Chiyambo 18:14 - Tonga Bible 1986

¹⁴ Pa nyengo yo ndanena ndikawerenga kwako, mu nyengo ya liwondwe, ndipo Sara wakaŵanga ndi mwana munthurumi.”

Chiyambo 18:14 Referans Kwoze

Luka 1:37

Pakuti kwaku Chiuta kuŵengevi nkhani yose yizirathazi.”

Mateyu 19:26

Kweni Yesu pakuŵalereska wanguti, “Ku ŵanthu kuti nchamachitika cha ichi, kweni kwaku Chiuta vyose vyamachitika.”

Marko 10:27

Yesu, pakuŵalereska, wanguti, “Kuchiri ku ŵanthu nkhwambura machitika, kweni kwaku Chiuta cha: chifukwa vyose vyamachitika kuchiri kwaku Chiuta.”

Yeremiya 32:27

“Ehe, ndine Ambuya, Chiuta wa vinthu vyose; kumbi kalipo kanthu ko nkhanonono kwangu?

ŴaEfeso 3:20

Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu,

Jobu 42:2

“Ndiziŵa kuti muziŵa kuchita vinthu vyose, ndipo palivi kuti ghanaghano linu lingakanizgika.

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

Yeremiya 32:17

‘Owe Ambuya Chiuta! Ndimwe mukwata machanya ndi charu chapasi ndi nthazi yinu yikuru ndi janja linu lakutambaruka! Palivi cho nchinonono kwaku imwe.

ŴaRoma 4:21

ndiwakukhorwa kuti cho wangupangana wenga so wanthazi kwachichita.

Maŵerengedu 11:23

Ndipo Ambuya anguti kwaku Mosese, “Kumbi janja la Ambuya ndakufupiskika? Ukawonanga sono vinu mazu ghangu ghakakufiskikiyanga pamwenga awa.”

2 ŴaKaronga 4:16

Ndipo wanguti, “Pa nyengo nge ndi yeniyino, asani yakapo nyengo, ukakorezenga mwana munthurumi.” Iyo wanguti, “Ŵa munthu waku Chiuta we, reka kukamba utesi ku mteŵeti wako munthukazi.”

Marangu 7:21

Mungaŵawopanga pakuti Ambuya Chiuta winu we mukati mwinu, Chiuta wanthazi ndi wakofya.

Mateyu 14:31

Kweni sosonukweni Yesu, wakutambaruwa janja lake, wangumuko, ndipo watiti kwaku iyo, “Wa chivwanu chimana we, chifukwa chine ukangang'a.”

Zekariya 8:6

Viyo ndimo anene Ambuya ŵa maŵanja: Asani kuŵenge kwakuziziswa mu maso gha ŵakujako ŵamtundu uwu mu mazuŵa yagha, kumbi kuŵenge kwakuziziswa mu maso ghangu atiti Ambuya ŵa maŵanja?

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Sumu 95:3

Pakuti Ambuya ndi Chiuta mukuru, ndi karonga wanthazi pa ŵachiuta wose.

Marangu 30:3

penipo Ambuya Chiuta winu wakamuwezgiyaninga mwaŵi winu, wakamufwiyaninga lisungu, ndipo wakamuwunjikaninga so pamoza kutuwa ku ŵanthu wose kweniko Ambuya Chiuta winu wakuparghang'iyani.

Chiyambo 18:10

Ambuya anguti, “Ndazamuwere kwaku iwe pa nyengo ya liwondwe, ndipo Sara muwoli wako wakaŵanga ndi mwana munthurumi.” Ndipo Sara wategherezganga pa khomo la hema ku msana kwake.

Luka 1:13

Kweni mungelo yo wanguti kwaku iyo, “Ungopanga, Zekariya, chifukwa likuvwika niniziku lako, ndipo muwoli wako Elizabeti wakupapiyenge mwana munthurumi, ndipo udanenge zina lake Yohane.

Jobu 36:5

“Wonani, Chiuta ngwanthazi ndipo kuti wayuywa yumoza cha; ngwakuruska mu nthazi za vinjeru.

