Chiyambo 18:32 - Tonga Bible 1986

³² Viyo wanguti, “Ambuya areke kukaripa, ndipo nkharongoronga ichi kamoza pe. Nanga asani ŵamusanirikamo chumi.” Angwamuka, “Chifukwa chaku wo chumi kuti mdakuuparghang'a cha.”

Chiyambo 18:32 Referans Kwoze

Ŵeruzgi 6:39

Sono Gideoni wanguti kwaku Chiuta, “Mungazomerezga ukari winu kukole paku ine cha, kweni ndizomerezgeni kukwamba kamoza pe; ndiromba, ndizomerezgeni kwesa kamoza pe ndi weya wa mberere; ndiromba, kuti pamile pa weya wa mberere pe, kweni pose pasi panyake paŵe dungwi.”

Mateyu 7:7

“Pemphani, ndipo kupaskikenge kwaku imwe; lembeni, ndipo musaniyenge, gong'askani, ndipo kujurikiyenge imwe.

ŴaEfeso 3:20

Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu,

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Yesaya 65:8

Viyo atiti Ambuya: “Uli ndimo vinyo wasanirikiya mu khoroza, ndipo watiti, ‘Mungalinanga cha, pakuti mwe chitumbiku mukati mwake,’ viyo so ndikachitanga chifukwa cha mteŵeti wangu kuti ndi kaŵamaranga wose cha.

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Jobu 33:23

Asani wakamuŵiyangako mungelo, mwendapakati, yumoza waku wo chikwi, (1,000) wakukunene munthu cho nchakurunjika kwaku iyo;

Chituwa 32:14

Ndipo Ambuya angung'anamukako ku uheni wo angughanaghana kuchita kuŵanthu ŵawo.

Chiyambo 18:30

Viyo wanguti, “Ambuya areke kukaripa, ndipo ndirongoronge nawo. Nanga asani ŵamusanirikamo machumi ghatatu.” Angwamuka kuti, “Ndamuchita kanthu cha, asani ndamusaniyamo machumi ghatatu.”

Chiyambo 18:31

Wanguti, “Wonani ndajigangiya kurongoro ndi Ambuya. Nanga asani ŵamusanirikamo machumi ghaŵi.” Angwamuka, “Chifukwa chaku wo machumi ghaŵi, kuti mdakuuparghang'a cha.”

Chiyambo 44:18

Sono Yuda wanguza kwaku iyo, wanguti, “Mbuya wangu, ndipempha iwe kuti muteŵeti wako, wakambe mazu ghamoza ku makutu gha mbuya wangu, ndi ukari wako ureke kukole pa mteŵeti wako; pakuti we uli ndi Farao mweneko.

Yeremiya 5:1

Chimbiriyani uku ndi uku mu miseu ya Yerusalemu, lereskani ndi teskani! Penjani uku ndi uku mwenimo! Kuwona vinu mungasaniya munthu, mweniyo wachita cheruzgu chirunji ndi wapenja uneneska; alinga kuti ndimugowoke.