Chiyambo 21:9 - Tonga Bible 1986

⁹ Kweni Sara wanguwona mwana munthurumi waku Hagara muEgipiti yo, mweniyo wangupapiya Abrahamu, waseŵe ndi mwana wake Yisaki.

Chiyambo 21:9 Referans Kwoze

Chiyambo 16:15

Ndipo Hagara wangupapiya Abramu mwana munthurumi ndipo Abramu wangudana zina la mwana wake, Yishumaele mweniyo wangupapa Hagara.

ŴaGalatia 4:29

Kweni nge ndi penipa yo wangupapika kwakulingana ndi liŵavu wangumuŵemba yo wangupapika kwakulingana ndi Mzimu, viyo sono nako.

ŴaGalatia 4:22

Chifukwa kwalembeka, “Kuti Abrahamu wanguŵa ndi ŵana ŵanthurumi ŵaŵi, yumoza ku muŵanda munthukazi yo, ndi yumoza ku munthukazi mwanangwa yo.”

Chiyambo 16:1

Sono Sarai, muwoli waku Abramu wengavi kumupapiya ŵana. Wenga ndi muŵanda munthukazi muEgipiti yo zina lake lenga Hagara.

Chitenje 1:7

Yerusalemu wakumbuka mu mazuŵa gha suzgu yake, ndi kuŵaŵa, vinthu vyose vyakuzirwa vyenivyo vyenga vyake kutuwa ku mazuŵa ghamwaka. Penipo ŵanthu ŵake ŵanguwa mu manja gha ŵarwani, ndipo pengavi nanga njumoza kumovya, ŵarwani ŵangukondwere pake, ŵanguseka pakubwanganduka kwake.

Nthanthi 20:11

Chingana ndi mwanamumana watijiziŵiska ndi nchitu zake, manyi chenicho wachita nchakuphotoka ndi nchakurunjika.

Sumu 42:10

Kutombozga kwa ŵakupindikana nane; kwenge ndi bala la nyifwa mu liŵavu langu, po ŵakamba nane kwambura kurekezga, wepani, “Chiuta wako?”

Sumu 22:6

Kweni ine nde fusi, munthu mweneko cha; chitozeru ku ŵanthurumi, chakuyeyeka ku ŵanthu.

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

2 Mikoka 30:10

Viyo mathenga ghanguruta ku msumba ndi msumba mu charu chose cha Efraimu ndi Manase ndi mpaka ku Zebuluni, kweni ŵanguŵaseka ndi kuŵayeya, ndi ŵanguŵawoya.

ŴaHebere 11:36

Ndipo ŵanyake ŵangweseka ndi matozu ndi malikhwechu, nadidi so, ndi magoŵa ndi ulinda.

Chiyambo 17:20

Gha paku Yishumaele, ndavwa; ehe, ndikamutumbikanga ndi nkhamupaskanga mphapu ndi nkhamwandaniskanga ukongwa limu; wakaŵanga uskeu wa mafumu chumi pachanya ghaŵi, ndipo nkhamuchitanga kuŵa mtundu ukuru.

Jobu 30:1

“Kweni sono ŵandiseka, ŵanthu wo mbanamana ndi ine, ŵauskeu ŵaku ŵeniwo mphanyi ndaŵapepuwa, ndi kuŵajarika pamoza ndi ŵagaru mskambu wangu.

Chiyambo 21:8

Ndipo mwana wangukuwa, ndi wangurumurika ndipo Abrahamu wanguchita chakurgha chinandi mu zuŵa lo Yisaki wangurumurikiya.

Nthanthi 22:10

Dikiska wakunyoza, ndipo ndeu yikatuwangapo, ndipo kuhohotana ndi kutukana vikamalanga.