Chiyambo 21:14 - Tonga Bible 1986

¹⁴ Viyo Abrahamu wangusoka ndi mlenjilenji wanguto chiŵande ndi thumba la chikumba cha maji, wanguvipaska kwaku Hagra, wanguŵika pa phewa lake, pamoza ndimwana, ndi wangumutuma kuti warutenge. Ndipo wanguruta, ndi wanguyingayinga mu bozwa la Beresheba.

Chiyambo 21:14 Referans Kwoze

Yohane 8:35

Ndipo muŵanda kuti wajaririya mu nyumba muyaya cha: mwana ndiyo wajaririya muyaya.

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

Nthanthi 27:14

Mweniyo watumbika mu zengezgani wake ndi mazu gha kudanirizga, pakuyuka ndi mlenjilenji, wakanenekanga kuti nkhutemba.

Sumu 119:60

Kwambura kuswera, nditinthimika kuvwiya malangulu ghinu.

Sumu 107:4

Ŵanyake ŵanguyingayinga mu bozwa la chiparamba, ndipo kuti ŵangusaniya nthowa ya ku muzi wakujamo cha.

1 ŴaKaronga 19:3

Sono wangofyerwa, ndipo wangusoka ndi wanguruta kupozomoska umoyo wake, wanguza ku Beresheba, waku Yuda, ndi wangusiya mteŵeti wake kwenikuwa.

Chiyambo 26:31

Ndi mlenji-lenji ŵanguyuka ndi ŵanguchitiyana rapu yimoza ndi munyake; ndipo Yisaki wanguŵaperekezga ku nthowa, ndipo ŵanguruta kutuwa kwake mu chimangu.

Chiyambo 25:6

Kweni ku ŵana ŵavidandanu vyake wangupaska vya ulera, ndipo wachalipo wamoyo wanguŵatuzgako ku mwana wake Yisaki, wanguŵatuma kuchiri ku vuma ku charu cha kuvuma.

Chiyambo 21:31

Chifukwa ichi malo gha ghangudanika Beresheba, chifukwa penipa ŵaŵi viyo wo ŵangurimbira rapu.

Chiyambo 16:7

Mungelo wa Ambuya wangumusaniya pa chisime cha maji mu bozwa; chisima chapa nthowa yakuya ku Shuru.

Yesaya 16:8

Pakuti minda ya Heshiboni yagongowa, pamoza ndi mphereska ya Sibma, ŵeruzgi ŵa mitundu ŵadumuliya pasi mphanda zake, zo zingufika ku Jezeri zingulandiya ku bozwa, twakumemo twake tungutambarukiya kutali tungujumpha nyanja.

Chiyambo 46:1

Viyo Yisraele wangusoka lwendo lake pamoza ndi vyose vyenivyo wenga navyo, ndipo wanguza ku Beresheba, ndipo wangusaska visopo kwaku Chiuta wa awiske Yisaki.

Chiyambo 37:15

Ndipo munthu wangumusaniya wachilanda-landa mu minda; ndipo yuwa munthu wangumufumba. “Upenjanji?”

Chiyambo 26:33

Wanguchidana Shiba; chifukwa cho zina la msumba ndi Beresheba mpaka ku zuŵa lino.

Chiyambo 24:54

Ndipo iyo ndi ŵanthu ŵeniwo wenga nawo ŵangurgha ndi kumwa, ndipo ŵangugona penipa. Penipo ŵanguyuka ndi mlenji, wanguti, “Ndiwezgiyeni ku mbuya wangu.”

Chiyambo 22:19

Viyo Abrahamu wanguwere ku ŵanyamata ŵake, ndipo ŵangusoka ŵangulongozgana kuya ku Beresheba; ndipo Abrahamu wanguja pa Beresheba.

Chiyambo 22:3

Viyo Abrahamu wanguyuka ndi mlenji-lenji wangulongoso mbunda yake, ndipo wangutopo ŵaŵi ŵa ŵanyamata ŵake pamoza nayo, ndi, mwana wake Yisaki; ndipo wangudumuwa nkhuni za sembe yakocha, ndipo wangusoka ndi wanguruta ku malo gho Chiuta wangumunene.

Chiyambo 21:33

Abrahamu wangupanda muti wa chikumbusko mu Beresheba, ndipo penipa wangudanapo zina la Ambuya Chiuta Wapachanya Limu.

Chiyambo 19:27

Ndipo Abrahamu wanguruta ndi mlenji-lenji ku malo ghenigho iyo wanguma paurongo pa Ambuya.

Chiyambo 21:13

Ndipo ndikachitanga mtundu wa mwana wako yo nayo, wa munthukazi yo muŵanda, chifukwa ndi mphapu yako.”

Chiyambo 21:15

Penipo maji ghangumara mu thumba la chikumba wangutaya mwana kusi ku chimoza cha Vivawati.

Nthanthi 27:8

Mwenimo kalandiya kayuni kutuwa ku chizimbu chake ndimu wachitiya munthu mweniyo walanda ku nyumba yake.

Chiyambo 28:18

Viyo Yakobe wangusoka ndi mlenji-lenji, ndipo wanguto mwa wo wangusamilapo ndi wanguwumika kuŵa chichiri ndipo wangudapo mafuta pachanya pake.

Yoswa 3:1

Ndi mlenjilenji Yoswa wangusoka ku Shitimu, pamoza ndi ŵaYisraele wose ŵangufika ku Yordane, ndipo ŵangugona penipa, ŵenga ŵandambuke.

1 Samuele 15:12

Samuele wangusoka ndi mlenji-lenji kwachikumana ndi Sauli; wanguziŵiskika kuti, “Sauli wanguza ku Karmele, awonani, wakujimikiya chikumbusku, wakuzunguliya, ndi kurutiliya kusikiya ku Gilgala.”

2 Mikoka 29:20

Viyo Hezekiya karonga yo, wangusoka ndi wanguwunganiska ŵarongozgi ŵa msumba ndi wanguruta ku nyumba ya Ambuya.