Chiyambo 17:17 - Tonga Bible 1986

¹⁷ Sono Abrahamu wangusindama chisku ndi wanguseka, ndi wanguti kwaku iyo yija, “Kumbi mwana wakapapikanga ndi munthu mweniyo pa ura wake wendi virimika machumi pe chumi (100)? Kumbi Sara mweniyo wendi virimika machumi ghankhonde ndi ghanayi (90) wangapapa mwana?”

Chiyambo 17:17 Referans Kwoze

Chivumbuzi 11:16

Ndipo ŵara wo machumi ghaŵi ndi ŵanayi, wo ŵaja pa vitengu-vyaufumu vyawo paurongo paku Chiuta, ŵanguwa kavunama, ŵangumlambiya Chiuta ŵakuti,

Yohane 8:56

Abrahamu, auskwemwe, wangukondwere kuliwona zuŵa langu; wanguliwona, ndipo wangusekere.”

Chiyambo 21:6

Ndipo Sara wanguti, “Chiuta wandichitiya kusekeka; munthu yose mweniyo wakavwanga wakasekenga ine.”

Chiyambo 18:12

Viyo Sara wanguseka mu mtima pe, wanguti, “Sono po ndakota, ndi mrumi wangu nayo wakota, ndiŵenge so ndi kukondwa?”

Chiyambo 17:3

Sono Abramu wanguwa pasi kavunama; ndipo Chiuta wanguti kwaku iyo,

Ezekiele 1:28

Nge nkhawonekero ka chiŵinga-vuwa mu mtambo pa zuŵa la vuwa, ndimo ukweru wakuzunguliya pa unguwoneke. Agha ndigho ghenga mawonekero gha chikozgu cha unkhankhu wa Ambuya. Po ndinguchiwona ichi, ndinguwa kavunama, ndipo ndinguvwa mazu gha yumoza kurongoro.

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).

Jobu 1:20

Penipo Jobu wangusoka ndi wanguparuwa munjirira wake ndi wangumeta sisi la mutu wake, ndi kuwa pasi ndi kuromba,

Danyele 8:17

Viyo wanguza kufupi ko ndinguma; ndipo wanguti waza, ndingutenthema ndi ndinguwa kavunama. Kweni wanguti kwaku ine, “Ziŵa, wamwana wa munthu, kuti chiwona chikamba ndi nyengo ya umari.”

1 Mikoka 21:16

Davidi wanguyunuska maso ghake ndi wanguwona mungelo wa Ambuya wakuma pakati pa charu ndi machanya we ndi lipanga lakuwewepuka pachanya pa Yerusalemu, Viyo Davidi ndi ŵaraŵara ŵaku Yisraele ŵakuvwara vigudulu ŵanguwa kavunama.

Ŵeruzgi 13:20

Ndipo po mlipu ungukwera kurata kuchanya kutuwa pa jochero, mungelo wa Ambuya wangukwera mu mlipu wa jochero Manowa ndi muwoli wake ŵachilereska; ndipo ŵanguwa pasi kavunama.

Yoswa 7:6

Sono Yoswa wanguparuwa vyakuvwara vyake, ndipo wanguwa pasi kavunama paurongo pa bokosi la Ambuya mpaka mazulo iyo pamoza ndi ŵaraŵara ŵa ŵaYisraele; ndipo ŵangujidiya fuvu ku mitu yawo.

Yoswa 5:14

Iyo wanguti, “Awa, kweni nde wakulamula wankhondo wa Ambuya ndimu ndaziya.” Ndipo Yoswa wanguwa pasi kavunama, wangusopa, ndipo wangunena nayo, “Nchine cho mbuya walanguliya mteŵeti wake?”

Marangu 9:25

“Viyo ndinguwa pasi pa nthazi pa Ambuya kwa mazuŵa machumi ghanayi (40) ndi mausiku machumi ghanayi (40), chifukwa Ambuya atinge amupasuweni.

Marangu 9:18

Ndipo ndinguwa pasi pa nthazi pa Ambuya nge mphakudanga, mazuŵa machumi ghanayi chingana nkhumwa maji, chifukwa cha kwananga kwenu, pakuchita uheni pa maso pa Ambuya, kuŵakwiyiska.

Maŵerengedu 16:45

“Tuwani mukati mu wumba uwa, alinga kuti ndiŵamare wose.” Ndipo anguwa kavunama.

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”

Maŵerengedu 14:5

Viyo Mosese ndi Aroni ŵanguwa kavunama pa maso pa wumba wose wa ŵaYisraele.

ŴaLevi 9:24

Ndipo moto unguburika kutuwa paurongo pa Ambuya ungocha mpasku wakocha ndi mafuta gho ghenga pa jochero; ndipo penipo ŵanthu wose ŵanguwuwona, ŵangukambura, ndi ŵanguwa pasi kavunama.

Mateyu 2:11

Wangusere mu nyumba, ndipo ŵanguwona mwana ndi Mariya anyina; ndipo ŵakuwa pasi ŵangumlambiya. Ndipo ŵati ŵabanuwa mbiku zawo; ŵangupaska mipasku, golide, libane, ndi muro.

Luka 1:18

Ndipo wanguti Zekeriya ku mungelo yo, “Ndi chine ndiziŵiyenge chenichi? Pakuti ine nde mura, ndi muwoli wangu ngwakugonera mu mazuŵa ghake.”

Chiyambo 17:18

Ndipo Abrahamu wanguti kwaku Chiuta, “Yishumaele mphanyi wanguŵa wamoyo mu maso ghinu.”

Chiyambo 18:11

Kweni Abrahamu ndi Sara ŵangukota, ŵa virimika vinandi; Sara kungumumariya kuŵa nge ndimo ŵachitiya ŵanthukazi.

Chiyambo 21:5

Abrahamu wenga wa virimika machumi pe chumi (100) pa nyengo yo mwana wake Yisaki wangupapikiya kwaku iyo.

Chiyambo 21:7

Ndipo iyo wanguti, “Njani wanguziŵa kukamba kwaku Abrahamu kuti Sara wanguwonkheska ŵana? Kweni ndamupapiya mwana muthurumi mu unkhongwe wake.”