Chiyambo 18:19 - Tonga Bible 1986

¹⁹ Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

Chiyambo 18:19 Referans Kwoze

2 Timote 3:15

ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu.

ŴaEfeso 6:4

Ndipo mwaŵauskeu, mungakaralizga ŵana ŵinu cha, kweni muŵalere mu kulanga ndi kuchichizga kwa Mbuya.

2 Timote 2:19

kweni chiŵanja cho chakurama chaku Chiuta chituma gwa, pakuŵa ndi chiŵali chenichi, “Waŵaziŵa Mbuya ŵeniwo mbake”: ndi “Wagaukeko ku uwura-urunji yose wakutamula zina lo la Ambuya.”

1 Timote 3:12

Ŵateŵeti ŵakaŵanga ŵarumi ŵa munthukazi yumoza, ŵakweruzga kweneko ŵana ndi nyumba zaku ŵija.

Nthanthi 22:6

Sambizga mwana mu nthowa yeniyo watenere kwendamo, ndipo pa waŵa mura kuti wapatukengemo cha mwaku yo.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

Marangu 32:46

wanguti kwaku wo, “Sungani mu mtima mazu ghose gho nditumulanguliyani msana wale, alinga kuti mughalanguliyenge ku ŵana ŵinu, kuti ŵaghaphwerenge, ndi kughachita mazu ghose gha dangu ili.

Sumu 34:15

Maso gha Ambuya ghe pa ŵakurunjika, ndi makutu ghawo ku nkhuta yawo.

Sumu 11:4

Ambuya ŵemu nyumba yawo yakupaturika, chitengu cha Ambuya che mu machanya; maso ghawo ghalereska, vikope vyawo vitesa ŵana ŵa ŵanthu.

Jobu 1:5

Ndipo ghanguti ghamara mazuŵa gha dghera, Jobu wanguziŵiriya kutuma ndi kuŵapatuwa mukuŵatoweska, wayukanga ndi mlenjilenje kwachipereka sembe zakocha kwakuyana ndi unandi wawo, pakuti Jobu wanguti, “Vinu ŵana ŵangu ŵananga ndi kutemba Chiuta mu mitima yawo.” Viyo ndimo Jobu wanguchitiya mazuŵa ghose.

2 Timote 1:5

Ndichikumbuka chivwanu chamwako chamburafuzi, chenicho chinguja danga mu ambuyako Loisi, ndi mu anyoko Enike, ndipo ndiziŵa kuti che mwako so.

Machitidu gha Ŵakutumika 27:31

Paulo wangumunene kenturione ndi ŵankhondo, “Kwambura kuti ŵaja mu ngaraŵa yaŵa, kuti muziŵenge imwe kutaskika cha.”

Yohane 10:14

Ine ndine mliska mweneko.

Yesaya 38:19

Wamoyo, wamoyo, ndiyo wawonga imwe uli ndimo ndichitiya ine msana wale; wiske waziŵiska ku ŵana uneneska winu.

Sumu 1:6

pakuti Ambuya aziŵa nthowa ya ŵakurunjika kweni nthowa ya ŵaheni yisoŵenge.

2 Samuele 7:20

Ndipo kajako so nkhane ko Davidi wangarongoro kwinu? Pakuti imwe muziŵa ndi mteŵeti winu, A, Ambuya Chiuta!

Yohane 21:17

Wanena nayo so kachitatu, “Simoni, mwana waku Yohane kumbi utindanja ine?” Petro wanguvwa chisungu, chifukwa wanena nayo kachitatu yaka, “Utindanja ine?” Wangunena nayo, “Ambuya imwe muziŵa vyose; muziŵa nadi kuti nditanja imwe.” Yesu wamnene, “Liska mberere zangu.

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chiyambo 12:3

Ndikatumbikanga wo ŵatukutumbika, ndipo yo wakutemba iwe ndikamutembanga; ndipo mwaku iwe mbumba zose zamu charu zikatumbikikanga.”

Chiyambo 17:9

Ndipo Chiuta wanguti kwaku Abrahamu, “Kweni iwe, ukasunganga phanganu langu, iwe ndi phapu zako za pavuli mu migonezi yawo yose.

Chiyambo 22:18

Ndipo mu mphapu yako mitundu yose ya charu chapasi yitumbikikenge chifukwe wavwiya mazu ghangu.”

Chiyambo 35:2

Viyo Yakobe wanguti ku ŵamu nyumba yake ndi kwaku wose ŵeniwo ŵenga nayo, “Tayani ŵachiuta ŵalendo wo ŵe mukati mwinu, ndipo mujiphoto, ndipo musinthe vyakuvwala vinu;

2 Samuele 22:22

Pakuti ndasunga nthowa za Ambuya, ndi kuti ndachita uheni kutuwako kwaku Chiuta wangu cha.

Nehemiya 9:7

Ndimwe mwe Ambuya, Chiuta mweniyo wangusankha Abramu, ndi wangumutuzga mu Uru wa ŵaKaldiya ndi kumupaska zina laku Abrahamu,

ŴaLevi 14:42

sono wakatonga mya yinyake kuyiŵika mu malo gha mya yo ŵatuzgamo, ŵato dongo linyake ndi kukuluŵa nyumba yo.

Ŵeruzgi 13:12

Manowa wanguti, “Sono asani mazu ghako ghaneneska, na kajalidu ka umoyo wa mwana kakaŵanga kakutinji, ndipo nanga wakachitanganji?”

2 Mikoka 14:3

Wangubwanganduwa majochero gha ŵachiuta ŵambura kuziŵikwa, ndi malo gha pachanya, ndipo wanguswa vyangoza ndi kudumuliya pasi Ashera;

Mateyu 25:17

Kwakulingana nako yo wa ghaŵi wangwanduwa ghanyake ghaŵi.