Chiyambo 20:7 - Tonga Bible 1986

⁷ Viyo sono muwezge mweneko muwoli wake, chifukwa ndi mchimi, ndipo wakakurombiyanga, ndipo ukajanga wamoyo. Kweni asani urekenge kumuwezge, uziŵe kuti ukafwanga nadi, iwe, ndi wose ŵeniwo mbako.”

Chiyambo 20:7 Referans Kwoze

Jobu 42:8

Sono muchifukwa ichi toni nkhuzi zinkhonde ndi ziŵi, ndi mberere zinthurumi nazo zinkhonde ndi ziŵi, ndi rutani ku mteŵeti wangu Jobu, ndipo kajiperekiyeni sembe yakocha yakumaŵeni, ndipo Jobu mteŵeti wangu wakakurombiyaninga. Nkharondiyanga rombo lake chifukwa kuti ndikhumba kuchita namwe kwakuyana ndi uheni winu cha, pakuti mulive kukamba chinthu chamampha cha paku ine nge ndimo mteŵeti wangu Jobu wachitiya.”

1 Samuele 7:5

Samuele wanguti, “Wunjikani Yisraele yose ku Mizpa, mwakuti ndikurombiyeni ku Ambuya.”

ŴaHebere 13:4

Nthengwa yiŵe yaulemu mwaku wose, ndipo chita chiŵe chikhovu: chifukwa ŵareŵi ndi ŵarowozi waŵeruzgenge Chiuta.

2 Samuele 24:17

Davidi wanguti wawona mungelo yo wakosonga ŵanthu wangunena ndi Ambuya, wanguti, “Wonani, ndananga, ndipo ndachita uheni; kweni nanga mberere izi, kumbi zachitanji? Janja linu, ndi murombani, limikani ndi ine ndipo limikani ndi nyumba ya ada.”

1 Mikoka 16:22

kuti, “Mungaŵakwaskanga cha ŵakupakika ŵangu mungapwetekanga ŵamchimi ŵangu cha!”

2 ŴaKaronga 5:11

Kweni Namani wangukaripa, ndipo wangupunthuka wakuti, “Ehe, ndaghanaghananga kuti nadi wakaturiyanga kwangu, ndi kuma, ndi kudana pa zina la Ambuya Chiuta wake, ndi kuzungung'a janja lake pa malo gha nthenda ndi kuchizga makhate.

1 Yohane 5:16

Asani munthu wangawona mbali wake kuchita chilakwa, chakurata ku nyifwa cha, wakapemphanga, ndipo Chiuta wampaskenge umoyo kweni chifukwa chaku wo ŵalakwiya ku nyifwa cha. Chifukwa chakurata ku nyifwa chiripo: kuti ndikamba kuti wapemphe paku chenicho cha.

ŴaHebere 1:1

Chiuta, yo mwaka wakambiyanga munthowa zinandi ndi zakupambanapambana ndi ŵaseku mu ŵamchimi,

1 ŴaKorinte 14:4

Yo wakambiya mu karongoroledu wajizenga yija; kweni yo wataula wazenga eklesiya.

Ezekiele 33:8

Asani ndikamba ku muheni, Owe muheni we, nadi ukafwanga, ndipo iwe ureka kumunene kumucheŵeska muheni kuti waweko ku nthowa yake, muheni yuwa wakafwanga mu uheni wake, kweni ndopa zake ndikazifumbanga pa janja lako.

Ezekiele 3:18

Asani ndititi ku muheni, ‘Ndithu ukafwanga,’ ndipo kuti utimchenjezga cha nanga nkhurongoro nayo kumucheŵeska muheni ku nthowa yake yiheni, mwakuti wataske umoyo wake, muheni yuwa wakafwanga mu kwananga kwake; kweni ndopa zake ndikazifumbanga pa janja lako.

Yeremiya 27:18

Asani iwo mbamchimi, ndipo asani mazu gha Ambuya ghemwaku iwo, rekani ŵaŵeyere Ambuya ŵa maŵanja, kut viyaŵi vyo vikujamo mu nyumba ya Ambuya, mu nyumba ya karonga waku Yuda, ndi mu Yerusalemu vireke kutoreke ku Babiloni.

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 14:11

Ambuya anguti kwaku ine, “Reka kuromba kuti yaŵa ŵanthu kuŵaŵiye umampha.

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Jobu 34:19

mweniyo wareka kurumba chisku nanga ndi mukati mu mafumu, nanga nkhuphwere ŵaromba kuruska ŵakavu, chifukwa wose mba nchitu ya manja ghake!

