Chiyambo 22:17 - Tonga Bible 1986

¹⁷ kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.

Chiyambo 22:17 Referans Kwoze

Chiyambo 15:5

Ndipo wangumutuzgiya kubwalo ndi wanguti, “Lereska kuchanya, ndi uŵerenge nyenyezi zo, asani ungaziŵa kuziŵerenga.” Sono wanguti kwaku iyo, “Viyo ndimu yikaŵiyanga mphapu yako.”

Yeremiya 33:22

Nge ndimo liŵanja la kuchanya kuti lingaŵerengeka cha, ndi muchenga wapa likumba kuti ungapimika cha, viyo ndimu ndikandaniskiyanga mphapu yaku Davidi mteŵeti wangu, ndi ŵazukuru ŵaLevi ŵeniwo ŵatinditataliya.”

Chiyambo 13:16

Mphapu zako ndikazichitanga uli ndi fuvu la charu; viyo asani wangaŵapo munthu yo wangaziŵa kuŵerenga fuvu la charu, iku mphapu yako nayo yikaŵerengekanga.

Chiyambo 26:4

Ndikandaniskanga mphapu yako uli ndi nyenyezi za kuchanya, ndipo ndiapaskanga ku mphapu yako uli ndi nyenyezi za kuchanya, ndipo ndikapaskanga ku mphapu yako ivi vyaru vyose; ndipo mu mphapu yako mitundu yose ya charu chapasi yitumbikikenge.

Chiyambo 24:60

Ndipo ŵangutumbika Rebeka, ndi ŵanguti kwaku iyo, “Mzichi widu waŵe nyina wa vikwi vya vikwi machumi.”

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

Marangu 1:10

Ambuya Chiuta winu wakwandaniskani ndipo le mwe ŵanandi nge ndi nyenyezi zakuchanya.

Chiyambo 32:12

Kweni imwe mungukamba, ‘Ndikakuchitiyanga umampha, ndi kuchita mphapu yako kuŵa nge ndi mchenga wapa nyanja, wo kuti ungaŵerengeka cha chifukwa cha unandi.’ ”

1 ŴaKorinte 15:57

Kweni viwongo viŵiye Chiuta, yo watipaska upundi mu Ambuyafwe Yesu Kristu.

Yeremiya 32:22

ndipo munguŵapaska charu ichi, chenicho mungurapiya ku auskeu kuŵapaska; charu chakuzara mukaka ndi uchi;

Mika 1:9

Chifukwa chironda chake nchambura machizgika; ndipo chaza kwaku Yuda, chafika ku likomo la ŵanthu ŵangu, ku Yerusalemu.

1 ŴaKaronga 9:26

Karonga Solomoni wangupanga ngaraŵa zinandi pa Ezioni-Geberi, po mphafupi ndi Eloti pa likumba la Nyanja Yiyera mu charu cha Edomu.

Marangu 21:19

sono wiske ndi nyina ŵamukonge ndi kumutole ku ŵara ŵa msumba wake, pa likomo la malo penipo ŵaja.

Chiyambo 28:3

Chiuta wanthazi zose wakutumbike ndipo wakupaske mphapu ndi kukwandaniska, alinga kuti uŵe mpingu wa ŵanthu.

Chiyambo 17:6

Nkhakuyandaniskanga ukongwa, ndipo ndikakuchitanga mitundu, ndipo ŵakaronga ŵakatuwanga mwako.

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

ŴaRoma 4:13

Chifukwa kuti chinguziya mwa chilangulu cha chipanganu cho cha kwaku Abrahamu pamwe ku mbeu yake, chakuti waŵenge iyo mhara wa panupasi, kweni chinguziya mwa urunji wa chivwanu.

ŴaRoma 9:27

Kweni Yesaya wakutiya paku Yisraele: “Chingana unandi wa ŵana ŵaku Yisraele we nge ndi mchenga wapa nyanja, ŵakusiyika ndiwo ŵataskikenge.

ŴaHebere 6:14

“Nadidi kutumbika ndikutumbikenge, ndi kwandaniska ndikwandaniskenge.”

ŴaHebere 11:12

ndiviyo ŵangupapikako ku yumoza, ndi iyo nge ngwakufwa, mu unandi nge ndi nyenyezi za kuchanya, ndi uli ndi mchenga wo wapa likumba la nyanja, wambura maŵerengeka.

