Chiyambo 15:5 - Tonga Bible 1986

⁵ Ndipo wangumutuzgiya kubwalo ndi wanguti, “Lereska kuchanya, ndi uŵerenge nyenyezi zo, asani ungaziŵa kuziŵerenga.” Sono wanguti kwaku iyo, “Viyo ndimu yikaŵiyanga mphapu yako.”

Chiyambo 15:5 Referans Kwoze

ŴaHebere 11:12

ndiviyo ŵangupapikako ku yumoza, ndi iyo nge ngwakufwa, mu unandi nge ndi nyenyezi za kuchanya, ndi uli ndi mchenga wo wapa likumba la nyanja, wambura maŵerengeka.

ŴaRoma 4:18

Mweniyo Abrahamu, chati chamara chigomekezgu, wanguvwaniya mu chigomekezgu, kuti wakaŵanga iyo wiskeu wa mitundu yinandi, kwakuyana ndi nenedu lo, “Yikaŵanga viyo mbeu yako.”

Marangu 1:10

Ambuya Chiuta winu wakwandaniskani ndipo le mwe ŵanandi nge ndi nyenyezi zakuchanya.

Chituwa 32:13

Kumbukani Abrahamu, Yisaki, ndi Yakobe ŵaŵanda ŵinu, kwaku wo mungurapiya paku mwaŵeni, ndipo munguti kwaku wo, ‘Ndikandaniskanga mphapu zinu nge ndi nyenyezi za kuchanya, ndipo charu chose ichi cho ndapangana kuti ndichipaskenge ku mphapu zinu, iwo ŵakachiharanga muyaya.’ ”

Chiyambo 22:17

kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.

Marangu 10:22

Auskemwe auguzikiya ku Egipiti, ŵanthu machumi ghankhonde ndi ghaŵi (70), ndipo sono Ambuya chiuta winu wakwandaniskani nge ndi nyenyezi za kuchanya.

Yeremiya 33:22

Nge ndimo liŵanja la kuchanya kuti lingaŵerengeka cha, ndi muchenga wapa likumba kuti ungapimika cha, viyo ndimu ndikandaniskiyanga mphapu yaku Davidi mteŵeti wangu, ndi ŵazukuru ŵaLevi ŵeniwo ŵatinditataliya.”

Sumu 147:4

Aŵerenga unandi wa nyenyezi ndi kuzidana mazina yimoza ndi yimoza.

1 Mikoka 27:23

Davidi wengavi kuŵaŵerenga wo ŵenga pasi pa virimika machumi ghaŵi mu ura wawo chifukwa Ambuya angupangana kwandaniska Yisraele nge ndi nyenyezi za kuchanya.

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chiyambo 28:14

ndipo mphapu yako yikawanga uli ndi fuvu lapa charu, ndipo mukasapatiyanga kutali ku zambwe ndi ku vuma ndi ku nkhonde ndi ku mwera; ndipo mwaku iwe ndi mphapu yako mitundu yose ya pano pasi yitumbikikenge.

Chiyambo 26:4

Ndikandaniskanga mphapu yako uli ndi nyenyezi za kuchanya, ndipo ndiapaskanga ku mphapu yako uli ndi nyenyezi za kuchanya, ndipo ndikapaskanga ku mphapu yako ivi vyaru vyose; ndipo mu mphapu yako mitundu yose ya charu chapasi yitumbikikenge.

Chiyambo 16:10

Mungelo wa Ambuya wanguti so kwaku iyo, “Ndikandaniskanga ukongwa limu mphapu zako zo zikaŵanga zambura kuŵerengeka”.

Chiyambo 13:16

Mphapu zako ndikazichitanga uli ndi fuvu la charu; viyo asani wangaŵapo munthu yo wangaziŵa kuŵerenga fuvu la charu, iku mphapu yako nayo yikaŵerengekanga.

Chiyambo 17:2

Ndipo ndikachitanga phanganu pakati pangu ndi iwe, ndipo nkhakwandaniskanga iwe kwakuruska.”

Yoswa 24:3

Sono ndinguto wiskemwe Abrahamu kutuwa kusirgha la Msinji ndipo ndingumurongozga kuporota mu charu chose cha Kanani, ndipo ndi ngwandaniska mphapu yake. Ndingumupaska Yisaki;

1 ŴaKaronga 3:8

Ndipo muŵanda winu we mukati mu khamu linu lenilo mukusankha, khamu likuru ukongwa, la mbura maŵerengeka mu unandi.

Nehemiya 9:23

Mungwandaniska mphapu zawo uli ndi nyenyezi za kuchanya, ndipo munguŵatole mu charu chenicho mungunene auskeu kwachiseremo ndi kuchihara.

Jobu 35:5

Lereskani kuchanya, ndi wonani; wonani mitambo, yo ye pachanya kwakuruska imwe.

Yesaya 51:2

Lereskani kwaku Abrahamu auskemwe ndi kwaku Sara yo wangumupapani; pakuti penipo wenga yumoza pe ndingumudana, ndingumutumbika ndi ndingumuchita kuŵa ŵanandi.

Chiyambo 32:13

Viyo wangugona penipa usiku wuwa, ndipo wangutopo paku vyo wenga navyo, chalara cha muku wake, Esau,