Chiyambo 19:24 - Tonga Bible 1986

²⁴ Ndipo Ambuya angung'iska pa Sodomu ndi Gomora mya ya moto, ndi moto kuturiya ku Ambuya kusotopoka kuchanya;

Chiyambo 19:24 Referans Kwoze

Marangu 29:23

mu charu chose fukunyira ndi muche ndi vyakupiriya vyakunangika, chambura kumijika ndi mume kanthu cha, uteka kuti uziŵa kubuka cha; chakuthereskeka uli ndi viya vya Sodomu ndi Gomora, Adama ndi Zeboyimi, vyenivyo Ambuya anguthereska mu ukari wawo ndi chikwiya.

Yesaya 13:19

Ndipo Babiloni, yo mbunkhankhu wa maufumu, unozgi ndi kujikuzga kwa ŵaKaldiya, wakaŵanga nge ndi Sodomu ndi Gomora po Chiuta wanguyibwanganduwa.

Yuda 1:7

Uli ndimo Sodomu ndi Gomora, ndi misumba yakuzunguliya, pakujipereke ku maureŵi kwakukozgana nawo, ndi pakusaka uyaya wakutimbang'a vyakawi, ŵaŵikikiya nge nchirongoleru, ndi kulangikiya ku chisusa cha moto wamuyaya.

2 Petro 2:6

ndipo pakunyekeska mizi yaku Sodomu ndi Gomora, wangweruzga yo ndi kuyigadabuwa, ndipo wanguyiŵika nge nchichenjezgu kwaku wo ŵanguŵa ŵambura kopa Chiuta;

Amosi 4:11

“Ndinguwanganduwa ŵanyake ŵaku imwe nge ndimo Chiuta wangubwanganduliya Sodomu ndi Gomora, ndipo mwenga nge nchisindi chakubulika ku moto wakunyeka; ndipuuli kuti munguwere kwaku ine cha,” atiti Ambuya.

Yeremiya 50:40

Uli ndimo Ambuya angubwanganduliya Sodomu ndi Gomora ndi mizi yakuzengezgana nayo, atiti Ambuya, viyo so paulengevi munthu yo wakajangamo muwa, ndipo palivi mwana wa munthu yo wendamugonamo mwake.

Zefaniya 2:9

Chifukwa ichi mo ndilili wamoyo,” atiti Ambuya ŵa maŵanja, Chiuta waku Yisraele, “Moabu waŵenge nge ndi Sodomo, ndi ŵana ŵaku Amoni nge ndi Gomora, charu cha ukasi ndi mazenje gha mche ndi chipululu cha muyaya. Ŵakujako ŵa ŵanthu ŵangu ŵaŵaskoŵenge, ndi ŵakujako ŵa mtundu wangu ŵaŵaŵetenge.”

Chitenje 4:6

Chifukwa kulangika kwa ŵanthu ŵangu kwaŵa kukuru kwakuruska kulangika kwa Sodomo yo wangupasulika pa kanyengo kamanavi, pengavi janja lo linguchitapo kanthu.

Yeremiya 20:16

Munthu yo waŵe ndi misumba yeniyo Ambuya anguthereska kwambura lisungu; watenere kuti wavwe kuliya ndi mlenji ndi chenjezgu ndi msana pakati,

Jobu 18:15

Mu hema lake muja cho kuti nchake cha; mya ya matarara yawazgika pa chakujamo chake.

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

Yeremiya 49:18

Uli ndimo Sodomu ndi Gomora ndi misumba yinyawo yakuŵandikana nayo yingupasukiya, atiti Ambuya, palivi munthu yo wakajangamo muwa, palivi munthu yo wendamugonamo.

Yesaya 1:9

Asani Ambuya ŵa maŵanja ŵengavi kutisiyiyapo ŵakujapo ŵamanavi, mphanyi tinguŵa nge ndi Sodomu; ndi kusanduka nge ndi Gomora.

Sumu 11:6

Pa ŵaheni wang'iskenge maka gha moto ndi fukunyira; mphepo yakocha yikaŵanga mphoto yawo.

Luka 10:12

Ndinene imwe, mu zuŵa liya kuŵiyenge kwamakunthirikaku ku Sodomu kwakuruska ku muzi wuwa.

Chivumbuzi 14:10

viyo nayo wakamwangapo vinyo wa ufyu waku Chiuta, yo wapungulikiya wambura kusukuruka mu nkhombo ya kandundu kake; ndipo wakavwanga urwirwi mu moto ndi fukunyira pa maso pa ŵangelo ŵakupaturika, ndi pa maso gha Mwana-mberere yo.

Chiyambo 13:10

Ndipo Lote wangulereska ndi wanguwona kuti dambo la Yordane lenga ndi maji ghakukwana kosekose uli ndi munda wa Ambuya, uli ndi charu cha Egipiti; pakuza ku Zoara; yapa ndipo Ambuya ŵenga ŵandanange Sodomu ndi Gomora.

Chiyambo 13:12

Abramu wanguja mu charu cha Kanani penipo Lote wanguja mu msumba wa dambo lo ndi wangunderezga hema lake mpaka ku Sodomu.

Chiyambo 18:17

Ambuya anguti, “Kumbi ndikamubisanga Abrahamu cho ndikachitanga;

Chiyambo 19:23

Lumwi lingukwera pa charu po Lote wanguza ku Zoara.

Chituwa 9:23

Sono Mosese wangutambaruliya ndodo yake kuchanya ndipo Ambuya angutuma kugunda ndi vuwa ya matalala, ndipo moto ungupusumphiya pa charu chapasi. Ndipo Ambuya angung'iska vuwa ya matalala pa charu cha Egipiti;

Jobu 1:16

Weche kukamba, wanguza munyake yo wanguti, “Moto waku Chiuta ungusika kuchanya ndi ungocha mberere ndi ŵaliska ndi kuŵamara, ndipo ine ndija ndine ndapozomoka kuzachikunene.”

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

Marangu 28:24

Ambuya akachitanga vuwa ya charu chinu livuvu ndi fuvu kutuwa ku mtambo yikang'anga paku imwe mpaka penipo mwamalika.

Marangu 29:22

Ndipo mugonezi wo utuza, ŵana ŵinu wo ŵakayukanga pavuli pinu, ndipo so mlendo yo wakatuliyanga ku charu cha kutali, ŵakafumbanga penipo ŵakawonanga masuzgu gha charu chiya, ndi maulwari gho Ambuya atichitamiska nagho,

Yeremiya 23:14

Ndipo mu ŵamchimi ŵa Yerusalemu ndawonamo chinthu chakofya: ŵachita ureŵi ndipo ŵatenda mu mautesi; ŵalimbiska manja gha ŵakuchita uheni, viyo kuti palivi yumoza yo waweko ku mautimbanizi ghake; wose ŵaŵa nge ndi Sodomu ndipo ŵakujamo ŵake nge ndi Gomora.”