Chiyambo 2:7 - Tonga Bible 1986

⁷ Sono Ambuya Chiuta wangulenga munthu ndi fuvu la nyata, ndipo wangututiya mu mphunu zake mvuchi wa umoyo, ndipo munthu wanguŵa wamoyo.

Chiyambo 2:7 Referans Kwoze

1 ŴaKorinte 15:45

Viyo so kwalembeka, “Munthu wakudanga yo Adamu, wanguŵa mzimu wakututa”; Adamu wakumariya yo wanguŵa mzimu wakupaska umoyo.

Jobu 33:4

Mzimu waku Chiuta wandilenga, ndipo mvuchi wa Wanthazizose utindipaska umoyo.

Wakutaula 12:7

fuvu liwere ku dongo nge ndimo linguŵiya, ndipo mzimu uwere kwaku Chiuta yo wanguwupaska.

Yesaya 64:8

Kweni Ambuya mwe, imwe Auskefwe; te dongo ifwe, imwe mwe muwumbi widu; ndipo tose te nchitu ya janja linu.

Machitidu gha Ŵakutumika 17:25

chingana nkhuti wateŵeteka ndi manja gha ŵanthu cha, nge ngwakukavuka kanthu, pakuŵa mweneko wakupaska wose umoyo, ndi mvuchi, ndi vyose;

1 ŴaKorinte 15:47

Munthu yo wakudanga ngwa pasi, ngwadongu: munthu yo wachiŵi ngwa kuchanya.

Chiyambo 3:19

Ukarghanga chiŵande, mu dukutira la chisku chako mpaka penipo uweriyenge ku nyata. Pakuti ungutoleka mwenimo; ndiwe fuvu, ndipo ukaweriyanga ku fuvu.”

Jobu 27:3

nyengo yose yo mvuchi wangu weche mwaku ine, ndi mzimu waku Chiuta wemu mphunu zangu,

Chiyambo 7:22

chinthu chose pa charu chiyumu, cho mu mphunu mwake mwenga mvuchi wa umoyo, chingufwa.

Zekariya 12:1

Mazu gha Ambuya ghakunena Yisraele: Viyo atiti Ambuya, wo akutandika machanya ndi kuŵika chiŵanja cha charu chapasi, ndipo angulenga mzimu mukati mwa munthu:

Sumu 103:14

Chifukwa aziŵa mo tikulengeke; akumbuka kuti te fuvu ifwe.

Sumu 100:3

Ziŵani kuti Ambuya ndiyo Chiuta! Ndiyo wangutata ndipo ifwe te ŵake; te khamu lake, ndi mberere za uliska wake.

ŴaRoma 9:20

Awa na, wamunthu we, ndiwe yani wakuŵiringuliya Chiuta? Kumbi chakuwumbika cho chinenenge ku muumbi wake, “Chifukwa chine wandiumba viyo?”

Yesaya 2:22

Tuwako ku munthu mweniyo mumphunu zake mwe mvuchi, pakuti iyo njani nayo?

Chiyambo 3:23

Chifukwa cho Ambuya Chiuta wangumutuzga mu munda wa Edene, kwachilima nyata kwaku yeniyo wangutolekako.

ŴaHebere 12:9

Ndipo so, taŵanga nawo auskefwe ŵakuchiri ku liŵavu lidu, wo ŵangutilanga, ndipo taŵaphwerenga: asi ukongwa viŵi tikatheranga ku Tate wa ŵazimu, ndi kuŵa ndi umoyo?

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”

Nthanthi 20:27

Mzimu wa munthu ndi nyali ya Ambuya, kupenja mu viŵalu vyake vyose vya mukati ukongwa.

Jobu 33:6

Wonani, ndilereska kwaku Chiuta nge ndimo imwe namwe mulereske kwaku iyo ine nani ndinguwumbika ku dongo.

2 ŴaKorinte 5:1

Chifukwa tiziŵa kuti asani nyumba yapa charu ya hema lidu yabwanganduka, uzengi wakutuliya kwaku Chiuta te nawo, nyumba yakuchitika ndi manja cha, yamuyaya, mu machanya.

2 ŴaKorinte 4:7

Kweni mbiku yeniyi te nayo mu viyaŵi vyadongo, kurongo kuti nthazi yo yijumpha vinthu vyose njakutuliya kwaku Chiuta, kuti njaku taŵeni cha.

Yohane 20:22

Ndipo wati wakamba ichi, wanguŵauziriya wanguti kwaku wo, “Rondeni Mzimu Wakupaturika.

Jobu 4:19

iku kukaŵanga kukuru limu ku ŵanthu wo ŵaja mu nyumba za dongo zenizo viŵanja vyake vye mu mafuvu zo zirghika ndi fufuzi.

Maŵerengedu 27:16

“Rekani Ambuya, Chiuta wa mizimu ya ŵanthu wose, wamike munthu pa wumba uwu,

Wakutaula 3:7

nyengo yakuparuliya, ndi nyengo yakusone; nyengo yakuja chisisi, ndi nyengo yakurongoro;

1 Timote 2:13

Chifukwa Adamu wanguumbika danga, Eva pavuli;

Chiyambo 2:6

kweni chiuli chingukwera kutuwa pa charu chapasi kuzumbwiska nyata yose.

Chitenje 4:20

Muvuchi wamu mphunu zidu ifwe tawakupakika wa Ambuya, ungutoleka mu mazenje ghako, iyo mweniyo tingumukamba, “Pasi pa chiduzi chake tikawanga wamoyo mu wamitundu.”

Ezekiele 37:5

Viyo atiti Ambuya Chiuta ku viwanga ivi: “Ehe, ndikserezganga mvuchi mwaku imwe, ndipo mukaŵanga ŵamoyo.

Chiyambo 1:27

Viyo Chiuta wangulenga munthu mu chikozgu cha mweneko, mu chikozgu chaku Chiuta ndimu wangumulenge; munthurumi ndi munthukazi wanguŵalenga.

Ezekiele 37:6

Ndikaŵikanga misipi mwaku imwe, ndikawerezgiyanga mnofu paku imwe, ndi kukuburumutizgani ndikhungu, ndi kuserezga mvuchi mukati mwinu, mukaŵanga ŵamoyo, ndipo mukaziŵanga kuti ine ndine Ambuya.”