Chiyambo 15:13 - Tonga Bible 1986

¹³ Sono Ambuya anguti kwaku Abramu, “Ziŵa kwakuneneska kuti mphapu yako yikatandalanga mu charu cho kuti nchawo cha, ndipo ŵakaŵanga ŵaŵandamwenimuwa, ndipo ŵakaŵasuzganga virimika machumi pe chumi ghanayi (400);

Chiyambo 15:13 Referans Kwoze

Chituwa 1:11

Viyo angumika nduna za ŵanchitu paku wo, ŵakuŵasuzga ndi mphingu zizitu. Ndipo ŵangumuzenge Farao mizi ya nyumba za mbiku, Pitomo ndi Ramsese.

Machitidu gha Ŵakutumika 7:17

“Kweni pa kuŵandika kwa nyengo yo ya phanganu lo Chiuta wangupangana ndi Abrahamu, khamu lo lingukuwa ndi langwandana mu Egipiti,

ŴaGalatia 3:17

Kweni chenichi ndititi; langulu lakutemeka pavuli pa virimika machumi pe chumi ghanayi ndi machumi ghatatu kuti lipenevya cha phanganu lakukhozgeka kali ndi Chiuta, viyo kuti liwayuwe chipanganu cho.

ŴaLevi 19:34

Mlendo wakutandala namwe, wakaŵanga namwe uli ndi mweni charu, mukamwanjanga uli ndimo mutanjirana mwaŵeni. Pakuti imwe mwenga ŵalendo mu charu cha Egipiti. Ndine Ambuya.

Chiyambo 17:8

Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”

Marangu 10:19

Viyo mwanje mlendo, pakuti imwe namwe mwenga ŵalendo mu Egipiti

Chituwa 23:9

“Mungayuzganga mlendo cha, mutuwuziŵa mtima wa mlendo, pakuti imwe mwenga ŵalendo mu charu cha Egipiti.

Chituwa 22:21

“Munganangiyanga mlendo pamwenga kumuyuzga, pakuti imwe mwenga ŵalendo mu charu cha Egipiti.

Chiyambo 15:16

Ndipo ŵazamuwere kuno mu mgonezi wa chinayi; pakuti ubendezi wa Amori wenga undafiskike.”

Chiyambo 47:4

Ŵanguti kwaku Farao, “Taziya kuzachija mu charu; pakuti chilala nchinonono ukongwa mu charu cha Kanani; ndipo sono timupemphani zomerezgani kuti ŵateŵeti ŵinu ŵaje mu charu cha Gosheni.”

Chituwa 1:13

Chifukwa cho ŵangutataliska nchitu ŵaYisraele kwambura lisungu,

Chituwa 2:24

Ndipo Chiuta wanguvwa mutamanthu wawo, ndipo Chiuta wangukumbuka phanganu lake ndi Abrahamu, Yisaki, ndi Yakobe.

Chituwa 3:8

Ndiziŵa maurwirwi ghawo, ndipo ndasika kuŵapozomoska ku ŵaEgipiti. Ndikaŵatuzganga mu charu chiya kuya nawo ku charu chamampha ndi chisani, charu cha mukaka unandi ndi uchi unandi. Cho ndi charu cha ŵaKanani, ŵaHiti, ŵaAmori, ŵaPerizi, ŵaHivi, ndi ŵaYebusi.

Chituwa 3:10

Zanga ndikakutumanga kwaku Farao kuti ukatuzge ŵanthu ŵangu, ŵana ŵaku Yisraele, mu charu cha Egipiti.”

Chituwa 3:17

sono ndipangana kuti ndikakutuzganingimo mu suzgu yamu Egipiti, kuya namwe ku charu cha ŵaKanani, ŵaHiti, ŵaAmori, ŵaPerizi, ŵaHivi ndi ŵaYebusi, charu chakuzara mukaka ndi uchi.” ’

Marangu 5:15

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

Sumu 105:42

Angukumbuka phanganu lawo lakupaturika kwaku Abrahamu mteŵeti wawo.

Chituwa 1:14

ndipo ŵanguŵasuzga ukongwa, pakuŵagwiriska nchitu zizitu, kukasa dongo, ndi kuwumba ncherwa ndi mitundu yose ya nchitu zamu minda. Mu nchitu yawo yose ŵanguŵatataliska kwambura lisungu.

Maŵerengedu 20:15

muziŵa mo auskefwe ŵangusikiya ku Egipiti ndipo tinguja mu Egipiti kwa nyengo yitali; ŵaEgipiti ŵangutisuzga uheni ukongwa ifwe pamoza ndi auskefwe;