Chiyambo 17:21

Kweni nkhakhozganga phanganu langu ndi Yisaki mweniyo Sara wakakupapiyanga pa nyengo nge ndi yino chirimika cha mawa.”

ŴaHebere 11:19

Pakuti wangupima kuti Chiuta wenga wanthazi kumyuska, chingana nkhu ŵakufwa; kutuwa kweniko nako wangumronde mu ntharika.

Luka 8:50

Mweni wachivwa Yesu, wangumwamuka, “Ungopanga: vwanangaŵaka, wachizgikenge.”

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

ŴaFilipi 3:21

mweniyo wamsanduska liŵavu lidu la kuyuyulika kuti lilinganizgike ndi liŵavu la unkhankhu wake, kwakuyana ndi nthazi yo ye mwaku iyo yeniyo so wathereskiyenge vinthu vyose kwaku iyo mweneko.

Luka 1:18

Ndipo wanguti Zekeriya ku mungelo yo, “Ndi chine ndiziŵiyenge chenichi? Pakuti ine nde mura, ndi muwoli wangu ngwakugonera mu mazuŵa ghake.”

Mateyu 3:9

ndipo mungapimanga cha kunena mwaku mwaŵeni, ‘Uskefwe te nayo Abrahamu,’ chifukwa ndikuneniyani kuti ngwanthazi Chiuta ku mya yeniyi kumyuskiya Abrahamu ŵana.

Sumu 93:1

Ambuya ausa, avwara unkhankhu, akuvwara ndi kujichinyiriya ndi nthazi. Inya, charu nacho chikukhozgeka; ndipo kuti chikasukunikanga cha;

Sumu 90:13

Mpaka zuŵanji? Weni, Ambuya mwe! Chitiyani lisungu ŵateŵeti ŵinu.

Chiyambo 18:13

Ambuya anguti kwaku Abrahamu, “Chifukwa chine waseka Sara ndi kunena kuti, ‘Ndingapapadi mwana ine, sono penipo nde khongwe?’ Kumbi chilipo cho nchinonono ku Ambuya?

Chiyambo 18:15

Kweni Sara wangupandira wanguti, “Ndengavi kuseka,” pakuti wangopa. Iyo wanguti, “Awa, kweni unguseka.”

Chiyambo 21:1

Ambuya anguchezga ndi Sara, uli ndimo angunene; ndipo Ambuya angumuchitiya Sara uli ndimo angupanganiya.

Chiyambo 21:2

Ndipo Sara wanguzuwuka ndi wangupapiya Abrahamu mwana munthurumi mu ukhongwe wake pa nyengo yeniyo Chiuta wangukambiya nayo.

Yesaya 50:2

Chifukwa chine, penipo ndinguza, pengavi munthu? Po ndadananga pengavi wakwamuka? Kumbi janja langu likufupiskika, kuti litondeka kuwombo? Pamwenga kumbi ndilivi nthazi za kutaskiya? Ehe, ndi kuchenya kwangu ndimizga nyanja, misinji ndiyisanduska bozwa; somba zawo zinunkha chifukwa chakuwura maji, ndipo zitufwa chiparantha.

Danyele 6:20

Penipo wangufika pafupi ndi zenje mwenimo wanguŵa Danyele wangudanirizga ndi mazu ghachitima, ndi wanguti kwaku Danyele, “Danyele wamteŵeti waku Chiuta wamoyo, kumbi Chiuta wako yo uteŵete mazuŵa ghose wakutaska ku nkharamu?”

Chiyambo 17:16

Ndipo ndikamutumbikanga, ndipo so ndikakupaskanga mwana munthurumi mwaku iyo, ndikamutumbikanga ndipo wakaŵanga nyina wa mitundu; ŵakaronga ŵa makhamu ŵakatuwanga mwake.”

Ŵeruzgi 13:3

Ndipo mungelo wa Ambuya wanguwoneka ku munthukazi wanguti kwaku yo, “Ehe, we chumba ndipo ulivi ŵana, kweni ukaŵanga ndi nthumbo, ukapapanga mwana munthurumi.