Chiyambo 17:13 - Tonga Bible 1986

¹³ pamwenga wakugulika ndi ndrama zinu ku mlendo we yose yo kuti ngwa mphapu yinu cha; munthu wakupapika mu nyumba yinu ndi so munthu wakugulika ndi ndrama zinu, wakachinjikanga. Viyophanganu langu likaŵanga la muyuya mu nyama yinu.

Chiyambo 17:13 Referans Kwoze

Chituwa 12:44

kweni muŵanda yose yo wagulika ndi ndrama warghengepo, pavuli mutakuti mwamuchinja.

Nehemiya 5:8

ndipo ndinguti kwaku wo, “Ifwe uli ndi penipo taŵiya ndi mwaŵi, tawezga ŵabali ŵidu ŵaYuda wo ŵanguguliskika ku mitundu kweni imwe so musaska ŵabali ŵinu kuti ŵaguliskike kwaku ifwe.” Ŵanguja chisisi, ŵengavi kuwona kakukambapo.

Chiyambo 37:36

Pa nyengo iyi ndipo ŵaMidiani ŵamuguliska kale mu Egipiti kwaku Potifara, nduna yaku Farao, yo wenga nduna ya ŵakulonda.

Mateyu 18:25

Kweni pakuŵavi kakulipiyapo, mbuyake wangulangula kuti wasaskike iyo, ndi muwoli wake ndi ŵana, ndi vyose vyo wenga navyo mwakuti walipiyepo.

Nehemiya 5:5

Sono nyama ya maliŵavu ghidu yikozgana ndi ya ŵabali ŵidu, ŵana ŵidu ŵakozgana ndi ŵana ŵawo, kweni tichichizga ŵana ŵidu ŵanthurumi ndi ŵanthukazi kuŵasanduska ŵaŵanda, ndipo ŵana ŵidu ŵanthukazi ŵemu uŵanda kale; kweni kuti mazaza ngidu cha kutuzgapo ichi, pakuti minda yidu ndi minda ya mphereska vyemu manja gha ŵanthu ŵanyake.”

Chituwa 21:16

“We yose wakuba munthu, manyi watimuguliska pamwenga wasanirika ndi iyo, wabayikenge.

Chituwa 21:4

Asani mbuyake wakampaskanga munthukazi kuto ndipo wamubaliya ŵana ŵanthurumi pamwenga ŵanthukazi muwoli ndi ŵana ŵakaŵanga ŵambuyake ndipo iyo wakarutanga yija.

Chituwa 21:2

Asani mugula muŵanda wachiHebere, wakatatanga kwa virimika vinkhonde ndi chimoza ndipo pa chachinkhonde ndi chiŵi wakarutanga mu wanangwa, kwambura kurondapo kanthu.

Chiyambo 39:1

Sono Yosefe wangutoreke ku Egipiti, ndipo Potifara nduna yaku Farao, wakulanguliya ŵalonda, mu Egipiti, wangumugula ku ŵaYishumaele wo ŵanguza nayo kuwa.

Chiyambo 37:27

Zaninga tiyeni timuguliske ku ŵaYishumaele ndipo tireke kumusoske manja ghidu, pakuti ndi mwana munyidu, nyama yaku taŵeni.” Ndipo ŵana ŵanyake ŵangumuvwiya.

Chiyambo 15:3

Ndipo Abramu wanguti, “Ehe, mulivi kundipaska mphapu; ndipo muŵanda wakuwiya mu nyumba yangu wakaŵanga muhari wangu.”

Chiyambo 14:14

Penipo Abramu wanguvwa kuti mbali wake wakoreka umkoli, wangulongozge kweniko ŵanthu ŵake ŵankhondo, wo ŵakuwiya mu nyumba yake, wo ŵenga machumi pe ghatatu pachanya chumi limoza ndi ŵankhonde ndi ŵatatu (318), ndipo ŵanguruta kundondoloska mpaka ku Dani.

Chiyambo 9:16

Panipo chiŵingavuwa chemu mitambo, ndichilereskenge ndi nkhakumbukanga phanganu la muyaya pakati paku Chiuta ndi vyose vyo vye pa charu.”

Chiyambo 17:7

Ndipo ndiŵikenge phanganu langu pakati pangu ndi iwe, ndi mphapu zako za pavuli pako mu migonezi yose kuŵa phanganu la muyaya kuti ndikaŵanga Chiuta kwako ndi ku mphapu zako za pavuli pako.

ŴaLevi 22:11

kweni asani mzukuru wagula muŵanda kuŵa wake, ndi ndrama zake, muŵanda yo wangaziŵa kurghapo cho, ndipo wo ŵapapika mu nyumba yake ŵangarghapo kurgha kwake.