Chiyambo 21:17 - Tonga Bible 1986

¹⁷ Ndipo Chiuta wanguvwa mazu gha mwana yo; ndipo mungelo waku Chiuta wangudanirizga kwaku Hagara kuturiya kuchanya, ndi wanguti kwaku iyo, “Nchine cho chitukusuzga Hagara? Ungopanga cha, pakuti Chiuta wavwa mazu gha mwana yo penipo wali.

Chiyambo 21:17 Referans Kwoze

Chiyambo 16:11

Ndipo mungelo wa Ambuya wanguti kwaku iyo, “Iwe wendi nthumbo, ndipo ukapapanga mwana munthurumi, umudanenge zina lake Yishumaele; chifukwa Ambuya awona suzgu yako.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Chituwa 3:7

Sono Ambuya anguti, “Ndawona suzgu ya ŵanthu ŵangu ŵeniwo ŵemu Egipiti, ndipo ndavwa nkhuta yawo chifukwa cha nduna za nchitu.

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Marko 5:36

Kweni Yesu wakuphwereko cha ku mazu ghakurongoroleka, watiti ku mura wa sinagoge, “Ungopanga cha, vwananga waka.”

Mateyu 15:32

Ndipo Yesu, wakudana, ŵasambizi ŵake, wanguti, “Nde ndi lisungu ndi mzinda wo, pakuti sono watandara nane mazuŵa ghatatu, ndipo ŵalive kanthu ko ŵangargha, ndipo kuti ndikhumba kuŵawezga ŵamsara cha, vinu kokuli ŵangafwa chipoyu mu nthowa.”

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Yesaya 22:1

Ghakukambika gha pa dambo la chiwona. Mung'anamuwanje po mutiti mwakwera, mose mwe pachanya pa zinyumba,

Sumu 65:2

chifukwa mutamuka marombo. Ŵanthu wose ŵakazanga kwaku imwe

2 ŴaKaronga 13:23

Kweni Ambuya ŵenga ŵa wezi kwaku wo, ŵenga nawo ndi chifundu, ndipo angung'anamukiya kuchiri kwawo, chifukwa cha phanganu ndi Abrahamu, Yisaki ndi Yakobe, ndipo kuti angukhumba kuŵaphwanya cha, chingana akuŵadika pa maso pawo mpaka ku zuŵa lino.

2 ŴaKaronga 13:4

Pavuli Jehoyahazi wangupenja Ambuya, ndipo Ambuya angumuvwa, pakuti anguwona suzgu yaku Yisraele, mo karonga wa Siriya waŵasuzgiyanga.

1 Samuele 11:5

Pa nyengo iyi Sauli watuwanga ku munda ndi ng'ombe zake; ndipo Sauli wanguti, “Ŵanthu ŵachita uli, po ŵafwifwinthiya?” Ŵangumukonkhoske vya kuŵapo pa ŵanthu ŵaku Yabeshe.

Ŵeruzgi 18:23

Ŵangukambura ku ŵina Dani, wo pakung'anamuka ŵanguti kwaku Mika, “Cho chitukusuzga nchine pakuti utuza ndi mpingu wa viyo?”

Chituwa 22:27

pakuti nchenicho pe chakuvwinkha chake, nchivwalo cha liŵavu lake na wakavwinkhanganji wachigona? Ndipo asani wakaliriyanga kwaku ine, ndikavwanga, pakuti nde wachitima.

Chituwa 22:23

Asani mukaŵayuzganga ndipo ŵatindiliriya ine, kwakuneneska ndikavwanga nkhuta yawo;

Chituwa 14:13

Ndipo Mosese wanguti ku ŵanthu, “Rekani kopa, mani gwa, ndipo muwonenge utaski wa Ambuya weniwo akamuchitiyaninga msana wale; pakuti ŵaEgipiti wa muwona msana wale kuti, mukaŵawonango so cha.

Chiyambo 46:3

Viyo wanguti, “Ndine Chiuta, Chiuta wa ausu; ungopanga cha kusikiya ku Egipiti; pakuti kwenikuwa ndakukuchita mtundu ukuru.

Chiyambo 16:9

Mungelo wa Ambuya wanguti kwaku iyo, “Uwere ku mbuyako, ndi ukajithereske kwaku iyo.”

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

Chiyambo 16:7

Mungelo wa Ambuya wangumusaniya pa chisime cha maji mu bozwa; chisima chapa nthowa yakuya ku Shuru.

Chiyambo 22:11

Kweni mungelo waku Chiuta wangudanirizga kwaku iyo kuturiya kuchanya, ndi wanguti, “Abrahamu, Abrahamu!” Ndipo iyo wanguti, “Nde pano!”

Chiyambo 24:7

Ambuya, Chiuta wa kuchanya, mweniyo wangundito ine ku nyumba ya ada ndi ku charu cha kawi kangu, ndipo ndi mweniyo wangukamba nane ndi wangundilapiya, ‘Ku mphapu yako ndikapaskanga charu ichi,’ iyo wakatumanga mungelo wake paurongo pako, ndipo wakumutole munthukazi mwana wangu kwenikuwa.

Chiyambo 26:24

Ndipo Ambuya angumuwoneke usiku weniwo ndi anguti, “Ndine Chiuta waku Abrahamu ausu; ungopanga cha, pakuti nde nawe ndi ndikakutumbikanga ndi kwandaniska mphapu yako chifukwa cha muŵanda wangu Abrahamu.”

Chituwa 3:2

Ndipo mungelo wa Ambuya wangumwoneke iyo mu mulipu wa moto kutuwa mu chivwati; wangulereska, ndipo ehe, chivwati chakolenga, kweni kuti chingufya cha.

Marangu 26:7

Sono tinguliriya ku Ambuya Chiuta wa auskefwe, ndipo Ambuya anguvwa mazu ghinu, ndi anguwona kusuzgika kwidu ndi kutakataka kwidu, ndi yuzgu lidu.

Sumu 6:8

Tuwaniko kwangu, mose mwa ŵakuchita utimbanizi; chifukwa Ambuya ŵavwa mazu ghakuliya kwangu.

Chiyambo 16:8

Ndipo iyo wanguti, “Hagara, muŵanda munthukazi waku Sarai, watuwa pani, ndipo utiya pani?” Iyo wanguti, “Ndithaŵa ku mbuyangu Sarai.”

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.