Chiyambo 16:6 - Tonga Bible 1986

⁶ Kweni Abramu wanguti kwaku Sarai, “Ehe, muŵanda munthukazi wako wemu nthazi yako; uchite nayo chenicho ungakhumba iwe.” Sono Sarai wangumusuzga ndipo wanguthaŵa kwaku iyo.

Chiyambo 16:6 Referans Kwoze

Yeremiya 38:5

Karonga Zedekiya wanguti, “Ehe, wemu manja ghinu; pakuti karonga kuti wangachitapu kanthu cha kakumikana namwe.”

1 Petro 3:7

Viyo so, mwaŵanthurumi, jariyani nawo pamoza uli ndi mziŵiru, ndipo mugaŵiye munthukazi ulemu, uli nkhu chiyaŵi chakutomboroka, uli so nkhwaku wo mbakuhariya pamoza wezi wa umoyo; viyo kuti ghangaswereskeka cha marombu ghinu.

Wakutaula 10:4

Asani ukari wa wakuwusa wakuyukiya ureke kusiya malo ghako, pakuti kujiŵika pasi kupembuzga mphambanu yikuru.

Nthanthi 29:19

Ndi mazu ghanandi mteŵeti kuti walangika cha, pakuti chingana wawamo kuti waphwerengeko cha.

Nthanthi 27:8

Mwenimo kalandiya kayuni kutuwa ku chizimbu chake ndimu wachitiya munthu mweniyo walanda ku nyumba yake.

Nthanthi 15:1

Kwamuka kwakoloŵa kutuzgapo chikwiya, kweni mazu gha ukari ghasosomo ukari.

Nthanthi 14:29

Mweniyo wareka kukala ruŵi wendikuwamo kukuru, kweni mweniyo ngwakukala ruŵiruŵi wakuzga kupusa.

Jobu 2:6

Ndipo Ambuya anguti kwaku Satana, “Ehe, we mu nthazi yako, kweni umoyo wake pe ndiwo uwureke.”

Chituwa 2:15

Penipo Farao wanguchivwa, wapenjanga kubaya Mosese. Kweni Mosese wanguthaŵa kwaku Farao ndi wanguja mu charu cha Midiani; ndipo wanguja pasi pafupi ndi chisima.

Chiyambo 24:10

Sono muŵanda yo wanguto ŵagamila chumi ŵa mbuyake ndipo wanguruta, wangupinga vyaulera vyakusankhika vya mitundu yose vyakutuwa ku mbuyake; ndipo wangusoka, ndi wanguruta ku Mesopotamiya, ku msumba waku Nahoro.

Chiyambo 16:9

Mungelo wa Ambuya wanguti kwaku iyo, “Uwere ku mbuyako, ndi ukajithereske kwaku iyo.”

Yoswa 9:25

Ndipo sono, ehe, ifwe temu janja linu chitani cho chingaŵa chamampha ndi chakwenere mu maso ghinu paku ifwe.”