Chiyambo 21:8 - Tonga Bible 1986

⁸ Ndipo mwana wangukuwa, ndi wangurumurika ndipo Abrahamu wanguchita chakurgha chinandi mu zuŵa lo Yisaki wangurumurikiya.

Chiyambo 21:8 Referans Kwoze

1 Samuele 1:22

Kweni Hana kuti wanguruta nawo cha, wangunene murumi wake kuti, “Po mwana wakarekiyanga konkha, ndipo ndi mutonge mwakuti wakawoneke pa maso pa Ambuya, ndipo wamuja kwenikuwa nyengo yose.”

Hoseya 1:8

Wanguti wareka kuwonkheska, “Wambura kuchitikiya lisungu,” Gomere, wanguzuuka ndi wangupapa mwana munthurumi.

Sumu 131:2

Kweni ndazikiska ndi kuchetamiska mzimu wangu, nge ndimo mwana wachetamiya pa chifuŵa cha nyina.

1 ŴaKaronga 3:15

Ndipo Solomoni wanguyuka, kweni ehe, ili lenga loto. Pavuli wanguza ku Yerusalemu, ndipo wanguma paurongo pa bokosi la phanganu la Ambuya, wangupereka sembe zakocha ndi sembe za chimangu, ndipo wanguchitiya dghera ŵaŵanda ŵake wose.

2 Samuele 3:20

Abnere wanguti wafika kwaku Davidi ndi ŵanthu machumi ghaŵi ŵakuŵa nayo, Davidi wangurongoso dghera laku Abnere ndi ŵanthu wo wenga nayo.

Chiyambo 40:20

Pa zuŵa la chitatu lenilo lenga zuŵa la kawi kaku Farao wangubikiya vyakurgha ŵateŵeti ŵake wose, ndipo wangusoska mutu wa wakupereka vinyo mura ndi mutu wa wakubika mura mukati mu ŵateŵeti ŵake.

Chiyambo 29:22

Ndipo Labani wanguwungang'a pamoza ŵanthurumi wose ŵamu malo gha, ndi wanguchita dghera.

Chiyambo 26:30

Viyo wanguŵachitiya kurgha, ndipo ŵangurgha ndi kumwa.

Chiyambo 19:3

Kweni wangughachichizga ndi nthazi; viyo ghangupatukiya kwaku iyo ndi ghangusere mu nyumba ndipo wangughachitiya chakurgha ndipo wangughawoche chiŵande chambura mtupu, ndi ghangurgha.

Estere 1:3

mu chirimika cha chitatu cha muwusu wake, wanguchitiya mafumu ghake ghose ndi ŵateŵeti ŵake dghera, ndi ŵara ŵa nkhondo za ŵaPerese ndi ŵaAmedia, zinkhankhu ndi mafumu gha vyaru ŵenga pa maso pake;

1 Samuele 25:36

Abigaili wanguti kuvuli; wangusaniya kuti Nabala we pa dghera mu nyumba yake, nge ndi dghera la karonga. Ndipo mtima waku Nabala unguŵa mu likondwa likuru, pakuti wanguloŵe ukongwa; ndipo kuti wangumuneniyapo kanthu cha mpaka ku mlenji lumwi latuwa.

Ŵeruzgi 14:12

Samsoni wanguti kwaku wo, “Rekeni ndikupaskeni ntharika, asani mungandinene cho ying'anamuwa, muyibowozge mu mazuŵa ghankhonde ndi ghaŵi gha dghera, asani mwayibowozga; ndikakupaskaninga vivwaru vyakuwolofoka machumi ghatatu, ndi vivwaru vya dghera machumi ghatatu,

Ŵeruzgi 14:10

Ndipo awiske wangusikiya ku munthukazi yo, ndipo Samsoni wanguchitiyako dghera kwenikuwa; pakuti viyo ndimu ŵachitiyanga ŵanyamata.

Chiyambo 21:7

Ndipo iyo wanguti, “Njani wanguziŵa kukamba kwaku Abrahamu kuti Sara wanguwonkheska ŵana? Kweni ndamupapiya mwana muthurumi mu unkhongwe wake.”

Chiyambo 21:9

Kweni Sara wanguwona mwana munthurumi waku Hagara muEgipiti yo, mweniyo wangupapiya Abrahamu, waseŵe ndi mwana wake Yisaki.

1 Samuele 1:24

Wanguti wamara kumonkheska, wangukwera nayo, ndi pamoza ndi iyo thole la virimika vitatu, sokora ya ufwa, ndi thumba la vinyo; wanguza nayo ku nyumba ya Ambuya pa Shilo ndipo mwana wenga litema.