Chiyambo 19:31 - Tonga Bible 1986

³¹ Ndipo waumwali yo wanguti ku mumana, “Uskefwe wakota, ndipo palivi munthurumi mu charu wakuzachisere kwaku ifwe mwakarusu ka charu chose chapasi.

Chiyambo 19:31 Referans Kwoze

Marangu 25:5

“Asani ŵabali ŵinu ŵaja pamoza ndipo yumoza wakuwo wafwapo walivi mwana munthurumi, muwoli wa wakufwa yo kuti wakaŵirwanga cha ku mlendo. Mwana munyake wa murumi wake wakamuharanga, ndi kumuto kuŵa muwoli wake, kuti wapapemo mwana.

Yesaya 4:1

Ndipo ŵanthukazi ŵankhonde ndi ŵaŵi ŵakakonga munthurumi yumoza mu zuŵa leniliya, ŵamkuti, “Tikarghanga kurgha kwaku taŵeni ndi kuvwara saru zakutaŵeni kweni zomera kuti tidanike ndi zina lako, tuzgapo soni paku ifwe.”

Chiyambo 16:4

Ndipo wangusere mwaku Hagara ndi wanguzuwuka, ndipo penipo wanguwona kuti wanguzuwuka wangulereska mbuyake ndi myuyu.

Chiyambo 16:2

Ndipo Sarai wanguti kwaku Abramu, “Awona, Ambuya andikanizga kupapa ŵana; sere mu muŵanda munthukazi wangu: pamwenga ndikalondiyanga ŵana mwaku yo.” Ndipo wanguvwiya mazu ghaku Sarai.

Chiyambo 6:4

ŴaNefilimi ŵenga mu charu mu mazuŵa ghenigha, ndiso pavuli penipo ŵana ŵaku Chiuta ŵangusere mu ŵana ŵanthukazi ŵa ŵanthu, ndi ŵangupapa ŵana. Yaŵa ŵenga ŵanthu virimbi wo ŵenga ŵamwaka, ŵanthu ŵambiri.

Chiyambo 4:1

Ndipo Adamu wanguziŵa Eva muwoli wake, ndipo wanguzuwuka, ndi wangupapa Kaini, wakuti, “Ndaronde munthurumi ndi chovyo cha Ambuya.”

Chiyambo 19:28

Ndipo wangulereska pasi kuratana ndi Sodomu ndi Gomora ndi kuratana ndi charu chose cha dambo lo, ndipo awonani, ehe, usi ku charu cho ungukwere kuchanya ulaka ndi usi wa ng'anjo.

Marko 9:6

Chifukwa kuti waziŵanga cha cho wangamuka; pakuti wenga wamantha ukongwa.