Chiyambo 18:10 - Tonga Bible 1986

¹⁰ Ambuya anguti, “Ndazamuwere kwaku iwe pa nyengo ya liwondwe, ndipo Sara muwoli wako wakaŵanga ndi mwana munthurumi.” Ndipo Sara wategherezganga pa khomo la hema ku msana kwake.

Chiyambo 18:10 Referans Kwoze

Chiyambo 21:2

Ndipo Sara wanguzuwuka ndi wangupapiya Abrahamu mwana munthurumi mu ukhongwe wake pa nyengo yeniyo Chiuta wangukambiya nayo.

Chiyambo 17:21

Kweni nkhakhozganga phanganu langu ndi Yisaki mweniyo Sara wakakupapiyanga pa nyengo nge ndi yino chirimika cha mawa.”

Chiyambo 17:19

Chiuta wanguti, “Viyo cha; kweni Sara muwoli wako wakakupapiyanga mwana munthurumi, ndipo undanenge zina lake Yisaki. Ndikakhozganga phanganu langu ndi iyo nge ndi phanganu la muyaya ku mphapu zake za pavuli pake.

Chiyambo 17:16

Ndipo ndikamutumbikanga, ndipo so ndikakupaskanga mwana munthurumi mwaku iyo, ndikamutumbikanga ndipo wakaŵanga nyina wa mitundu; ŵakaronga ŵa makhamu ŵakatuwanga mwake.”

ŴaGalatia 4:28

Kweni imwe, mwaŵabali, mwe ŵana ŵa chipanganu, kwakulingana ndi Yisaki.

ŴaGalatia 4:23

Kweni yo wa ku muŵanda-munthukazi wangupapika kwakulingana ndi liŵavu; kweni waku mwanangwa yo wangupapikiya mu chipanganu.

Luka 1:13

Kweni mungelo yo wanguti kwaku iyo, “Ungopanga, Zekariya, chifukwa likuvwika niniziku lako, ndipo muwoli wako Elizabeti wakupapiyenge mwana munthurumi, ndipo udanenge zina lake Yohane.

Chiyambo 16:10

Mungelo wa Ambuya wanguti so kwaku iyo, “Ndikandaniskanga ukongwa limu mphapu zako zo zikaŵanga zambura kuŵerengeka”.

Chiyambo 18:9

Ŵanguti kwaku iyo, “We pani Sara muwoli wako?” Iyo wanguti, “Wemu hema.”

Chiyambo 21:1

Ambuya anguchezga ndi Sara, uli ndimo angunene; ndipo Ambuya angumuchitiya Sara uli ndimo angupanganiya.