Chiyambo 18:20 - Tonga Bible 1986

²⁰ Viyo Ambuya anguti, “Chifukwa chakuti nkhuta pa Sodomu ndi Gomora njikuru, ndipo mphurupuru yawo njizitu ukongwa,

Chiyambo 18:20 Referans Kwoze

Chiyambo 19:13

pakuti te pafupi kuparghang'a malo yagha, chifukwa nkhuta yapa ŵanthu ŵake yaŵa yikuru paurongo pa Ambuya, ndipo Ambuya atituma ifwe kuzachighaparghang'a.”

Yesaya 3:9

Ŵakaboni ŵawo ŵatesi ŵachita ukaboni paku wo, ŵamemeza uheni wawo nge ndi Sodomu, kuti ŵatiwubisa cha. Owe kwaku iwo! Pakuti ŵajitole uheni pa ŵeneko.

Chiyambo 13:13

Sono ŵanthu ŵamu Sodomu ŵenga ŵaheni, ŵakulakwiya Ambuya weni ukongwa.

Chiyambo 4:10

Ndipo Ambuya anguti, “Nchine cho wachita? Mazu gha ndopa za mhurwa wako ghatindiliriya kutuwa ku nyata.

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

Chiyambo 19:4

Kweni ghenga ghandagone pasi, ŵanthu ŵamu msumba uwa, ŵanthu ŵamu Sodomu, ŵamanandi ŵara viyo, ŵanthu wose kufika mpaka ku wakumariya ŵanguzinga nyumba;

Yeremiya 23:14

Ndipo mu ŵamchimi ŵa Yerusalemu ndawonamo chinthu chakofya: ŵachita ureŵi ndipo ŵatenda mu mautesi; ŵalimbiska manja gha ŵakuchita uheni, viyo kuti palivi yumoza yo waweko ku mautimbanizi ghake; wose ŵaŵa nge ndi Sodomu ndipo ŵakujamo ŵake nge ndi Gomora.”

Ezekiele 16:46

Ndipo muku wako mura ndi muSamaria, yo wajanga ndi ŵana ŵake ŵanthukazi kuchiri ku nkhonde; muhurwa wako, yo wajanga kuchiri ku malaŵi, ndi ŵana ŵake ŵanthukazi ndi muSodomu.

Yoele 3:13

Serezgani chisenga, chifukwa vuna yafya. Sereni, ndi pondani, chifukwa chakupondiyamo mphereska chazaza. Vyakuŵikamo vifwapuka chifukwa uheni wawo ngukuru.

Yona 1:2

“Soka, ruta ku Nineve, msumba ukuru, ndi ukadanirizge ku ususka, pakuti uheni wawo wakwere paurongo pangu.”

Chiyambo 6:12

Ndipo Chiuta wanguwona charu kuti chenga chakuwo; pakuti ŵamoyo wose ŵanguwozga nthowa zawo pa charu.