1 ŴaKaronga 13:6

Ndipo karonga wanguti ku munthu waku Chiuta, “Ndiŵeyerere wezi wa Ambuya Chiuta wako, undirombe, kuti janja langu liweriyemo.” Ndipo munthu waku Chiuta wanguŵeyere Ambuya; janja la karonga linguweriyamo, ndipo linguŵa uli ndimo lenge pakudanga.

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

1 Samuele 12:19

Sono ŵanthu ŵangunena ndi Samuele, “Tirombe taŵateŵeti ŵako ku Ambuya Chiuta wako, kuti tireke kufwa; pakuti tasazgiyako uheni uwu nawo ku mauheni ghidu ghanandi, pakujipemphe karonga.”

1 Samuele 7:8

Ndipo ŵangunena ndi Samuele, “Rekani kurekezga kuliya ifwe ku Ambuya Chiuta widu, kuti watipozomoske ku ŵaFilisti.”

ŴaLevi 6:7

Ndipo mzukuru wakamuŵeyeliyanga paurongo pa Ambuya, ndipo iyo wakagowokelekiyanga pa chinthu che chose cho munthu wanguchita ndiwanguŵa ndi mlandu.”

ŴaLevi 6:4

Munthu yo walakwa wakawezganga chenicho wangutole mu unkhungu, pamwenga mu kuyuzga, pamwenga cho wangusungizgika pamwenga chakusoŵa cho iyo wangubowozga,

Chituwa 18:17

Msibweni waku Mosese wanguti kwaku iyo, “Cho uchita kuti nchamampha cha.

Chituwa 7:1

Ndipo Ambuya anguti kwaku Mosese, “Wona, nditukuchita kuŵa nge ndi Chiuta kwaku Farao ndipo Aroni mwana munyako wamukuŵa mchimi wako.

Chituwa 4:16

Iyo wamukukukambiya ku ŵanthu, ndipo wakaŵanga mlomo wako, ndipo iwe ukaŵanga nge ndi Chiuta kwaku iyo.

Chiyambo 20:18

Chifukwa Ambuya angujara vibali vyose vyamu nyumba yaku Abimeleke chifukwa chaku Sara, muwoli waku Abrahamu.

Chiyambo 12:17

Kweni Ambuya angusuzga Farao ndi nyumba yake ndi videru chifukwa chaku Sarai, muwoli waku Abramu.

Chiyambo 12:15

Ndipo penipo nduna zaku Farao zingumuwona munthukazi, zingumurumba kwaku Farao. Ndipo munthukazi yo wangutoleke ku nyumba yaku Farao.

Chiyambo 2:17

kweni vyamu muti wo wakuziŵa umampha ndi uheni kuti ukarghanga cha, pakuti mu zuŵa lo ukarghiyanga vyaku wo ukafwanga.”

Machitidu gha Ŵakutumika 8:24

Ndipo wangwamuka Simoni, wanguti, “Muŵeyere imwe ku Ambuya pa chifukwa changu, viyo kuti kangandiziya cha kamoza kaku vyo mwakamba.”

Chiyambo 20:3

Kweni Chiuta wanguza kwaku Abimeleke mu tulo ndi usiku, ndi wanguti kwaku iyo, “Awona, we munthu wakufwa chifukwa cha munthukazi mweniyo wato, chifukwa ndi muwoli wa munthurumi munyake.”

Chiyambo 20:8

Viyo Abimeleke wanguyuka ndi mlenji-lenji, ndi wangudana ŵaŵanda ŵake wose, ndi wanguŵanene vinthu ivi; ndipo ŵanthu wo ŵangopa ukongwa.

Chiyambo 23:6

“Titegherezge, mbuya widu, iwe we chilimbi cha nthazi mukati mwidu. Ŵika wakufwa wako mwakusankhika ukongwa mwa miunda yidu; palivi yumoza waku ifwe wakanizgenge iwe muunda wake, pamwenga kukukanizga kuŵika wakufwa wako.”

2 Mikoka 30:18

Pakuti ŵanandi ŵa mzinda wa ŵanthu, kuti ŵangujitozga cha, nge mbaku Efraimu, Manase, Isakara, ndi Zebuluni, kweni ndipuuli ŵangurgha phaska kwakuruska mo kungulembeke. Chifukwa Hezekiya wanguŵarombe kuti, “Ambuya mbamampha agowoke munthu we yose,