Chiyambo 17:23 - Tonga Bible 1986

²³ Sono Abrahamu wanguto Yishumaele mwana wake ndi ŵaŵanda wose ŵakupapika mu nyumba yake pamwenga ŵakugulika ndi ndrama zake, munthurumi we yose mu ŵanthurumi ŵamu nyumba yaku Abrahamu, ndipo wanguchinjiya nyama yawo ya khungu la kusongo zuŵa leniliya uli ndimo Chiuta wanguŵanene.

Chiyambo 17:23 Referans Kwoze

Nthanthi 27:1

Reka kujikuzgiya la mawa, pakuti uziŵa cha mwenimo likaŵiyanga.

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

Sumu 119:60

Kwambura kuswera, nditinthimika kuvwiya malangulu ghinu.

Chiyambo 34:24

Ndipo wose ŵeniwo ŵangutuliya kubwalo pa likomo la msumba wake ŵangutegherezga kwaku Hamoro ndi mwana wake Shekemu; ndipo munthurumi yose wanguchinjika, wose ŵeniwo ŵangutuliya kubwalo pa likomo la msumba wuwa.

Chiyambo 18:19

Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

ŴaGalatia 6:15

Chifukwa chingana ndi mchinju kuti nkhanthu cha, chingana nkhuwura-mchinju, kweni chilengeka chifya.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

Machitidu gha Ŵakutumika 16:3

Iyo Paulo wangukhumba kuka nayo; ndipo wati wamto wangumchinjiya pa chifukwa cha ŵaYuda ŵakuŵa mumalo gha: chifukwa ŵanguziŵa wose kuti wiske wenga muGriki.

Chiyambo 14:14

Penipo Abramu wanguvwa kuti mbali wake wakoreka umkoli, wangulongozge kweniko ŵanthu ŵake ŵankhondo, wo ŵakuwiya mu nyumba yake, wo ŵenga machumi pe ghatatu pachanya chumi limoza ndi ŵankhonde ndi ŵatatu (318), ndipo ŵanguruta kundondoloska mpaka ku Dani.

Chiyambo 17:9

Ndipo Chiuta wanguti kwaku Abrahamu, “Kweni iwe, ukasunganga phanganu langu, iwe ndi phapu zako za pavuli mu migonezi yawo yose.