Chiyambo 2:8 - Tonga Bible 1986

⁸ Ndipo Ambuya Chiuta wangupanda munda mu Edene, ku vuma mwenimo wanguŵika munthu mweniyo wangulenga.

Chiyambo 2:8 Referans Kwoze

Ezekiele 28:13

Unguŵa mu Edeni, mu munda waku Chiuta; mya yose yakuzirwa yenga chakuvwinkha chako, karneliani, topazi, jaspere, krusolite, berulo, ndi onike, safire, karbanike, ndi emaraldi; vyakujarika ndi vyakuchita kuzganga vinguchitika ndi golide. Pa zuŵa lo iwe ungulengeke ivi vingurongosoleke.

Chiyambo 3:24

Wangumudikiskiya kubwalo munthu; ndipo ku vuma kwa munda wa Edene wanguŵikako ŵaKerubi, ndi lipanga lakulipuka lo lang'anamukiyanga kose-kose, kuvikiriya nthowa yakuya ku muti wa umoyo.

Chiyambo 13:10

Ndipo Lote wangulereska ndi wanguwona kuti dambo la Yordane lenga ndi maji ghakukwana kosekose uli ndi munda wa Ambuya, uli ndi charu cha Egipiti; pakuza ku Zoara; yapa ndipo Ambuya ŵenga ŵandanange Sodomu ndi Gomora.

Yoele 2:3

Moto ukole paurongo pawo, ndi kuvuli kwawo mlipu utocha. Charu chenge ndi munda wa Edene paurongo pawo, kweni kuvuli kwawo mabozwa ghasokwa, kulivi kanthu kakupozomoka kwaku iwo.

Yesaya 51:3

Pakuti Ambuya akasangaruskanga Zioni; akasangaruskanga malo ghawo ghose gha uyiku, ndipo akasanduskanga mabozwa ghake, kuŵa nge ndi Edeni, lisuwa lake ulaka ndi munda wa Ambuya; likondwa ndi chimwemwe vikasanirikanga mwake, kuŵaonga ndi mazu gha sumu.

2 ŴaKaronga 19:12

Kumbi ŵachiuta ŵa ŵamitundu ŵakuyitaska mitundu yo ŵada ŵakuphwanya, Gozani, Harani, Rezefa, ndi ŵanthu ŵaEdeni wo ŵenga mu Telazara?

Chiyambo 4:16

Viyo Kaini wangutuwapo pa maso pa Ambuya, ndi wanguja mu charu cha Nodi, ku vuma kwa Edeni.

Ezekiele 31:16

Ndikambwambwanthiskanga mitundu ndi muswayo wakuwa kwake, pakuwupong'a ku Sheole pamoza ndiwo ŵaruta kusikiya ku Zenje, ndipo miti yose yamu Edeni, yakusankhika ndi yakuruska mu Lebanoni, yose yo yitumwa maji, yikasangaruskikanga kusi kwa charu chapasi.

Ezekiele 31:18

Kumbi iwe ukozgana ndiyani mu unkhankhu ndi ukuru mukati mu miti yamu Edeni? Ukasiskikiyanga pasi pamoza ndi miti yamu Edeni kusi kwa charu chapasi; ukagonanga mukati mu ŵambura kuchinjika, pamoza ndiwo ŵakubayika ndi lipanga. “Uyu ndi Farao ndi umba wake wose, atiti Ambuya Chiuta.”

Ezekiele 27:23

Harani, Kane, Edeni, Ashuru ndi Kilmada ŵanguchita nawe maronda.

Chiyambo 3:23

Chifukwa cho Ambuya Chiuta wangumutuzga mu munda wa Edene, kwachilima nyata kwaku yeniyo wangutolekako.