Chiyambo 19:16 - Tonga Bible 1986

¹⁶ Kweni wanguziulika; viyo ŵa ŵanthu ŵangumuko iyo ndi muwoli wake ndi ŵana ŵanthukazi ŵaŵi pa janja, pakuti Chiuta wanguŵa nayo ndi lisungu, ndipo ŵangumutuzgiya ku bwalo kwa msumba wo.

Chiyambo 19:16 Referans Kwoze

2 Petro 2:9

Mbuya waziŵa kutaska ŵakopa Chiuta me kesedu, ndi kuŵasungirizga ŵaheni wo ŵalindizgikiya zuŵa la cheruzgu,

Tito 3:5

kutuliya ku nchitu zamu urunji zenizo tinguchita ifwe cha, kweni kwakulingana ndi lisungu lake wangutitaskiya mu chisambiska cha kupapika so ndi mukarengekedu kafya mu Mzimu Wakupaturika,

2 ŴaKorinte 1:3

Watumbikike Chiuta ndi Wiske wa Ambuyafwe Yesu Kristu, Wiske wa malisungu ndi Chiuta wasangarusku lose;

Yohane 6:44

Kuti yumoza waziŵa kuza kwaku ine cha, kwambura kuti Ada wo angundituma anguza: ndipo Ine ndimyuskenge mu zuŵa lakumariya.

Luka 18:13

Kweni wamsonkho yo, wakuma kutari, kuti wakhumbanga cha kuyinuskiya chingana ndi maso ghake kuchanya, kweni wapamanthanga chifuŵa chake, wakuti, ‘A Chiuta, mupepeskeke kwaku ine ndamulakwi!’

Chitenje 3:22

Chifundu cha Ambuya kuti chimera cha, malisungu ghawo kuti ghagota cha;

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Sumu 136:1

Wongani Ambuya, chifukwa mbamampha, chifukwa nchamuyaya chifundu chawo.

Sumu 119:60

Kwambura kuswera, nditinthimika kuvwiya malangulu ghinu.

Sumu 118:1

Wongani Ambuya, chifukwa mbamampha; chifukwa ncha muyaya chifundu chawo!

Sumu 111:4

Ambuya kuti akhumba cha kuti ifwe tiruwenge nchitu zawo zakuziziswa; mba wezi ndi lisungu Ambuya.

Sumu 107:1

Wongani Ambuya chifukwa mbamampha; chifukwa ncha muyaya chifundu chawo!

Sumu 106:8

Kweni ndipuuli wanguŵataska, nge ndimo wangupanganirana, mwakuti waŵarongo nthazi yake yikuru.

Sumu 106:1

Rumbani Ambuya! Wongani Ambuya chifukwa mbamampha, chifukwa chanju chawo chakufikapo ncha muyaya!

Sumu 103:13

Nge ndimo liliri lisungu la wiske pa ŵana ŵake, ndimo Ambuya achitiya lisungu pa ŵakuŵawopa.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Sumu 34:12

Njani munthu yo ngwakunweka umoyo, wakukhumba mazuŵa ghanandi, mwakuti wawone umampha?

1 Mikoka 16:34

Wongani Ambuya chifukwa mbamampha, chifukwa ncha muyaya chifundu chawo!

Marangu 4:31

Pakuti Ambuya Chiuta winu ndi Chiuta walisungu, kuti wakurekeninge cha, pamwenga kumupasuwani, pamwenga chingana nkhuruwa phanganu ndi auskemwe lenilo wanguŵarapiya.

Maŵerengedu 14:18

‘Ambuya mbakukunthiyapo ndi alisungu likuru, akugowoke kwananga ndi maphuru, kweni kuti akamlekanga waka cha pa nthowa ye yose wa mrandu, ndiwo ŵakulanga ŵana chifukwa cha kwananga kwa auskeu, mpaka ku migonezi wa chitatu ndi wa chinayi.’

Chituwa 34:6

Ambuya angudumuwa paurongo pake, ndi wangumemeza, “Ambuya, Ambuya, Chiuta wa lisungu ndi wa wezi, wachizita ku kukara, ndi wakuzara ndi chanju cha wezi ndi ukongorekwa,

ŴaRoma 9:18

Viyo na, mweniyo wakhumba wamchitiya lisungu, ndipo mweniyo wakhumba wangangamiska.

Yoswa 6:22

Sono Yoswa wangunena ndi ŵanthu ŵaŵi ŵa ŵangutumika kuskola charu, “Rutani mu nyumba ya mureŵi yo, mutuzgeni munthukazi ndi ŵake wose, nge ndimo mungumurapiya.”

2 Petro 2:7

ndipo wangumtaska Lote murunji yo, mweniyo wasuzgikanga ukongwa ndi kajaridu kaheni ka ŵachikana marangu wo,

Chiyambo 19:15

Penipo kunguŵa mlenji, mathenga ghangumuchichizga ghanguti, “Soka, to muwoli wako ndi ŵana ŵako ŵanthukazi ŵaŵi wo ŵe pano, vinu mungamezeka mu chilangu chamu msumba wo.”

Chituwa 34:7

wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

Marangu 5:15

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

Marangu 6:21

Ndipo imwe mukatinge ku ŵana ŵinu, ‘Tenga ŵaŵanda ŵaku Farao mu Egipiti, ndipo Ambuya angutituzga ndi janja lanthazi.

Marangu 7:8

Kweni nchifukwa chakuti Ambuya atumwanjani, ndipo asunga rapu lo angurapa ku auskemwe, ndimo Ambuya amutuzgiyani ndi janja lanthazi ndi kumuwomboni ku nyumba ya uŵanda, kutuwa mu janja laku Farao karonga wa Egipiti.

Sumu 32:10

Nganandi maurwirwi ku muheni; kweni chanju chikuru chitimuzingirizga yo ngwakugomekezga mu Ambuya.

Sumu 33:18

Awonani, jisu la Ambuya le pa ŵakumopa, paku ŵeniwo ŵagomezga mu chanju chawo chikuru,

Sumu 33:19

kuti ataske mzimu wawo mu nyifwa, ndi kuŵasunga ŵamoyo mu nyengo ya chilala.

Chiyambo 43:10

pakuti asani tengavi kuziulika mphanyi sono tikuweko kaŵi.”