Chiyambo 19:17 - Tonga Bible 1986

¹⁷ Ndipo ŵanguti ŵaŵatuzga, ŵanguti. “Thaŵani pozomoskani umoyo winu: mungalereskanga kuvuli cha chingana nkhuma kose mu dambo mo; thaŵiyani ku mapiri, vinu mungafya.”

Chiyambo 19:17 Referans Kwoze

Luka 9:62

Kweni Yesu wanguti kwaku iyo, “Palive yumoza wakuŵikapo janja lake pa chilimiru, ndi wakulereska ku vyakuvuli, ngwakwenere ku ufumu waku Chiuta.”

Chiyambo 19:26

Kweni muwoli waku Lote yo wenga kuvuli kwake, wangulereska kuvuli, ndipo wangusanduka chulu cha mche.

Chiyambo 19:22

Tinthimika, thaŵiya kwenikuwa; pakuti ndingachita kanthu cha mpaka po iwe wafika kuwa.” Chifukwa cho msumba wo ungudanika Zoara.

Mateyu 3:7

Kweni wachiwona ŵanandi ŵa ŵaFarisi ndi ŵaSaduki ŵakuza ku ubatizo wake, wanguŵafumba, “Mwa mphapu za vipi, njani wangukucheŵeskani kuthaŵa kandundu ko katuza?

Yeremiya 48:6

Thaŵani! Jipozomoskeni! Muŵe nge ndi chuzu mu bozwa!

1 ŴaKaronga 19:3

Sono wangofyerwa, ndipo wangusoka ndi wanguruta kupozomoska umoyo wake, wanguza ku Beresheba, waku Yuda, ndi wangusiya mteŵeti wake kwenikuwa.

Chiyambo 13:10

Ndipo Lote wangulereska ndi wanguwona kuti dambo la Yordane lenga ndi maji ghakukwana kosekose uli ndi munda wa Ambuya, uli ndi charu cha Egipiti; pakuza ku Zoara; yapa ndipo Ambuya ŵenga ŵandanange Sodomu ndi Gomora.

Sumu 121:1

Ndiyinuskiya maso ghanguku mapiri; chituliyenge pani chovyo changu?

1 Samuele 19:11

Usiku uwa Sauli wangutuma mathenga ku nyumba yaku Davidi kwachimukhazga, mwakuti wamubaye ku mlenji. Kweni Mikala, muwoli, waku Davidi, wangumunene, “Asani ureka kutaska umoyo wako usiku unu mawa ukabayikanga.”

Chiyambo 18:22

Viyo wo ŵangung'anamuka penipo ndi ŵanguruta ku Sodomu; kweni Abrahamu, wanguma mbwenu paurongo pa Ambuya.

ŴaHebere 2:3

tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

Chiyambo 14:10

Sono mu dambo la Sidimi munguŵa vibokuboku vya maziu; ndipo ŵachithaŵa ŵakaronga ŵa Sodomu ndi Gomora, ŵanyake ŵaku wo ŵanguwa mwaku vyo, ndipo wo ŵangujapo ŵanguthaŵiya ku phiri.

Chiyambo 19:18

Ndipo Lote wanguti kwaku wo, “Awa viyo cha mwambuya ŵangu;

Chiyambo 19:30

Sono Lote wangukwera kutuwamo mu Zoara, ndipo wanguja mu mapiri pamoza ndi ŵana ŵake ŵanthukazi ŵaŵi: pakuti wangopa kuja mu Zoara; viyo wajanga mu mphanji ndi ŵana ŵake ŵanthukazi ŵaŵi.

Maŵerengedu 16:26

Ndipo wangurongoro ndi wumba kuti, “Tuwaniko nditumupemphani, kosikosi mu mahema gha ŵanthu ŵaheni yaŵa, ndipo mungakwaskanga so ke kose kaku wo cha, vinu imwe namwe mungamariya pamoza mu maulakwi ghawo.”

1 ŴaKaronga 1:12

Viyo sono zanga, ndikupange fundu, alinga kuti utaske umoyo waku wamweni ndi umoyo wa mwana wako Solomoni.

Luka 12:23

Chifukwa umoyo ngwakuzungura chakurgha, ndi liŵavu ndakuzungura chivwaru.