Chiyambo 2:4 - Tonga Bible 1986

⁴ Uwu ndi mukoka wa machanya ndi charu chapasi penipo vingulengeka. Mu zuŵa lo Ambuya Chiuta anguchita charu chapasi ndimachanya,

Chiyambo 2:4 Referans Kwoze

Chiyambo 5:1

Ili ndi buku la mphapu zaku Adamu. Penipo Chiuta wangulenga munthu, wangumuchita muchikozgu chaku Chiuta.

Chivumbuzi 1:8

“Ine ndine Alfa ndi Omega,” watiti Chiuta Ambuya, yo waliko, ndi yo wengako, ndi yo watuza Wanthazizose yo.

Jobu 38:28

“Kumbi vuwa yendi wiske, pamwenga ndiyani yo wakubara manthonera gha dungwe?

1 ŴaKaronga 18:39

Ndipo penipo ŵanthu wose ŵanguwona ichi, ŵanguwa kavunama pa visku vyawo, ndipo ŵatinge, “Ambuya ndiwo Chiuta, Ambuya ndiwo Chiuta.”

Chituwa 15:3

Ambuya ndi munthu wa nkhondo; Ambuya ndilo zina lawo.

Chiyambo 36:1

Izi ndizu mphapu zaku Esau (yo ndi Edomu).

Chiyambo 1:31

Ndipo Chiuta wanguwona chose cho wanguchita, ndipo chenga chamampha ukongwa. Ndipo kwenga mazulo, ndi kwenga mlenji, zuŵa la chinkhonde ndi chimoza.

Chiyambo 1:4

Ndipo Chiuta wanguwona kuti ukweru wenga wamampha, ndi wangupatuwa ukweru ku mdima.

Sumu 18:31

Pakuti njani Chiuta, asi ndi Ambuya? Ndipo jarawi njani, kweni Chiuta widu pe?

2 Mikoka 20:6

Ndipo wanguti, “Ambuya, Chiuta wa ŵambuyafwe, kumbi imwe kuti ndimwe Chiuta wakuchanya cha? Kumbi kuti muwusa cha pa mafuku ghose gha ŵamitundu? Mu janja linu mwe nthazi ndi uchinkhara, mwakuti palive yumoza yo wangaziŵa kumikana namwe?

Chituwa 6:16

Yagha ndighu mazina gha ŵana ŵanthurumi ŵaku Levi kwakulingana ndi migonezi yawo: Gerishoni, Kohata, ndi Merari, Levi wanguŵa ndi virimika machumi pe chumi pachanya machumi ghatatu ndi vinkhonde ndi viŵi (137).

Chiyambo 36:9

Izi ndizu mphapu zaku Esau uskeu wa ŵaEdomu mu charu cha mapiri gha Seiri.

Chiyambo 25:19

Izi ndi mphapu zaku Yisaki, mwana waku Abrahamu:

Chiyambo 25:12

Izi ndi mphapu zaku Yishumaele, mwana waku Abrahamu, mweniyo Hagara muEgipiti, muŵanda waku Sara, wangupapiya Abrahamu,

Chiyambo 11:10

Izi ndi mphapu zaku Shemu. Penipo Shemu wenga wa virimika machumi pe chumi (100) mu umoyo wake, wangupapa Arpakashadi, vyati vyakapo virimika viŵi pavuli pa zandi.

Chiyambo 10:1

Iyi ndi mphapu ya ŵana ŵanthurumi ŵaku Nowa, Shemu, Hamu, ndi Yafete, ndipo kwaku iwo kungupapika ŵana ŵanthurumi pavuli pa zandi.

Chiyambo 1:28

Ndipo Chiuta wanguŵatumbika, ndi wanguti kwaku wo, “Papanane ndi mwandane, ndi muzaze charu ndi muchithereske, ndipo muŵe ndi mtufu pa somba zamu nyanja, ndi pa viyuni vya mude, ndi pa chamoyo chose cho chitenda pa charu chapasi.”

Chiyambo 1:1

Mu chiyambo Chiuta wangulenga kuchanya ndi charu chapasi.

Chivumbuzi 16:5

Ndipo ndingumuvwa mungelo wa maji gho, wakuti, “Ŵarunji Ndimwe, Mwaŵakuŵapo, ndi mwenga, mwaŵakupaturika, mwe, pakuti mweruzga viyo!

Chivumbuzi 11:17

“Tikuwongani, Ambuya Chiuta, Mwaŵanthazizose, mwaŵakuŵapo ndi Mwenga; pakuti mwajitole nthazi yinu yikuru, ndipo mwausa.

Chivumbuzi 1:4

Yohane ku mipingu yinkhonde ndi yiŵi yamu Asia. Wezi kwaku imwe, ndi chimangu, kutuwa kwaku yo waliko ndi yo wengako ndi yo watuza; ndi kutuwa ku Ŵazimu ŵankhonde ndi ŵaŵi wo ŵe paurongo pa chitengu chake chaufumu,

Yesaya 44:6

Viyo atiti Ambuya, Karonga waku Yisraele ndi Muwombozi wake, Ambuya ŵa maŵanja: “Ndine wakudanga ndipo ndine wakumariya; pade paku ine palivi chiuta.

Sumu 86:10

Ndimwe pe wakuchita vya minthondwi, chifukwa ndimwe mwija, Chiuta wa mazaza.

Chiyambo 1:3

Ndipo Chiuta wanguti, “Kuŵi ukweru”; ndipo kunguŵa ukweru.

Chiyambo 2:3

Viyo Chiuta wangutumbika zuŵa la chinkhonde ndi chiŵi ndi wangulipatuwa, chifukwa mwaku lo Chiuta wangupumuwa ku nchitu zake zose zenizo wanguchita pa kulenga.

Jobu 38:4

“Kumbi wenga pani penipo ndinguŵika chiŵanja cha charu? Undinene, asani wendi vinjeru.