Chiyambo 21:33 - Tonga Bible 1986

³³ Abrahamu wangupanda muti wa chikumbusko mu Beresheba, ndipo penipa wangudanapo zina la Ambuya Chiuta Wapachanya Limu.

Chiyambo 21:33 Referans Kwoze

1 Timote 1:17

Kweni ku Karonga wamuyaya, mziramawoleka, wambura mawonekeka, Chiuta wayijayija, kuŵiye thamu ndi unkhankhu muyaya-muyaya. Ameni.

Yesaya 40:28

Kuti ukuziŵa cha? Kumbi ulivi kuvwa? Ambuya ndiyo Chiuta wa muyaya, Mlengi wa vigoti vya charu chapasi. Kuti wagongowa chingana nkhuvuka cha, kuwamo kwake nkhwambura mapenjeka.

Sumu 90:2

Ghenga ghandawe mapiri, mwenga mundawumbe charu chapasi, kutuwa ku muyaya mpaka ku muyaya ndimwe Chiuta.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

ŴaRoma 16:26

Kweni sono ghakuvumbulika, ndipo mumalembo gha ŵamchimi kwakulingana ndi langulu laku Chiuta wamuyaya, chaziŵiskika, ku mitundu yose kuŵatore ku chivwanu cha mu muvwiyu;

Chiyambo 12:8

Kutuwa pa wangundere ku phiri ku vuma kwa Betele, ndi wangujintha hema lake; Betele ku zambwe ndi Ai ku vuma ndipo pa wanguzenga jochero ku Ambuya ndipo wanguromba ku Ambuya.

Chiyambo 4:26

Kwaku Sete so kungupapika mwana munthurumi, ndipo wangudana zina lake Enoke. Pa nyengo yiya ŵanthu ŵangwamba kudana pa zina la Ambuya.

Marangu 33:27

Chiuta wa muyaya ndiyo malo ghako ghakujamo, ndipo kusi kwe manja ghake gha muyaya. Ndipo wadikiska ŵakupindikana ŵinu paurongo pinu, ndipo watiti, ‘Parghang'a’.

ŴaRoma 1:20

Chifukwa kutuwa ku ulengi wa charu vyambura kuwoneka vyake, ndivyu nthazi yake yamuyaya ndi so uChiuta wake, viwoneke limu, pakuteskeka mu machitidu ghake, viyo yaŵa ŵanthu mbambura mphandira.

Amosi 8:14

Ŵeniwo ŵarapa pa Ashima waku Samaria, ndipo ŵatiti, mo ‘Chiuta wako waliri wamoyo, O Dani,’ ndipo, ‘Nge ndimo Beresheba wajaliya’; wakawanga, kwambura kuyuka so.”

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Ŵeruzgi 3:7

Ndipo ŵaYisraele ŵanguchita uheni mu maso gha Ambuya, ŵanguruwa Ambuya Chiuta wawo, ndi kutataliya ŵaBala ndi Ashera.

Marangu 16:21

“Mungapandanga muti we wose cha kuŵa lisuwa kuŵandikana ndi jochero la Ambuya Chiuta winu lo mukachitanga.

Chiyambo 26:33

Wanguchidana Shiba; chifukwa cho zina la msumba ndi Beresheba mpaka ku zuŵa lino.

Chiyambo 26:25

Viyo wanguzengapo jochero penipa ndi wanguromba Ambuya, ndi wangujintha hema lake penipa. Ndipo pa ŵaŵanda ŵaku Yisaki ŵangukumbapo chisima.

Chiyambo 26:23

Kutuwa pa wangukwere ku Beresheba.

ŴaHebere 13:8

Yesu Kristu zana ndi le ndi mweniyo pe, ndi so ku muyaya.

Chiyambo 21:32

Viyo wanguchita phanganu pa Beresheba. Sono Abimeleke ndi Phikolo wakulamula liŵanja lake la nkhondo wangusoka ndi wanguwere ku charu cha ŵaFilisti.

Chituwa 15:18

Ambuya akausanga muyaya ndi muyaya.”

Marangu 32:40

Pakuti ndisoske janja langu kuchanya ndi ndirapa, kuti, Mwenimo ndijariya wamoyo muyaya.

Sumu 93:2

chamiskika chitengo chinu cha ufumu kutuwa ku mwaka; kutuwa ku muyaya ndimwe.

Habakuku 1:12

Asi ndimwe wamuyaya, Ambuya Chiuta wangu, Mtuŵa wangu? Kuti tifwenge cha. Ambuya mwaŵamika nge ncheruzgu; ndipo imwe, Jarawe, mwaŵaŵika kuti ŵalangike.