yisaki,

Chiyambo 28:5

Viyo ndimu Yisaki wangutumiya Yakobe; ndipo wanguruta ku Padani-aramu kwaku Labani, mwana waku Betuele muAramu, mzichi waku Rebeka nyina waku Yakobe ndi Esau.

Chiyambo 28:2

Soka, ruta ku Padani-aramu ku nyumba yaku Betuele uskeu wa anyoko; ndipo ukatoko munthukazi kuŵa muwoli wako kwenikuwa yumoza wa ŵana ŵanthukazi ŵaku Labani mzichi wa anyoko.

Chiyambo 25:20

Abrahamu wenga wiske waku Yisaki, ndipo Yisaki mu ura wenga wa virimika machumi ghanayi (40) po wangutole muwoli wake Rebeka, mwana munthukazi waku Betele muAramu yo waku Padani-aramu, mzichi waku Labani muAramu.

Chiyambo 24:67

Sono Yisaki wanguza nayo munthukazi mu hema, ndipo wanguto Rebeka, ndi wanguŵa muwoli wake; ndipo wangumwanja munthukazi. Viyo Yisaki wangusangaruskika pavuli pa nyifwa ya anyina.

Chiyambo 24:60

Ndipo ŵangutumbika Rebeka, ndi ŵanguti kwaku iyo, “Mzichi widu waŵe nyina wa vikwi vya vikwi machumi.”

Chiyambo 24:51

Awona, Rebeka we paurongo pako, umuto ndi murutenge, ndipo iyo wakaŵe muwoli wa mwana wa mbuyako, uli ndimo akambiya Ambuya.”

Chiyambo 24:47

Sono ndingumufumba munthukazi, ‘We mwana waku yani iwe?’ Wanguti, ‘Mwana waku Betuele, mwana munthurumi waku Nahoro, yo wangumupapiya Milka.’ Viyo ndinguŵika mphete yo pa mphunu yake, ndi makoza pa manja ghake.

Chiyambo 24:24

Wanguti kwaku iyo, “Nde mwana waku Betuele mwana munthurumi waku Milka, yo wangupapiya Nahoro.”

Chiyambo 11:29

Ndipo Abramu ndi Nahoro ŵanguto ŵanthukazi; zina la muwoli waku Abramu lenga Sarai, ndipo zina la muwoli waku Nahoro lenga Milka mwana munthukazi waku Harani wiske waku Milka ndi Iska.

Chiyambo 22:22

Chesede, Hazo, Pildasha, Jidlapa, ndi Betuele.”

Chiyambo 22:24

Ndipo so chidandanu chake, yo zina lake wenga Rauma, wangupapa Teba, Gahama, Tahasha, ndi Maka.