Chiyambo 18:25 - Tonga Bible 1986

²⁵ Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Chiyambo 18:25 Referans Kwoze

Jobu 8:3

Kumbi Chiuta wabendezga cheruzgu? Pamwenga kumbi Wanthazi zose wabendezga urunji?

Jobu 8:20

“Wona, Chiuta kuti wakakananga munthu murunji cha, pamwenga kuŵawovya ŵakuchita uheni.

Sumu 58:11

Ŵanthu ŵakatinge, “Nadidi yiriko mphoto ya wakurunjika; kwakuneneska Chiuta waliko yo wateruzga pa charu.”

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Sumu 94:2

Ndimwe mweruzgi wa ŵanthu wose, Yukani, paskani ku ŵakujikuzga cho nchakuŵenere!

2 ŴaKorinte 5:10

Pakuti tose tikawonekanga paurongo pa chitengu chakweruzgiyapo chaku Kristu; kuti yose waronde vyapa liŵavu, kwakulingana ndi vyo wachita, pamwe vyamampha, pamwe viheni.

Malaki 3:18

Viyo so mwamupatuwa murunji ku muheni, wakuteŵete Chiuta ndi yo wareka kumuteŵete.

Sumu 98:9

chifukwa atuza kuzacheruzga charu chapasi. Ŵeruzgenge charu mu urunji, ndi makhamu mu kunyoroka.

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Wakutaula 7:15

Ine ndawona vinthu vyose mu umoyo wangu waŵaka; walipo munthu murunji yo wafwiya mu urunji wake, ndipo walipo munthu muheni yo wajaririya mu umoyo wake mu nchitu zake ziheni.

ŴaHebere 12:23

ku ungano ndi ekleziya la ŵakupapika danga ŵakulembeka kuchanya, ndi kwaku Chiuta, mweruzgi waku wose, ndi ku ŵazimu ŵa ŵarunji ŵakufiskika,

Chiyambo 18:24

Nanga asani ŵalimo machumi ghankhonde ŵarunji mu msumba wo, kumbi muparghang'enge mbwenu malo gho, kuti mukagherekanga cha chifukwa cha ŵarunji wo machumi ghankhonde ŵe mwenimo?

Marangu 1:16

Ndipo ndingulanguliya ŵeruzgi pa nyengo yiya kuti, ‘Vwani mirandu ya ŵabali ŵinu, ndi yeruzgani kwakurunjika pakati pa munthu ndi mbali wake pamwenga ndi mlendo yo we nayo.

Marangu 1:17

Mungalereskanga chisku cha munthu, muvwe mumana kwakulingana ndi mura. Mungopanga chisku cha munthu, chifukwa kweruzga nkhwaku Chiuta. Kweni asani mrandu ngunonono kwaku imwe, zani nawo kwangu, Ine ndazakuwuvwa.’

Ŵeruzgi 11:27

Chifukwa cho ine ndilivi kukulakwiya, kweni iwe utindilakwiya pakuchita nane nkhondo: Ambuya, mweruzgi, yeruzgani msana wale pakati pa ŵaYisraele ndi Amoni.”

2 Mikoka 19:7

Viyo chofyu cha pa Ambuya chiŵe paku imwe chenjeni pakucho muchita, chifukwa Ambuya Chiuta widu kuti wakarekeriyanga cheruzgu chakubende cha, kuchita sankhu pamwenga kuronde vinda.”

Nehemiya 9:33

Imwe mwaŵa ŵakongolekwa mwaku cho chatiziya ifwe, pakuti imwe mwachita kwamagomekezgeka ndipo ifwe tachita kwakunanga;

Jobu 34:10

“Chifukwa ichi, mundivwe, imwe mwa ŵanthu ŵavinjeru, chiŵe kutali ndi Chiuta kuti iyo wachiti ubendezi, ndipo chiŵe kutali ndi Wanthazizose kuti wabudi.

Wakutaula 3:17

Ndingunena mu mtima wangu, Chiuta wakeruzganga ŵarunji ndi ŵaheni, pakuti wamika nyengo pa kafukwa ke kose, ndi pa nchitu ye yose.

Yeremiya 11:20

Kweni, Ambuya mwe, ŵa maŵanja, imwe muteruzga mu urunji; imwe mutesa mtima ndi mzimu; ndiwoneskeni thayu linu paku iwo, pakuti ndapereka kwinu mlando wangu.

Ezekiele 18:25

“Ndipuuli imwe mutiti, ‘Nthowa ya Ambuya kuti njaurunji cha.’ Avwani sono, nyumba yaku Yisraele mwe: Kumbi nthowa yangu kuti njakurunjika cha? Kumbi asi nthowa zinu ndizo ziheni?

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”

1 Mikoka 16:33

Penipo miti yikuru yimbenge ndi kukondwa paurongo pa Ambuya chifukwa atuza kweruzga charu.

Jobu 34:12

Nadi, Chiuta kuti wakananganga cha, ndipo Wanthazizose kuti wabendezgenge cheruzgu cha.

Sumu 7:12

Asani munthu wareka kung'anamuka, Chiuta wakanoranga lipanga lake; wapinda uta wake ndi kuwutweŵa.

Sumu 50:6

Machanya ghataula urunji wake, pakuti Chiuta mweneko ndimweruzgi!

Sumu 75:3

Nanga charu ndi vyose vyakujamo vimbininika, ine ndikakhozganga viŵanja vyake.”