Chiyambo 25:11

Pavuli pa nyifwa yaku Abrahamu, Chiuta wangutumbika Yisaki mwana wake, ndipo Yisaki wajanga mu Bere-lahai-roi.

Chiyambo 26:24

Ndipo Ambuya angumuwoneke usiku weniwo ndi anguti, “Ndine Chiuta waku Abrahamu ausu; ungopanga cha, pakuti nde nawe ndi ndikakutumbikanga ndi kwandaniska mphapu yako chifukwa cha muŵanda wangu Abrahamu.”

Chiyambo 28:4

Wapaske chitumbiku chaku Abrahamu kwaku iwe ndi ku mphapu yako pamoza nawe, alinga kuti muhare charu cho mukatandarangamo cho Chiuta wangupaska kwaku Abrahamu!”

Marangu 10:22

Auskemwe auguzikiya ku Egipiti, ŵanthu machumi ghankhonde ndi ghaŵi (70), ndipo sono Ambuya chiuta winu wakwandaniskani nge ndi nyenyezi za kuchanya.

Marangu 13:17

Paŵevi kanthu kakutembeka ko mukasunge, kuti Ambuya aweko ku ukari wawo wakofya, ndi kukulongoni lisungu ndi kuŵa ndi chifundu paku imwe, ndi kukwandaniskani nge ndimo angurapiya ku auskemwe,

1 Mikoka 27:23

Davidi wengavi kuŵaŵerenga wo ŵenga pasi pa virimika machumi ghaŵi mu ura wawo chifukwa Ambuya angupangana kwandaniska Yisraele nge ndi nyenyezi za kuchanya.

2 Mikoka 1:9

Ambuya Chiuta, sono lifiskike phanganu linu kwaku Davidi, pakuti mwandimika kuŵa karonga wa ŵanthu wo ŵenge ndi fuvu la charu mu unandi wawo.

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

Chiyambo 32:13

Viyo wangugona penipa usiku wuwa, ndipo wangutopo paku vyo wenga navyo, chalara cha muku wake, Esau,

Chituwa 32:13

Kumbukani Abrahamu, Yisaki, ndi Yakobe ŵaŵanda ŵinu, kwaku wo mungurapiya paku mwaŵeni, ndipo munguti kwaku wo, ‘Ndikandaniskanga mphapu zinu nge ndi nyenyezi za kuchanya, ndipo charu chose ichi cho ndapangana kuti ndichipaskenge ku mphapu zinu, iwo ŵakachiharanga muyaya.’ ”

Marangu 1:11

Mphanyi Ambuya Chiuta wa auskemwe wakwandaniskani chikwi kwakuruska mo mulili, ndi wamutumbikani nge ndimo wangupanganirana namwe.

Marangu 13:18

asani muvwiya mazu ghake, kusunga marangu ghake ghose gho ndimulanguliyani zuŵa lino, ndi kuchita cho nchakurunjika mu maso gha Ambuya Chiuta winu.

2 Samuele 17:11

Kweni ine fundu yangu njakuti, ŵaYisraele wose ŵawungane kwako, kutuwa ku Dani mpaka ku Beresheba, nge ndi mchenga wapa likumba la nyanja unandi wawo, ndikuti imwe namwe mwaŵeni muruti ku nkhondo.

1 ŴaKaronga 4:20

Yuda ndi Yisraele unandi wawo wenga nge ndi mchenga wakulikumba la nyanja, ŵarghanga ndi kumwa ndipo ŵenga ŵakukondwa.

Nehemiya 9:23

Mungwandaniska mphapu zawo uli ndi nyenyezi za kuchanya, ndipo munguŵatole mu charu chenicho mungunene auskeu kwachiseremo ndi kuchihara.

Yesaya 48:19

ŵana ŵako ŵatinge ŵaŵenge nge ndi muchenga, ndipo mphapu yako uli ndi mbuto yake; zina lawo mphanyi kuti lingudumulikako cha pamwenga kuliparang'a paurongo pangu.”

Hoseya 2:1

Nena ku mbali wako, “Ŵanthu ŵangu”, ndi ku mzichi wako, “Waronde lisungu.”